Լաուրա Հերինգ

Վիքիպեդիայից՝ ազատ հանրագիտարանից
Jump to navigation Jump to search
Լաուրա Հերինգ
Laura Harring Cannes 2008.jpg
Ծննդյան թիվ՝մարտի 3, 1964(1964-03-03) (55 տարեկան)
Ծննդավայր՝Los Mochis, Ahome, Սինալոա, Մեքսիկայի Միացյալ Նահանգներ
Քաղաքացիություն՝Flag of the United States.svg ԱՄՆ
Flag of Mexico.svg Մեքսիկայի Միացյալ Նահանգներ
Մասնագիտություն՝հեռուստատեսային դերասանուհի, կինոդերասանուհի, դերասանուհի, մոդել և գեղեցկության մրցույթի մասնակից
IMDb։ID 0005009
lauraharring.net

Լաուրա Հերինգ (անգլ.՝ Laura Harring, իսկական անունը` Լաուրա Ելենա Մարտինես Հերինգ, իսպ.՝ Laura Elena Martínez Herring, մարտի 3, 1964(1964-03-03), Los Mochis, Ahome, Սինալոա, Մեքսիկայի Միացյալ Նահանգներ), մեքսիկական ծագմամբ ամերիկացի մոդել, դերասանուհի։ 1985 թվականին հաղթել է «Միսս ԱՄՆ» գեղեցկության մրցույթում։ Հայտնի է դարձել 2001 թվականին նկարահանված Դեյվիդ Լինչի «Մալհոլանդ դրայվ» (անգլ.՝ Mulholland Drive, Mulholland Dr.) ֆիլմում Ռիտա/Կամիլի դերով։

Կենսագրություն[խմբագրել | խմբագրել կոդը]

Լաուրա Հերինգը ծնվել է Մեքսիկայի Լոս Մոչիս ծովափնյա քաղաքում (Սինալոա նահանգ)։ Մայրը՝ Մարիա Ելենա Կաիրոն (անգլ.՝ María Elena Cairo), հոգեթերապևտ էր, քարտուղար, զբաղվում էր անշարժ գույքի վաճառքով։ Հայրը՝ Ռայմոնդ Հերինգը, ավստրո-գերմանական ծագումով հողագործ և շինարար էր[1]։ Հերինգի ծնողներն ամուսնալուծվել են 1971 թվականին։

Գործունեություն[խմբագրել | խմբագրել կոդը]

Իր կյանքի առաջին 10 տարիները Լորան անցկացրել է Մեխիկոյում, այնուհետև ընտանիքը տեղափոխվել է ամերիկյան Սան Անտոնիո (Տեխաս) քաղաք։ 12 տարեկանում նա պատահաբար տուժել է փողոցային կրակոցների ժամանակ և գլխի շրջանում վիրավորվել: 16 տարեկանում ծնողներին խնդրել է թույլ տալ իրեն սովորել Շվեյցարիայի «Aiglon College» մասնավոր դպրոցում։

Վերադառնալով ԱՄՆ՝ բնակություն է հաստատել Էլ Պասոյում և սկսել մասնակցել գեղեցկության մրցույթների։ Արժանացել է «Միսս Էլ Պասո», այնուհետև՝ «Միսս Տեխաս» տիտղոսների։ 1985 թվականին դարձել է առաջին լատինոամերիկացին, որը պարգևատրվել է «Միսս ԱՄՆ» տիտղոսով։ Նույն թվականին «Միսս Տիեզերք» գեղեցկության մրցույթում ընդգրկվել է լավագույն տասնյակի մեջ։

Հաջորդ տարի Լորան շրջել է Եվրոպայում և Ասիայում, Հնդկաստանում զբաղվել սոցիալական աշխատանքով։ Եվրոպայում նա ներկայացվել է արիստոկրատ շրջաններում և 1987 թվականին ամուսնացել կոմս Կարլ-Էդուարդ ֆոն Բիսմարկ-Շենհաուզենի հետ։ Վերջինս կանցլեր Օտտո ֆոն Բիսմարկի ծոռն էր։ Նրանք ամուսնալուծվել են 1989 թվականին, սակայն մնացել են լավ ընկերներ, իսկ Լորան պահպանել է կոմսուհի ֆոն Բիսմարկ-Շենհաուզեն տիտղոսը։

Հերինգը Լոնդոնի գեղարվեստի ակադեմիայում սովորել է թատերական արվեստ՝ հետաքրքրվելով նաև լատինական պարերով՝ ներառյալ տանգոյով[2]։

Նրա ամենահայտնի դերը եղել է Դեյվիդ Լինչի «Մալհոլանդ դրայվ» ֆիլմում (2001), որտեղ նա նկարահանվել է Նաոմի Ուոթսի և Ջասթին Տերուի հետ։ Այդ ֆիլմում նա մարմնավորել է Ռիտային, որը կորցրել էր հիշողությունը[3]։

Անձնական կյանք[խմբագրել | խմբագրել կոդը]

1987-1989 թվականներին Լաուրա Հերինգն ամուսնացած է եղել Կարլ Էդուարդ ֆոն Բիսմարկի հետ[4]։

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
1990 ֆ «Արգելված պար» «The Forbidden Dance» Նիսա
1993 ս «Ծաղկունք» «Blossom» Բուժքույր
1994 ֆ «Երկնային հաճույք» «Exit to Eden» Կինդրա
1995-1996 ս «Նետաձիգ» «Flipper» Գարսիա
1995 ֆ «Կայսրություն» «Empire» Գաբրիելա Կորեյն
1996 ս «Մալիբուի գիշերներ» «Baywatch Nights» Շարլոտա «Չարլի» ՄաքԲրայթ
1996-1999 ս «Մետաքսե ցանցեր» «Silk Stalkings» Պաուլա Հյուսթոն
1997 ս «Սանթես Բիչի սերն ու գաղտնիքները» «Sunset Beach» Պոլա Սթիվենս
1997 ֆ «Սև կարիճ․ Պայթյունի մեջտեղում» «Black Scorpion II: Aftershock» Քաղաքապետի աղջիկ
1997 ս «Հավատքից դուրս․ Ճիշտ և սուտ» «Beyond Belief: Fact or Fiction» Խորհրդավոր կին
1998 ս «Ֆրեյզեր» «Frasier» Ռեբեկա Վենդել
2000 ֆ «Նիկի, կրտսեր սատանա» «Little Nicky» Միսս Դանլևի
2001 ֆ «Մալհոլանդ դրայվ» «Mulholland Dr.» Ռիտա/ Կամիլլա Ռոուդս
2001 ֆ «Վերջնական մարում» «Final Payback» Ջինա Կարիլո
2002 ֆ «Ջոն Քյու» «John Q» Ջինա Պալամբո
2002 ֆ «Ներքև» «Derailed» Գալինա Կոնստանտին
2002 ֆ «Նապաստակներ» «Rabbits» Ջեյն
2003 ս «Կարգ ու կանոն․ հատուկ բաժին» «Law & Order: Special Victims Unit» Ջոան Քվենթին
2003 ֆ «Ուիլարդ» «Willard» Քեթրին
2003 ֆ «Խենթ սեր» ÍMi Casa, Su Casa» Կատալինա
2003 ֆ «Պոետ» «The Poet» Պոլա
2004 ֆ «Պատժիչը» «The Punisher» Լիվյա Սեյնթ
2005 ֆ «Մահվան քաղաք» «All Souls Day: Dia de los Muertos» Թալի
2005 ֆ «Արքան» «The King» Թվայլա
2006 ֆ «Գործադուլ» «Walkout» Ֆրենսիս Քրիզոստոմո
2006 ֆ «Ներքին կայսրություն» «Inland Empire» Ջեյն
2006 ս «Վահան» «The Shield» Ռեբեկա Դոյլ
2007 ֆ «Ուրվականի որդին» «Ghost Son» Սթեյսի
2007 ֆ «Նենսի Դրյու» «Nancy Drew» Դելյա Դրեյքոթ
2007 ֆ «Եղբորս պահակը» «My Neighbor's Keeper» Քեյթ Փաուել
2009-2010 ս «Բամբասկոտը» «Gossip Girl» Էլիզաբեթ Ֆիշեր
2009 ֆ «Աբսուրդ» «Drool» Անորա Ֆլիս
2013 ֆ «Նորից Բաբելոն» «Return to Babylon» Ալլա Նազիմովա
2014 ֆ «Սեռական կրթություն» «Sex Ed» Լյուպ
2015 ս «Պայքար կյանքի համար» «Chasing Life» Օլիվյա Օրտիզ
2016 ֆ «Մաղում» «The Thinning» Ջորջինա Փրեսթոն
2016 ֆ «Պաղպաղակ» «Ice Scream» Վենդի

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]