Լարի Հեգմեն

Վիքիպեդիայից՝ ազատ հանրագիտարանից
Jump to navigation Jump to search
Լարի Հեգմեն
Larry Hagman 2010.jpg
Ծնվել էսեպտեմբերի 21, 1931(1931-09-21)[1][2][3][…]
ԾննդավայրՖորտ-Ուերտ[4]
Մահացել էնոյեմբերի 23, 2012(2012-11-23)[5][1][6][…] (81 տարեկան)
Մահվան վայրԴալաս[4][7][8]
ԿրթությունԲարդ Քոլեջ, Թրինիթի դպրոց և Weatherford High School?
ՔաղաքացիությունFlag of the United States.svg ԱՄՆ
Մասնագիտությունդերասան, հեռուստատեսային դերասան, կինոռեժիսոր, կինոպրոդյուսեր, գրող, ինքնակենսագիր, հեռուստառեժիսոր, հնչյունավորող, հեռուստատեսային պրոդյուսեր, կրկնօրինակող, թատրոնի դերասան, կինոդերասան և օդաչու
Ծնողներմայր՝ Մերի Մարթին
Պարգևներ և մրցանակներԹատերական համաշխարհային մրցանակ[9] և Հոլիվուդյան փառքի ծառուղու աստղ
larryhagman.com

Լարի Հեգմեն (անգլ.՝ Larry Hagman, սեպտեմբերի 21, 1931(1931-09-21)[1][2][3][…], Ֆորտ-Ուերտ[4] - նոյեմբերի 23, 2012(2012-11-23)[5][1][6][…], Դալաս[4][7][8]), ամերիկացի դերասան, պրոդյուսեր և ռեժիսոր, որը դերասանուհի Մերի Մարտինի որդին է և առավել հայտնի է 1980-ական թվականների «Դալաս» հանրաճանաչ հեռուստասերիալում կատարած իր Ջեյ Ար Յուինգ դերով, որը նրան բերել է «Ոսկե գլոբուս» մրցանակի չորս և «Էմմի» մրցանակի երկու անվանակարգեր, ինչպես նաև 1960-ական թվականներին «Ես երազում եմ Ջինի մասին» սիթքոմում կատարած դերով։ 1981 թվականին ստացել է սեփական աստղ Հոլիվուդյան փառքի ծառուղում։

Կյանք և կարիերա[խմբագրել | խմբագրել կոդը]

Վաղ կյանք և կարիերա[խմբագրել | խմբագրել կոդը]

Լարի Հեգմենը ծնվել է Տեխաս նահանգի Ֆորտ-Ուերտ քաղաքում։ Նրա մայրը հայտնի դերասանուհի Մերի Մարտինն է, իսկ հայրը՝ Ջեք Հեգմենը, որը եղել է շրջանային դատախազ[10]։ Նրա ծնողներն ամուսնալուծվել են 1936 թվականին, երբ Հեգմենը հինգ տարեկան էր։ Երբ նրա մայրը սկսել է համագործակցել Paramount Pictures-ի հետ, նկարահանումներին մասնակցելու համար վերցրել է Հեգմանին։ Հետո նա իր կարիերան սկսել է Դալասում՝ թատրոնում կատարելով ոչ մեծ դերեր, իսկ 1950 թվականին Բրոդվեյում առաջնաելույթ է ունեցել՝ խաղալով «Անսանձ կնոջ սանձահարումը» պիեսի բեմադրություն։ 1951 թվականին նա լոնդոնյան տարբերակով թողարկել է «Խաղաղ օվկիանոսի հարավը» մյուզիքլը, որտեղ գլխավոր դերը խաղացել է նրա մայրը։ 1952 թվականին՝ Կորեական պատերազմի ժամանակ, Հեգմենը զորակոչվել է ԱՄՆ ռազմաօդային ուժեր։

Հեգմենը Բարբարա Իդենի հետ «Ես երազում եմ Ջինի մասին» սերիալում

ВВС-ից հեռանալուց հետո՝ 1956 թվականին, նա վերադարձել է Նյու Յորք, որտեղ ելույթ է ունեցել օֆֆ-բրոդվեյական բեմում։ Հետագայում՝ հիսունականներին, հայտնվել է օֆֆ-բրոդվեյական և բրոդվեյական բեմականացումների ամբողջ շարքերում։ Նույն ժամանակահատվածում նա սկսել է հայտնվել էկրաններին՝ հեռուստատեսությունում հիմնականում կատարելով էպիզոդիկ դերեր։ 1961 թվականին ստացել է դեր «Գիշերվա շեմին» ցերեկային սերիալում, որտեղ նկարահանվել է հաջորդ երկու տարիներին։

Լարի Հեգմենը 1973 թվականին

«Ես երազում եմ Ջինի մասին»[խմբագրել | խմբագրել կոդը]

1965 թվականին Հեգմենը ստացել է իր առաջին հաջողակ դերը «Ես երազում եմ Ջինի մասին» կատակերգական սերիալում, որտեղ խաղացել է Բարբարա Իդենի հետ։ Սերիալը դարձել է հիթ և եթերում գոյություն է ունեցել հինգ եթերաշրջան։ 70-ականներին խաղացել է երկու ձախողված սիթքոմներում, ինչպես նաև նկարահանվել է մի շարք կինոներում և հեռուստաֆիլմերում։

«Դալաս»[խմբագրել | խմբագրել կոդը]

1978 թվականին «Դալաս» հեռուստասերիալում Հեգմենը ստացել է գործարար Ջեյ Ար Յուինգի դերը՝ թերևս իր ամենահայտնի դերը։ Ամենասկզբում Ջեյ Ար Յուինգի դերը ստացել էր Ռոբերտ Ֆոքսուորթը, սակայն նա ցանկացել է, որ սցենարիստները կերպարն ավելի մեղմ դարձնեն։ Նույն ժամանակ Լարի Հեգմենը, որը նախկինում հայտնի էր հիմնականում կատակերգական սերիալներում կատարած դրական դերերով, շահագրգռված էր այդ դերով և ցանկացել է, որ բնավորությունը մնա այնպիսին, ինչպիսին հեղինակները նախապես մտածել էին։ Հեգմենը ստացել է այդ դերը և 1977 թվականի ձմռանը սկսել է նկարահանվել[11]։

Սերիալը դարձել է իր ժամանակաշրջանի մշակութային ֆենոմենը և հեռուստատեսությունում սկիզբ է դրել քլիֆհենգերի մոդային։ Երրորդ եթերաշրջանի սկզբին ամբողջ աշխարհին հետաքրքրում էր, թե ով էր կրակել Ջեյ Էրին. քլիֆհենգերի երկրորդ եթերաշրջանի եզրափակչում է, որտեղ անհայտ անձը կրակել է Ջեյ Էր Յուինգի վրա։ Հանդիսատեսը ստիպված էր սպասել ամբողջ ամառ, որպեսզի իմանար այդ գաղտնիքը։ 1980 թվականի ամռանը «Ո՞վ էր կրակել Ջեյ Էրին» նշանաբանը դարձել է աշխարհում ամենաքննարկվող թեմաներից մեկը, իսկ հաջորդ եթերաշրջանի պրեմիերան դիտել է ռեկորդային թվով հանդիսատես՝ ավելի քան 83 մլն հանդիսատես ԱՄՆ-ում, ինչը հավասար է երկրի բնակչության 76 տոկոսին[12]։ Ի վերջո այն ցույց է տվել, որ հերոսուհի Մերի Քրոսբին է կրակել Ջեյ Էրի վրա։ Սցենարիստների նման քայլը պայմանավորված էր Հեգմենի կողմից իր հոնորարը բարձրացնելու պահանջներով։ Պրոդյուսերները շփոթված էին. արժե՞ դերասանին մեծ հոնորար վճարել, թե ավելի հեշտ է սպանել նրա հերոսին։ Ի վերջո նրանք ստիպված էին կատարել Հեգմենի պահանջները և բարձրացնել նրա աշխատավարձը, քանի որ նրա կերպարն այնքան հայտնի էր, որ հնարավոր չէր լինի շոուից հեռացնել առանց վարկանիշային կորուստների։ Հեգմենը ութսունական թվականներին դարձել է հեռուստատեսության ամենաբարձր վարձատրվող դերասանը, իսկ սերիալը եթերում գոյատևել է տասներեք եթերաշրջան և ծնունդ է տվել մի շարք սպին-օֆֆերի, տեսախաղերի և նման այլ բաների։

Հեգմանը և Լինդա Գրեյը 2010 թվականին

Վերջին տարիներ[խմբագրել | խմբագրել կոդը]

«Դալաս»-ի ավարտից հետո Հեգմենը նկարահանվել է «Նիքսոն» և «Հիմնական գույներ» ֆիլմերում։ Նա նաև խաղացել է «Օռլեանցիներ» սերիալի գլխավոր դերում, որը փակվել է ութ էպիզոդներից հետո։ 2010 թվականին նա եղել է հրավիրված աստղ «Հուսահատ տնտեսուհիները» սերիալում, որտեղ խաղացել է իր սիրելի հերոսուհու՝ Պոլի Բերգենի դերը։

2009 թվականի վերջին սկսվել է «Դալաս»-ի շարունակության մշակումը։ 2010 թվականի դեկտեմբերին հայտնի է դարձել, որ Հեգմենը չի համաձայնել պայմանագիր կնքել ալիքի հետ և պահանջել է աշխատավարձի բարձրացում[13]։ Նախկինում բնօրինակի 2 առանցքային դերասաններ՝ Լինդա Գրեյը և Պատրիկ Դաֆին, համաձայնել էին մասնակցել պիլոտին։ Շտապելուց Սինտիա Սիդրան սկսել է գրել պիլոտի այլընտրանքային սցենար՝ առանց Հեգմենի մասնակցության, որը նախորդի նման դուր է եկել ալիքի ղեկավարությանը[13]։ Այնուամենայնիվ, Հեգմենի հետ բանակցությունները շարունակվել են, և ալիքի ղեկավարությունը հայտարարել է, որ պիլոտը նկարահանելու են նրա հետ կամ առանց նրա[13], և դերասանը, այնուամենայնիվ, հաջորդ տարվա փետրվարի սկզբին պայմանագիր է ստորագրել նախագծին մասնակցելու համար[14]։ 2012 թվականի հունիսին կայացել է «Դալաս» համանուն պրեմերիայի շարունակությունը, որտեղ Հեգմենը նորից խաղացել է Ջեյ Էրի դերը[15][16]։

Հեգմենն իր կարիերայի ընթացքում չորս անգամ առաջադրվել է «Ոսկե գլոբուս» մրցանակի, երկու անգամ «Էմմի»-ի, ինչպես նաև 1989 թվականին արժանացել է «Բեմբի» մրցանակին և ստացել է սեփական աստղ «Հոլիվուդյան փառքի ծառուղում»[17]։

Հիվանդություն և մահ[խմբագրել | խմբագրել կոդը]

2011 թվականի հոկտեմբերի 14-ին «Դալաս»-ի շարունակության նկարահանումների ժամանակ հայտարարվել է, որ Հեգմենը հիվանդ է կոկորդի քաղցկեղով[18]։ Նա հաջողությամբ բուժման կուրս է անցել, և 2012 թվականի հունվարին դերասանը հայտարարել է, որ լիովին առողջ է։

Լարի Հեգմենը մահացել է 2012 թվականի նոյեմբերի 23-ին Դալասի բժշկական կենտրոնում կոկորդի քաղցկեղից[19][20]։ Նա մահացել է մերձավոր մարդկանց շրջանում, որոնց թվում էին «Դալաս» սերիալի պաշտոնակիցներ Լինդա Գրեյը և Պատրիկ Դաֆին[21]։ Նրա մահվան մասին լուրն անսպասելի էր շատերի համար, մասնավորապես՝ «Դալաս» վերակենդանացած սերիալի պրոդյուսերների համար, որտեղ նա նկարահանվել է մինչև վերջին օրերը[22]։ Մահվան պահին նա հասցրել է նկարահանվել սերիալի երկրորդ եթերաշրջանի տասնհինգ էպիզոդներից վեցում, և նրա կերպարի պատմությունն ավարտվել է J.R.'s Masterpiece էպիզոդում[23]։

Անձնական կյանք[խմբագրել | խմբագրել կոդը]

1954 թվականից Հեգմենն ամուսնացած է եղել շվեդուհի Մայ Աքսելսոնի հետ։ Նրանք ունեցել են երկու երեխա։ 1995 թվականի օգոստոսին նա ենթարկվել է լյարդի փոխպատվաստման վիրահատության։ 2010 թվականին հայտնի է դարձել, որ նրա կինը տառապում է ալցհայմերի հիվանդությամբ[24]։

Մասնակի ֆիլմագրություն[խմբագրել | խմբագրել կոդը]

Հեռուստատեսություն[խմբագրել | խմբագրել կոդը]

Տարի Անվանում Բնօրինակ անվանում Դեր
1961-1963 ս Գիշերվա շեմին The Edge of Night Էդ Գիբսոն
1978-1991 ս Դալաս Dallas Ջեյ Ար Յուինգ
1980-1982 ս Խաղաղ հանգրվան Knots Landing Ջեյ Ար Յուինգ
2011 ս Հուսահատ տնտեսուհիները Desperate Housewives Ֆրենք Քամինսկի
2012-2013 ս Դալաս Dallas Ջեյ Ար Յուինգ

Ֆիլմեր[խմբագրել | խմբագրել կոդը]

Տարի Անվանում Բնօրինակ անվանում Դեր
1964 ֆ Անվտանգության համակարգ Fail-Safe Բաք
1966 ֆ Խումբ The Group Հարալդ Պեթերսոն
1974 ֆ Հարրի և Տոնտո Harry and Tonto Էդի Քումբս
1976 ֆ Արծիվը վայրէջք է կատարել The Eagle Has Landed գնդապետ Պիթս
1978 ֆ Սուպերմեն Superman մայոր
1995 ֆ Նիքսոն Nixon Ջեք Ջոնս
1996 հֆ Դալաս. Ջեյ Արը վերադառնում է Dallas: J.R. Returns Ջեյ Ար Յուինգ
1998 ֆ Հիմնական գույներ Primary Colors նահանգապետ Ֆրեդ Պիքեր
1998 հֆ Դալաս. Յուինգի պատերազմը Dallas: War of the Ewings Ջեյ Ար Յուինգ

Մատենագրություն[խմբագրել | խմբագրել կոդը]

  • «Larry Hagman’s Curtain Call» Harry Hurt III Texas Monthly Austin, Tx. June, 2012. pp. 144–145,195-199,201-202.

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. 2,0 2,1 http://www.tvrage.com/passedaway.php?bshow=2007-11-23
  3. 3,0 3,1 Internet Broadway Database — 2000.
  4. 4,0 4,1 4,2 4,3 4,4 4,5 German National Library, Berlin State Library, Bavarian State Library, Austrian National Library Record #124132901 // Gemeinsame Normdatei — 2012—2016.
  5. 5,0 5,1 5,2 Larry Hagman dead at 81, portrayed notorious TV villain J.R. Ewing
  6. 6,0 6,1 6,2 http://www.aveleyman.com/ActorCredit.aspx?ActorID=7219
  7. 7,0 7,1 7,2 http://www.buzzfeed.com/whitneyjefferson/halle-berrys-ex-boyfriend-and-current-boyfriend-g
  8. 8,0 8,1 8,2 http://www.neatorama.com/2012/11/24/RIP-Larry-Hagman/
  9. http://www.theatreworldawards.org/past-recipients.html
  10. «Ancestry of Larry Hagman»։ Genealogy.com։ Արխիվացված է օրիգինալից 2005-03-04-ին։ Վերցված է 2011-01-12 
  11. «A Season by Season look at Dallas»։ Ultimate Dallas։ Արխիվացված է օրիգինալից 2012-10-03-ին։ Վերցված է 2012-08-19 
  12. Facts on File 1980 Yearbook p905
  13. 13,0 13,1 13,2 Nellie Andreeva (16 декабря 2010)։ «Good-Bye J.R.? ‘Dallas’ Ready To Move On Without Larry Hagman Over Money Demands»։ Deadline.com։ Արխիվացված օրիգինալից 2012-08-19-ին։ Վերցված է 2012-08-10 
  14. «Oil barons reunited: Larry Hagman, Linda Gray and Patrick Duffy sign up for Dallas remake Read more: http://www.dailymail.co.uk/tvshowbiz/article-1352903/Larry-Hagman-Linda-Gray-Patrick-Duffy-sign-Dallas-remake.html#ixzz23AGTNHZT»։ Daily Mail։ 2 февраля 2011։ Արխիվացված օրիգինալից 2012-08-19-ին։ Վերցված է 2012-08-10 
  15. «Hagman Signs Dallas Remake Deal»
  16. «TNT website»։ Արխիվացված է օրիգինալից 2011-07-12-ին։ Վերցված է 2012-05-27 
  17. «Awards for Larry Hagman»։ Արխիվացված օրիգինալից 2012-08-15-ին։ Վերցված է 2012-05-27 
  18. «‘Dallas’ Star Larry Hagman Announces He Has Cancer: “Very Common & Treatable Form”»։ OK։ հոկտեմբերի 14, 2011։ Վերցված է հոկտեմբերի 14, 2011 
  19. «Larry Hagman dead at 81» (անգլերեն)։ USA Today։ 24 ноября 2012։ Վերցված է 2012-11-24 
  20. «Американский актер Ларри Хэгмэн скончался в США на 82-м году жизни Читайте далее: Американский актер Ларри Хэгмэн скончался в США на 82-м году жизни | РИА Новости»։ РИА Новости։ 24 ноября 2012։ Արխիվացված օրիգինալից 2012-12-17-ին։ Վերցված է 2012-11-24։ «Звезда популярного в 1980-х годах сериала «Даллас» уже несколько лет страдал онкологическим заболеванием и циррозом печени. Актёр скончался в пятницу вечером.» 
  21. Nellie Andreeva (24 ноября 2012)։ «R.I.P. Larry Hagman»։ Deadline.com։ Արխիվացված օրիգինալից 2012-12-17-ին։ Վերցված է 2012-11-24 
  22. Aaron Parsley (24 ноября 2012)։ «Larry Hagman Dies»։ People։ Արխիվացված օրիգինալից 2012-12-17-ին։ Վերցված է 2012-11-24 
  23. Nellie Andreeva (24 ноября 2012)։ «How Will Larry Hagman’s Death Affect TNT’s ‘Dallas’?»։ Deadline.com։ Արխիվացված օրիգինալից 2012-12-17-ին։ Վերցված է 2012-11-24 
  24. Ronald Bergan (24 ноября 2012)։ «Larry Hagman obituary»։ Gardian։ Արխիվացված օրիգինալից 2012-12-17-ին։ Վերցված է 2012-11-24 

Արտաքին հղումներ[խմբագրել | խմբագրել կոդը]