Լասլո Պաալ
 հունգ.՝ László Paál | |
|---|---|
 | |
| Ծնվել է | հուլիսի 30, 1846[1][2][3][…] |
| Ծննդավայր | Զամ, Հունեդոարա, Ռումինիա |
| Վախճանվել է | մարտի 4, 1879[1][4] (32 տարեկան) |
| Մահվան վայր | Շարանտոն լը Պոն |
| Քաղաքացիություն | .svg){kind=small} Հունգարիա |
| Կրթություն | Վիեննայի գեղարվեստի ակադեմիա |
| Մասնագիտություն | նկարիչ |
| Ոճ | իմպրեսիոնիզմ |
| Ժանր | դիմապատկեր |
| Թեմաներ | գեղանկարչություն |
 László Paál Վիքիպահեստում | |
Լասլո Պաալ (հունգ.՝ László Paál, 30 հուլիսի, 1846, Զամ (այժմ Ռումինիայի Տրանսիլվանիա շրջանի Հունեդոարա ժուդեցում) — 4 մարտի, 1879, Շարանտոն Լը Պոն, Ֆրանսիա), հունգարացի բնանկարիչ, իմպրեսիոնիստ։ Բարբիզոնյան դպրոցի ներկայացուցիչ։
Կենսագրություն
[խմբագրել | խմբագրել կոդը]Լասլո Պաալը ծնվել է 1846 թվականի հուլիսի 30-ին Զամ գյուղում։ 1864-1866 թվականին գեղանկարչություն է սովորել Վիեննայի կերպարվեստի ակադեմիայում՝ աշակերտելով գերմանացի նկարիչ Ալբերտ Ցիմերմանին[5]։
1869 թվականին Լասլո Պաալն առաջին անգամ ներկայացրել է իր մի քանի աշխատանքները Մյունխենում անցկացվող մեծ ցուցահանդեսում։ 1870 թվականին ուղևորություն է կատարել դեպի Նիդերլանդներ[6]։ Նույն թվականին իր ընկերոջ՝ հունգարացի գեղանկարիչ Միխայ Մունկաչիի խորհրդով ընդունվում է Դյուսելդորֆի գեղարվեստի ակադեմիա՝ շարունակելու ուսումը։
1873 թվականից Պաալն ապրել է բարբիզոնյան դպրոցի նկարիչների գաղութում[6]։ Եղել է Փարիզի սալոնի մշտական մասնակիցներից մեկը։ Սալոնում 1873 թվականին նրան շնորհվել է մրցանակ «Մայրամուտ» նկարի համար։
1874 թվականից Դյուսելդորֆի նկարիչների միության անդամ է։
Լասլո Պաալը մահացել է 1879 թվականի մարտի 4-ին Ֆրանսիայում՝ Շարանտոն Լե Պոնում։ Իր ստեղծագործական կյանքի ընթացքում ստեղծել է շուրջ 65 նկարներ։ Նկարչի մահից հետո նրա կտավները վաճառվել են աճուրդում, որ կազմակերպվել է 1880 թվականին Փարիզում։
Արվեստ
[խմբագրել | խմբագրել կոդը]Մասնագետների ու քննադատների կարծիքով՝ Լասլո Պաալի կողմից բնության ընկալմանն ու պատկերմանը հատուկ է լարված կրքոտությունն ու խանդավառությունը։ Նկարչի գեղարվեստական ոճը նույնքան զգացմունքային ու ակտիվ է, որքան Մունկաչիինը։ Գունային հարաբերակցությունները դրամատիկ են ու հակադրական։ Նրա բնանկարներում պատկերված բնությանը հատուկ է դինամիկան ու հարափոփոխ լինելը։ Դրա հետ միաժամանակ Պաալի նկարներում ոչինչ չկա իմպրեսիոնիստների ստեղծագործություններին հատուկ վայրկենական անկայունությունից։ Փոփոխականության տպավորության հետ միաժամանակ նրա գործերում բնությունը նյութական է իր առարկայական որոշակիությամբ ու կերպարվեստական ամբողջականությամբ։
Պատկերասրահ
[խմբագրել | խմբագրել կոդը]
Ծանոթագրություններ
[խմբագրել | խմբագրել կոդը]- ↑ 1,0 1,1 László Paál (նիդերլ.)
- ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Aradi N. Paál, László // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T064395
- ↑ Կերպարվեստի արխիվ
- ↑ K. Benda: "Paál László". In: Österreichisches Biographisches Lexikon 1815–1950 (ÖBL). Vol. 7, Austrian Academy of Sciences, Vienna 1978, ISBN 3-7001-0187-2, p. 275.
- ↑ 6,0 6,1 Fine Arts in Hungary: Brief Biography
Արտաքին հղումներ
[խմբագրել | խմբագրել կոդը]
- Л. Алешина. Искусство Венгрии (ռուս.)
- Detailed biography by Lázár László: @ Művészet (1902)
- Magyar Elektronikus Könyvtár: Multiple biographies and appreciations of Paál's work
- Letters from Paál László @ Művészet (1911)
 | Վիքիպահեստն ունի նյութեր, որոնք վերաբերում են «Լասլո Պաալ» հոդվածին։ |
| ||||||||||||||||
