Լեդի Բաբուշկա

Վիքիպեդիայից՝ ազատ հանրագիտարանից
Լուսանկարներից մեկը, որտեղ պատկերված է Լեդի Բաբուշկան։ Նա նշված է սլաքով

Լեդի Բաբուշկա (անգլ.՝ Babushka Lady), անհայտ կին, որը ներկա է եղել նախագահ Ջոն Ֆ. Քենեդու սպանությանը 1963 թվականին, և կարող էր լուսանկարել Դալասի Դիլի Պլազայում տեղի ունեցած իրադարձությունները այն ժամանակ, երբ գնդակահարվել է նախագահ Ջոն Ֆ. Քենեդին։ Նրա մականունն առաջացել է այն գլխաշորի պատճառով, որը նա կրում էր՝ ռուս տարեց կանանց ոճով (бабушка - բաբուշկա՝ բառացի նշանակում է «տատիկ» կամ «տարեց կին» ռուսերենով)։ Ականատեսները տեսել են, թե ինչպես է Լեդի Բաբուշկան ձեռքին ֆոտոխցիկ պահել, ինչպես նաև նրան նկատել են սպանության տեսագրություններում[1][2]։ Նրան տեսել են նաև Զապրուդերի, ինչպես նաև Օրվիլ Նիքսի[3], Մարի Մաչմորի և Մարք Բելի[4] ֆիլմերում (Բելի Ֆիլմի 44-րդ րոպեին, երբ չնայած հրաձգությունն արդեն տեղի է ունեցել, և նրա շուրջը գտնվող վկաների մեծ մասը թաքնվել է, նա դեռևս կանգնած էր տեսախցիկով իր դեմքի մոտ)։ Հրաձգությունից հետո նա հատել է Էլմ փողոցը և միացել խոտածածկ բլրի վրայով բարձրացած ամբոխին։ Վերջին անգամ նրան տեսել են լուսանկարներում, երբ նա քայլում էր Էլմ փողոցով։ Ոչ Լեդի Բաբուշկան, ոչ էլ նրա նկարահանած ֆիլմը երբեք հստակ նույնականացված չեն եղել։ Բացի այդ՝ ոչ մի լուսանկար չի ֆիքսել նրա դեմքը, քանի որ բոլոր դեպքերում նա կամ կանգնած էր այնպես, որ դեմքը չերևա տեսախցիկներին, կամ (ինչպես Զապրուդերի ֆիլմի դեպքում[5]) սեփական տեսախցիկով փակում էր իր դեմքը։

Բևեռլի Օլիվերի պնդումներ[խմբագրել | խմբագրել կոդը]

1970 թվականին Տեխաս նահանգի Ջոշուա քաղաքի եկեղեցական վերածննդի ժողովի ժամանակ Բևեռլի Օլիվեր անունով մի կին դավադրությունների հետազոտող Գարի Շոուին ասել է, որ նա Լեդի Բաբուշկան է[6]։ Օլիվերը հայտարարել է, որ նա նկարահանել է սպանությունը և, որ նա չբացահայտված ֆիլմը փոխանցել է երկու տղամարդկանց, որոնք ներկայացել են որպես ՀԴԲ-ի գործակալներ[6]։ Օլիվերի խոսքով՝ ինքը ոչ մի պատասխան չի ստացել այն տղամարդկանցից, որոնք նրան ասել են, որ ֆիլմը կվերադարձնեն տասը օրվա ընթացքում[6]։ Նա կրկնել է իր պնդումները 1988 թվականի «Մարդիկ, որոնք սպանել են Քենեդիին» վավերագրական ֆիլմում[6]։ Վինսենտ Բուգլիոզիի համաձայն՝ Օլիվերը «երբեք չի ապացուցել, որ այդ օրը եղել է Դիլի Պլազայում»[6]։ Բախվելով այն փաստին, որ Yashica Super-8 տեսախցիկն արտադրվել է միայն 1969 թվականին, նա հայտարարել է, որ ընկերոջից «փորձարարական» տեսախցիկ է ստացել և նույնիսկ վստահ չի եղել, որ դրա վրա գրված է եղել արտադրողի անունը[6]։ Շատ հետազոտողներ նրա խոսքերը սուտ են համարել։

Բևեռլի Օլիվերի պնդումները դրվել են Օլիվեր Սթոունի «Ջոն Ֆ. Քենեդի. Կրակոցներ Դալասում» 1991 թվականի ֆիլմի մեկ տեսարանի հիմքում, որտեղ «Բևեռլի» անունով կերպարը հանդիպում է Ջիմ Գարիսոնի հետ Դալասի գիշերային ակումբներից մեկում[7]։ Լոլիտա Դավիդովիչի կողմից մարմնավորվելով, Օլիվիան պատկերված է գլխաշորով Դիլի Պլազայում և խոսում է այն մասին, որ իր նկարահանած ֆիլմը տվել է երկու տղամարդկանց, որոնք պնդում էին, որ իրենք ՀԴԲ գործակալներ են։

Սպանությունների վերաբերյալ ներկայացուցիչների պալատի ընտրական հանձնաժողովի զեկույց[խմբագրել | խմբագրել կոդը]

1979 թվականի մարտին ԱՄՆ Ներկայացուցիչների պալատի սպանությունների հարցերով հատուկ կոմիտեի լուսանկարչական ապացույցների խումբը նշել է, որ իրենք չեն կարողացել գտնել «Լեդի Բաբուշկային» վերագրվող ոչ մի ֆիլմ[8]։ Ըստ իրենց զեկույցի․ «Ի սկզբանե Ռոբերտ Գրոդենը՝ կոմիտեի լուսանկարչական խորհրդատուն, խորհրդակցել է խումբը համապատասխան լուսանկարչական հարցերի և հարակից նյութերի վերաբերյալ։ Կոմիտեի քննիչները հայտնաբերել են առաջարկվող ֆիլմերից և լուսանկարներից շատերը, սակայն որոշ իրեր այդպես էլ չեն հայտնաբերվել, օրինակ՝ «Լեդի տատիկի ֆիլմը»՝ Նորման Սիմիլասի գունավոր լուսանկարը և Բեթզների լուսանկարի բնօրինակ նեգատիվ լուսանկարը»։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ «Muchmore frame». Արխիվացված է օրիգինալից 2012 թ․ մարտի 9-ին. Վերցված է 2003 թ․ հոկտեմբերի 9-ին.
  2. ↑ Zapruder Frame 285
  3. ↑ «JFK Assassination Films». Jfk-online.com. Վերցված է 2009 թ․ դեկտեմբերի 3-ին.
  4. ↑ «JFK Assassination Films». Jfk-online.com. Վերցված է 2009 թ․ դեկտեմբերի 3-ին.
  5. ↑ United States of America Assassination Records Review Board: Public Hearing. Washington, D.C.: United States Government Printing Office. 1994 թ․ նոյեմբերի 18. էջեր 25–26, 41–43.
  6. ↑ 6,0 6,1 6,2 6,3 6,4 6,5 Bugliosi, Vincent (2007). Reclaiming History: The Assassination of President John F. Kennedy. New York: W. W. Norton & Company. էջ 1405. ISBN 0-393-04525-0.
  7. ↑ Stone, Oliver; Sklar, Zachary (1992). «JFK: The Documented Screenplay». JFK: The Book of the Film : The Documented Screenplay. New York: Applause Books. էջեր 119–121. ISBN 9781557831279. Վերցված է 2012 թ․ հունիսի 7-ին.
  8. ↑ Appendix to Hearings before the Select Committee on Assassinations of the U.S. House of Representatives. Vol. VI Photographic Evidence. Washington, D.C.: United States Government Printing Office. 1979. էջ 13.

Գրականություն[խմբագրել | խմբագրել կոդը]

  • Օլիվեր Բ., Բյուքենեն Ք. Մղձավանջ Դալասում. — Starburst Pub, 1994. — 300 p. — ISBN 0914984608

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Լեդի_Բաբուշկա&oldid=9465392» էջից