Լաուտոկա
| Բնակավայր | ||
|---|---|---|
| Լաուտոկա | ||
 | ||
| Երկիր |  Ֆիջի | |
| Մակերես | 16 կմ² | |
| Բնակչություն | 52 220 մարդ (2007) | |
| ||
Լաուտոկա, Ֆիջիի մեծությամբ երկրորդ քաղաքը։ Այն գտնվում է Վիտի Լևու կղզու արևմտյան մասում՝ Նանդիից 24 կիլոմետր հյուսիս։ Լաուտոկան Ֆիջիի երկրորդ նավահանգիստն է (Սուվայից հետո)։ Շաքարեղեգի արտադրության համար քաղաքը գտնվում է շրջանի կենտրոնում։ Այս առումով, Լաուտոկան հայտնի է նաև որպես Շաքարի քաղաք։ Քաղաքի տարածքը 16 կմ քառակուսի է։ Բնակչությունը 2007 թվականին գրանցված տվյալներով կազմում էր 52220 մարդ։
Պատմություն[խմբագրել | խմբագրել կոդը]
Քաղաքի անվանումն առաջացել է ֆիջյան երկու բառերից, որոնք թարգմանաբար նշանակում են «նիզակով պարտություն»։ Անունը, ըստ ավանդության, առաջացել է երկու առաջնորդների մենամարտից հետո։ Երբ առաջներդներից մեկը նիզակով հարվածել է մյուսին, նա բացականչել է «լաու տոկա»։ Այսպես առաջացել է քաղաքի անվանումը։
Եվրոպացիների շրջանում բնակեցման մասին առաջին հիշատակումը վերագրվում է 1789 թվականի մայիսի 7-ին։ Կապիտան Ուիլյամ Բլայը իր էպիկական ճանապարհորդության ժամանակ Բաունթի նավի վրա տեղի ունեցած ապստամբությունից հետո նկատեց և մոտավորապես քարտեզագրեց Լաուտոկան։
Տնտեսություն[խմբագրել | խմբագրել կոդը]
Լաուտոկան հայտնի է որպես «Շաքարի քաղաք»։ Քաղաքի շրջակայքում զբաղվում են հումքի մատակարարմամբ, իսկ հենց քաղաքում կա շաքարի գործարան, որը քաղաքի ամենամեծ գործատուն է[1]։ Ձեռնարկությունը կառուցվել է 19-րդ դարի վերջին շաքարի վերամշակման գաղութային ընկերության կողմից։ Առաջին բանվորները բերվել են 19-րդ և 20-րդ դարերի վերջին Հնդկաստանից և Սողոմոնյան կղզիներից։ Այժմ ձեռնարկության աշխատակիցների թիվը կազմում է 1300 մարդ։
Քաղաքն ունի նաև թորման և գարեջրի գործարան։ Բացի այդ, քաղաքում զարգացած է փայտամշակումը, հագուստի արտադրությունը, ոսկերչությունը, ձկնորսությունը և այլն։
Ընկերություններ, ինչպիսիք են «Fiji Electricity Authority»-ն, «Fiji Pine Ltd»-ն և «National Marketing Authority»-ն գտնվում են քաղաքում։
Ինքնակառավարում[խմբագրել | խմբագրել կոդը]
Քաղաքային խորհուրդը բաղկացած է 16 անդամից, որոնք ընտրվում են 3 տարի ժամկետով։ Նրանցից քաղաքապետն ընտրվում է 1 տարով։ Ներկայիս քաղաքապետը Բիջեշ Չանդն է։
Արտաքին հղումներ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Starnes, Dean; Luckham, Nana (2009). Fiji. Lonely Planet. էջ 93. ISBN 9781741047936. Վերցված է 2014 թ․ ապրիլի 24-ին. «Lautoka's recent history is entwined with the fortunes of sugar and it is the cane on which Lautoka depends that gives rise to its other name, Sugar City.»
 | Վիքիպահեստն ունի նյութեր, որոնք վերաբերում են «Լաուտոկա» հոդվածին։ |
| ||||||||||
