Լա Սկալա թատրոնի թանգարան

Վիքիպեդիայից՝ ազատ հանրագիտարանից
Jump to navigation Jump to search
Լա Սկալա թատրոնի թանգարան
0007sala1 002.jpg
Տեսակթատերական թանգարան և երաժշտական թանգարան
ԵրկիրFlag of Italy.svg Իտալիա[1]
ՏեղագրությունԳոտի 1 և Միլան
Ղեկավարության նստավայրQ18215298?, Միլան, Իտալիա
ՀասցեLargo Ghiringhelli, 1 (piazza Scala)
Հիմնադրված է1913
Կոորդինատներ: 45°28′2.280″ հս․ լ. 9°11′21.120″ ավ. ե. / 45.46730000° հս․. լ. 9.18920000° ավ. ե. / 45.46730000; 9.18920000
Կայքmuseoscala.org

Լա Սկալա թատրոնի թանգարան (իտալ.՝ Museo teatrale alla Scala), Միլանի Լա Սկալա թատրոնին կից թատերական թանգարան և գրադարան: Չնայած թանգարանն առանձնակի ուշադրություն է հատկացնում օպերայի պատմությանն ու այս օպերային թատրոնին առհասարակ, նրա շրջանակներն ընդգրկում են նաև Իտալիայի թատերական պատմությունն ընդհանրապես՝ ներառելով ցուցադրություններ կոմեդիա դել'արտեից և հայտնի բեմական դերասանուհի Էլեոնորա Դուզեի մասին:

Թանգարան[խմբագրել | խմբագրել կոդը]

Լա Սկալա հրապարակում գտնվող Լա Սկալա թատրոնին կից թանգարանը բացվել է 1913 թվականի մարտի 8-ին, որի համար հիմք է ծառայել 1911 թվականին աճուրդով ձեռք բերված մի մեծ մասնավոր հավաքածու, որը ֆինանսավորվել է թե՛ կառավարական, թե՛ մասնավոր աղբյուրներից: Ցուցադրությունները ներառում են տարազներ, էսքիզներ, ինքնագրեր, պատմական հետաքրքրություն ներկայացնող երաժշտական գործիքներ, ինչպես նաև երաժիշտների և դերասանների գեղանկարներ, արժեքավոր կերամիկական կոմեդիա դել'արտե կերպարներ, սեղանի խաղեր, որոնք օգտագործվել են թատրոնի նախասրահում:

Ջուդիտա Պաստա, նկարիչ՝ Ջոակինո Ջուզեպպե Սերանջելի

Գրադարան[խմբագրել | խմբագրել կոդը]

Թանգարանի «Լիվիա Սիմոնի» գրադարանը գտնվում է կառույցի երկրորդ հարկում: Այն ստեղծվել է 1952 թվականին գրող, Corriere della Sera-ի թղթակից քննադատ Ռենատո Սիմոնիի նվիրաբերած 40.000 կտոր գրականության հիման վրա: Գրադարանն անվանվել է ի պատիվ հեղինակի մոր: Այժմ գրադարանն ունի շուրջ 140,000 աշխատանքներ կապված թատրոնի, օպերայի և բալետի պատմությանը, այդ թվում լիբրետոների, պարբերականներ,երաժիշտների, դերասանների և պարողների նամակագրություններ, ինչպես նաև գրքեր:

Գրականություն[խմբագրել | խմբագրել կոդը]

  • Museo Teatrale alla Scala /di Giampiero Tintori, Milano, Electa, 1985, ISBN 88-435-1176-9.
  • Il Museo teatrale alla Scala : 1913-1963 / a cura di S. Vittadini … et al., Milano, Edizioni del Museo teatrale alla Scala, 1964.

Ծանոթագրություններ[խմբագրել | խմբագրել կոդը]

  1. GeoNames — 2005.

Արտաքին հղումներ[խմբագրել | խմբագրել կոդը]