Լավագույն կուսակցություն

Լավագույն կուսակցություն; իսլ.՝ Besti flokkurinn
Տեսակ	կուսակցություն
Երկիր	Իսլանդիա
Առաջնորդ	Jón Gnarr?
Հիմնադիր	Jón Gnarr?
Հիմնադրված	նոյեմբերի 16, 2009
Լուծարված	հունիսի 16, 2014
Գաղափարախոսություն	երգիծանք
Շտաբ	Ռեյկյավիկ, Իսլանդիա
Միջազգային պատկանելություն	PPI
Կայք	bestiflokkurinn.is
	Besti flokkurinn Վիքիպահեստում

«Լավագույն կուսակցություն» (անգլ.՝ Best Party), իսլանդական քաղաքական կուսակցություն, որը հիմնադրել է Յոն Գնարը 2009 թվականի նոյեմբերի 16-ին^[1]: Կուսակցությունը մասնակցել է Ռեյկյավիկի 2010 թվականի քաղաքային խորհրդի ընտրություններին և ձայների մեծամասնությամբ հաղթել Ռեյկյավիկի քաղաքային խորհրդում՝ ստանալով ձայների 34.7%-ը^[2]^[3]^[4]։ Եղել է Միջազգային Ծովահենային կուսակցության դիտորդ անդամ^[5]։ Գնարը հայտարարել է, որ կուսակցությունը լուծարվելու է, երբ նա հրաժարական է տվել քաղաքապետի պաշտոնից 2014 թվականի մայիսին կայանալիք տեղական ինքնակառավարման մարմինների ընտրություններից հետո։ «Լավագույն կուսակցության» անդամներից շատերը միացել են «Լուսավոր ապագա» կուսակցությանը։

Կուսակցության հիմնադիրը և նախագահը եղել է Ռեյկյավիկի նախկին քաղաքապետ Յոն Գնարը^[6]: Կուսակցությունը հիմնադրվել է 2009 թվականի Իսլանդիայի խորհրդարանական ընտրություններից մի քանի ամիս անց և սերտորեն կապված է «Լուսավոր ապագա» ազգային կուսակցության հետ, որը գլխավորել է պատգամավոր և «Լավագույն կուսակցության» փոխնախագահ Հեյդա Քրիստին Հելգադոտիրը։

Կուսակցության սկզբնական հաջողությունը դիտվել է որպես 2008-2011 թվականների Իսլանդիայի ֆինանսական ճգնաժամից հետո իշխող կուսակցությունների դեմ ուղղված հակազդեցություն^[7]:

Պատմություն

«Լավագույն կուսակցությունը» հիմնադրել է իսլանդացի դերասան, կատակերգու և գրող Յոն Գնարը 2009 թվականի վերջին: Ի սկզբանե կատակային կուսակցություն լինելով` այն սկզբից հայտարարել է, որ չի կատարելու իր նախընտրական խոստումներից ոչ մեկը: Այն պնդում էր, որ մյուս բոլոր կուսակցությունները գաղտնի կոռումպացված են և խոստանում էր բացահայտ կոռումպացված լինել: Դրա սկզբնական նպատակներից մեկն էր ծաղրել իսլանդական քաղաքականության մեջ տարածված թեմաները՝ մասամբ ընդօրինակելով իսլանդացի քաղաքական գործիչների գործածական ստանդարտ արտահայտությունները, իդիոմները և ժարգոնը^[8]։

2010 թվականին Ռեյկյավիկում ընտրական հաջողությունից հետո «Լավագույն կուսակցությունն» ավելի լուրջացել է։ Այն սկսել է ցուցաբերել կառավարման հանդեպ անկեղծ հետաքրքրություն և շատ հարցերում ձախակողմյան դիրքորոշում է որդեգրել^[9]։

Հիմնադրումից ի վեր «Լավագույն կուսակցությունը» վերածվել է լիարժեք քաղաքական կուսակցության՝ իր սեփական անկախ օրակարգով: «Լավագույն կուսակցության» գլխավոր երգը Թինա Թըրների «Լավագույնը» (The Best) երգն էր: 2010 թվականի ընտրություններից առաջ կուսակցությունը հրապարակել է երգի նոր տարբերակը՝ նոր, Իսլանդիային հատուկ տեքստերով: Նկարահանվել է նաև տեսահոլովակ՝ Ագուստա Եվա Էրլենդսդոտիրի մասնակցությամբ^[8]։

2012 թվականի վերջին կուսակցությունn անկախ պատգամավոր Գուդմունդուր Շտեյնգրիմսոնի հետ հիմնադրել է «Պայծառ ապագա» կուսակցությունը՝ 2013 թվականի ազգային խորհրդարանական ընտրություններին մասնակցելու համար: Այդ ընտրություններում նոր կուսակցության թեկնածուներ էին Ռեյկյավիկի այն ժամանակվա քաղաքապետ Յոն Գնարը և Ռեյկյավիկի քաղաքային խորհրդի անդամ Օտտար Պրոպեն^[5]։ «Լավագույն կուսակցության» գործադիր տնօրեն Հեյդա Քրիստին Հելգադոտտիրը նաև «Պայծառ ապագա»-ի նախագահն է եղել^[5]։

Կուսակցության խոստումներ

Երկրի տնային տնտեսություններին օգնելու համար. Ընտանիքը հասարակության մեջ լավագույն բանն է: Կառավարությունները պետք է բավարարեն տնային տնտեսությունների կարիքներն ու պահանջները: Այս երկրի տնային տնտեսությունների շուրջ պետք է երկաթե պատ բարձրացվի: Իսլանդական տնային տնտեսությունները արժանի են միայն լավագույնին:
Ավելի քիչ բախտավորների կյանքի որակը բարելավելու համար. Մենք ցանկանում ենք, որ այս խումբը ունենա լավագույնը, ուստի առաջարկում ենք անվճար օգտվել ավտոբուսներից և լողավազաններից, որպեսզի դուք կարողանաք շրջել Ռեյկյավիկում և մաքուր լինել, նույնիսկ եթե աղքատ եք կամ ձեզ հետ ինչ-որ բան այն չէ։
Կանգնեցնել կոռուպցիան. Մենք խոստանում ենք կանխել կոռուպցիան։ Մենք դա կանենք՝ դրան բացահայտ մասնակցելով։
Հավասարություն. Բոլորը արժանի են լավագույնին՝ անկախ նրանից, թե ովքեր են և որտեղից են գալիս։ Մենք կանենք մեր լավագույնը բոլորի համար, որպեսզի բոլորը կարողանան միասին լինել լավագույն թիմում։
Բարձրացնել թափանցիկությունը. Լավագույնն է ամեն ինչ անել բացահայտ, որպեսզի հանրությունը տեղյակ լինի, թե ինչ է կատարվում: Մենք ասում ենք, որ աջակցում ենք դրան:
Արդյունավետ ժողովրդավարություն. Ժողովրդավարությունը բավականին լավ է, բայց արդյունավետ ժողովրդավարությունն է լավագույնը։ Ահա թե ինչու ենք մենք այն ուզում։
Չեղարկել բոլոր պարտքերը. Մենք լսում ենք ազգին և անում ենք այն, ինչ նա ցանկանում է, որովհետև ազգը գիտի, թե ինչն է իր համար լավագույնը։
Անվճար ավտոբուսային ուղևորություններ ուսանողների և հաշմանդամություն ունեցող անձանց համար. Մենք կարող ենք առաջարկել ավելի շատ անվճար բաներ, քան որևէ այլ կուսակցություն, քանի որ չենք պատրաստվում իրականացնել այն: Կարող ենք ասել այն, ինչ ուզում ենք: Օրինակ՝ անվճար ավիատոմսեր կանանց համար կամ անվճար մեքենաներ գյուղական վայրերում ապրող մարդկանց համար: Ամեն ինչ նույնն է:
Անվճար ատամնաբուժական ծառայություններ երեխաների և հաշմանդամություն ունեցող անձանց համար. սա այն բանն է, որը բացակայում է, և մենք անպայման ուզում ենք մասնակցել դրա խոստմանը։
Անվճար լողավազաններ բոլորի համար և անվճար սրբիչներ. սա այն բանն է, որին բոլորը պետք է սիրահարվեն, և սա այն նախընտրական խոստումն է, որով մենք ամենաշատն ենք հպարտանում։
Տնտեսական փլուզման համար պատասխանատուներին դատարան տանել. զգացի, որ պետք է սա ներառենք։
Սեռերի լիակատար հավասարություն
Ավելի շատ լսել կանանց և տարեցներին. այս խմբին չափազանց քիչ են լսում։ Այնպես է, կարծես բոլորը կարծում են, թե պարզապես բողոքում են կամ նման մի բան։ Մենք դա փոխելու ենք^[10]^[11]^[12]։

2010 թվականի ընտրություններ

Կուսակցության քաղաքական առաջին փորձը եղել է 2010 թվականին Ռեյկյավիկի տեղական ընտրություններում թեկնածուների ցուցակ ներկայացնելը։ Նրանց ծրագիրը ներառել է անվճար սրբիչներ քաղաքի բոլոր լողավազաններում, սպիտակ արջ քաղաքային կենդանաբանական այգում, Դիսնեյլենդ Վատնսմիրի այգում և թմրանյութերից զերծ ազգային խորհրդարան (Ալտինգ) մինչև 2020 թվականը։ Կուսակցությունը շահել է Ռեյկյավիկի քաղաքային խորհրդի 15 տեղերից վեցը և քաղաքը կառավարել Սոցիալ-դեմոկրատական դաշինքի հետ միասին՝ որպես կոալիցիոն ավագ գործընկեր։

Ծանոթագրություններ

↑ «Jón Gnarr creates a political party» (Icelandic). Visir.is. 2009 թ․ նոյեմբերի 16. Արխիվացված է օրիգինալից 2014 թ․ ապրիլի 13-ին. Վերցված է 2013 թ․ փետրվարի 15-ին.{{cite web}}: CS1 սպաս․ չճանաչված լեզու (link)
↑ «Besti flokkurinn stærstur í Reykjavík». Morgunblaðið. 2010 թ․ մայիսի 17. Վերցված է 2010 թ․ մայիսի 19-ին.
↑ «Kosningavefur Dómsmálaráðuneytisins». Icelandic Ministry of Justice. Արխիվացված է օրիգինալից 2010 թ․ մայիսի 8-ին. Վերցված է 2010 թ․ մայիսի 19-ին.
↑ «Best Party wins polls in Iceland's Reykjavik». BBC. 2010 թ․ մայիսի 30. Վերցված է 2010 թ․ մայիսի 30-ին.
↑ ^5,0 ^5,1 ^5,2 «Best Party Integrated Into International Pirate Party» (Icelandic). The Reykjavík Grapevine. 2013 թ․ ապրիլի 23. Վերցված է 2013 թ․ ապրիլի 24-ին.{{cite web}}: CS1 սպաս․ չճանաչված լեզու (link)
↑ «Kosningavefur Dómsmálaráðuneytisins». Icelandic Ministry of Justice. Արխիվացված է օրիգինալից 2010 թ․ մայիսի 22-ին. Վերցված է 2010 թ․ մայիսի 19-ին.
↑ "Satiric political party wins council poll in Iceland" Արխիվացված 2018-09-21 Wayback Machine, Indo-Asian News Service, May 30, 2010. (accessed 24 January 2012)
↑ ^8,0 ^8,1 Birrell, Ian (2011 թ․ հունիսի 24). «A joker's party is serious about saving Iceland from meltdown». The Guardian Weekly. էջ 3.
↑ «Icelander's Campaign Is a Joke, Until He's Elected». The New York Times. 2010 թ․ հունիսի 25.
↑ Best Party Strategy Արխիվացված Ապրիլ 20, 2010 Wayback Machine (is)
↑ Buchan, Peter John R., translator. 2010. "Platform: The Best and Brightest," Harper's Magazine, August: 20.
↑ «Icelandic Politics - Just a Bad Joke?». Raving Ravens. Արխիվացված է օրիգինալից 2010 թ․ մայիսի 30-ին. Վերցված է 2010 թ․ մայիսի 30-ին.

Արտաքին հղումներ

Վիքիպահեստն ունի նյութեր, որոնք վերաբերում են «Լավագույն կուսակցություն» հոդվածին։

[1] «Jón Gnarr creates a political party» (Icelandic). Visir.is. 2009 թ․ նոյեմբերի 16. Արխիվացված է օրիգինալից 2014 թ․ ապրիլի 13-ին. Վերցված է 2013 թ․ փետրվարի 15-ին.{{cite web}}: CS1 սպաս․ չճանաչված լեզու (link)

[MMR-2] «Besti flokkurinn stærstur í Reykjavík». Morgunblaðið. 2010 թ․ մայիսի 17. Վերցված է 2010 թ․ մայիսի 19-ին.

[Kos-3] «Kosningavefur Dómsmálaráðuneytisins». Icelandic Ministry of Justice. Արխիվացված է օրիգինալից 2010 թ․ մայիսի 8-ին. Վերցված է 2010 թ․ մայիսի 19-ին.

[BBC-4] «Best Party wins polls in Iceland's Reykjavik». BBC. 2010 թ․ մայիսի 30. Վերցված է 2010 թ․ մայիսի 30-ին.

[ppi-5] 5,0 ^5,1 ^5,2 «Best Party Integrated Into International Pirate Party» (Icelandic). The Reykjavík Grapevine. 2013 թ․ ապրիլի 23. Վերցված է 2013 թ․ ապրիլի 24-ին.{{cite web}}: CS1 սպաս․ չճանաչված լեզու (link)

[Kos2-6] «Kosningavefur Dómsmálaráðuneytisins». Icelandic Ministry of Justice. Արխիվացված է օրիգինալից 2010 թ․ մայիսի 22-ին. Վերցված է 2010 թ․ մայիսի 19-ին.

[7] "Satiric political party wins council poll in Iceland" Արխիվացված 2018-09-21 Wayback Machine, Indo-Asian News Service, May 30, 2010. (accessed 24 January 2012)

[guardian-8] 8,0 ^8,1 Birrell, Ian (2011 թ․ հունիսի 24). «A joker's party is serious about saving Iceland from meltdown». The Guardian Weekly. էջ 3.

[9] «Icelander's Campaign Is a Joke, Until He's Elected». The New York Times. 2010 թ․ հունիսի 25.

[10] Best Party Strategy Արխիվացված Ապրիլ 20, 2010 Wayback Machine (is)

[11] Buchan, Peter John R., translator. 2010. "Platform: The Best and Brightest," Harper's Magazine, August: 20.

[12] «Icelandic Politics - Just a Bad Joke?». Raving Ravens. Արխիվացված է օրիգինալից 2010 թ․ մայիսի 30-ին. Վերցված է 2010 թ․ մայիսի 30-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]