Լեյլա Յոզեֆովիչ

Վիքիպեդիայից՝ ազատ հանրագիտարանից
Լեյլա Յոզեֆովիչ

Լեյլա Յոզեֆովիչ (անգլերեն՝ Leila Josefowicz), ամերիկացի ջութակահարուհի է:

Կյանքը և կարիերան[խմբագրել | խմբագրել կոդը]

Ծնվել է 1977 թվականի հոկտեմբերի 20-ին Տորոնտոյում: Լեյլան ծնվել է Տորոնտոյում (Կանադա), բայց նրա ծնունդից քիչ անց ընտանիքը տեղափոխվել է Կալիֆորնիա (ԱՄՆ): Նրա հայրը ֆիզիկոս է, իսկ մայրը կենսաբան: Լեյլան արդեն 3 տարեկան հասակում նվագում էր մի մանրակազմ ջութակ: Այնուհետև իր ծնողների հետ մեկտեղ նա սովորում է Սուզուկիի ջութակի մեթոդը: Այստեղ պարզվում է, որ նա ունի փայլուն լսողություն: Հինգ տարեկանից նա լուրջ սկսում է զբաղվել ջութակով: Նրա առաջին ուսուցիչը Աւդել Լուն է լինում: Ութ տարեկանից նա սովորում է Քոլբուրնի երաժշտական դպրոցում, Ռոբերտ Լիփսեթի դասարանում: Տասներեք տարեկան հասակից նա սովորում է Ֆիլադելֆիայի Քուրթիսի անվան երաժշտական ինստիտուտում, տարբեր վաստակավոր ջութակահարների դասարաններում: Նա նվագել է տարբեր սիմֆոնիկ նվագախմբերում կատարելով բազմաթիվ շրջագայութուններ: 1994 թվականին նա առաջին անգամ նվագում է Նյու Յորքի Քարնեջի Հոլում` կատարելով Չայկովսկու ջութակի կոնցերտը (դիրիժոր՝ Նեվիլլ Մարիներ): Նույն թվականին նա պայմանագիր է ստորագրում Ֆիլիփս Քլասսիկի հետ և ձայնագրում է Յան Սիբելիուսի և Պյոտր Իլյիչ Չայկովսկու ջութակի կոնցերտները՝ նույն դիրիժորի գլխավորությամբ: Նա նաև տարված է ժամանակակից կոմպոզիտորների ստեղծագործություններով: Բացի դասական րեպերտուարից նա նաև կատարում է ջազ և բազմաթիվ իմպրովիզացիաներ: Կատարելով տարբեր շրջագայություններ նա կատարել է նոր կոմպոզիտորների գրած կոնցերտներ` տարբեր նվագախմբերի հետ միասին: Բացի ամերիկայան նվագախմբերից, նա նաև հանդես է եկել տարբեր եվրոպական նվագախմբերի հետ՝ Լոնդոնի Սիմֆոնիկ Նվագախումբ, Լայպցիգի և Մյունխենի նվագախմբեր, Չեխիայի նվագախումբ և այլն: Հանդես է եկել աշխարհի բոլոր ծայրերում: Լեյլան պարգևատրվել է բազմաթիվ ամերիկյան մրցանակներով: Նա նվագում է 1708 թվականին պատրաստած Ստրադիվարիուսի "Ռուբի" ջութակը և 1739 թվականի Գվարներիուս դել Ջեզուի պատրաստած "Էբերսոլթ" ջութակը: Նա ձայնագրել է բազմաթիվ ձայնասկավառակներ: