Լալե (երգչուհի)

Լալե
Ծնվել է	հունիսի 10, 1982(1982-06-10) (41 տարեկան) Բանդարե Անզալի, Գիլան, Իրան
Երկիր	Շվեդիա
Ժանրեր	փոփ
Մասնագիտություն	երգչուհի, դերասանուհի, կոմպոզիտոր, բանաստեղծուհի, երաժիշտ, երգերի հեղինակ, երաժշտական պրոդյուսեր և գրող
Գործիքներ	վոկալ
Լեյբլ	Island Records
Պարգևներ	Պլատինե կիթառ
Կայք	laleh.se
Laleh Վիքիպահեստում

Լալե Պուրկարիմ (պարս.՝ لاله پورکریم [lɒːle puːɾkæɾiːm],անգլ.՝ Laleh Pourkarim, հունիսի 10, 1982(1982-06-10), Բանդարե Անզալի, Գիլան, Իրան), իրանական ծագմամբ շվեդացի երգիչ, երաժիշտ, դերասանուհի, կոմպոզիտոր և երգահան, որը հանդես է գալիս LaLeh բեմական անունով։ Դերասանուհու կարճ կարիերայից հետո 2005 թվականից սկսել է իր երգչուհու կարիերան՝ դեբյուտային «Laleh» ալբոմով, որը Շվեդիայում զբաղեցրել է առաջին հորիզոնականը և դարձել տարվա ամենավաճառվող ալբոմը։ 2005 թվականի շվեդական Գրեմիում առաջադրվել է յոթ անվանակարգում և ստացել հեղինակավոր Rockbjörnen «Տարվա արտիստ» և «Տարվա հայտնագործություն» անվանակարգերում, ինչպես նաև «Տարվա արտադրող» անվանակարգերում։

Կենսագրություն

Լալե Պուրկարիմը ծնվել է Իրանում, 1982 թվականի հունիսի 10-ին։ Լալե անունը պարսկերեն նշանակում է «կակաչ»։

1983 թվականին ֆիզիկական ոչնչացման սպառնալիքի պատճառով, ընտանիքը ստիպված փախել է հայրենի երկրից դեպի Խորհրդային Ադրբեջան, քանի որ Լալեի հայրը՝ Խուշանգ Պուրկարիմը, Թեհրանի իսլամական ռեժիմի հակառակորդ էր։ Նա եղել է նկարիչ, լրագրող, իրանցի ականավոր ազգագրագետ և սոցիալական սոցիոլոգ և թերթի խմբագիր։

Նույն 1983 թվականին Լալե ընտանիքը տեղափոխվել է Մինսկ և բնակություն հաստատել սովորական բանվորական շրջանում։ Լալեի ծնողները սկսել են աշխատել գործարանում։ ԽՍՀՄ-ում Լալեն հաճախել է դպրոց և զբաղվել է թատերական և կրկեսային արվեստով։

Լալեն ԽՍՀՄ-ում ապրել է 6 տարի։ 1991 թվականին (9 տարեկան հասակում) Լալեն և նրա մայրը Արևելյան Բեռլինով անցել են Թիդահոլմե (Շվեդիա) գտնվող փախստականների ճամբար։ Որոշ ժամանակ անց նա հայտնվել է Գյոթեբորգում (Վեստերգյոտլանդ)։ Սկզբում Լալեի ընտանիքը բնակություն է հաստատել Խիսինգեն կղզում, իսկ նրա հոր մահից հետո տեղափոխվել է Գյոտեբորգի արվարձան՝ Համմարկուլեն (Անգերեդ)՝ քաղաքի վտարանդիական շրջան։

Լալեի հայրը մահացել է նրա աչքի առաջ 1994 թվականի օգոստոսին երբ նա փորձել է փրկել մի կին, որը ընկել դուրս նավակից։ Կինը ողջ է մնացել, իսկ Լալեի հայրը խեղդվել է։

Նոր տեղում Լալեն շարունակել է երաժշտական կրթությունը։ Վիտֆելդի գիմնազիայում որպես լրացուցիչ առարկա ընտրել է դասական երաժշտության, բալետի և կրկեսային տարրերի ուսումնասիրման երաժշտական ծրագիր։ Հետագայում սկսել է հետաքրքրվել պանկ, ռեգգի և ջազ երաժշտությամբ։ Նա նաև սովորել է կիթառ, հարվածային գործիքներ և սաքսոֆոն։ Լալեի երաժշտության առաջին ուսուցիչը՝ Հասսե Նեյլինը, նկատել է տաղանդավոր աղջկան և օգնել նրան բացահայտել իր ներուժը։ Իր երաժշտության մյուս ուսուցչուհու՝ Բենգթ Ֆրանցենի հետ միասին, կազմակերպել է ջազային անսամբլ՝ Bejolaն։

2007-2008 թվականներին Լալեն ապրել է Վեստերբոտեն շրջանի Նորլլանդ քաղաքում։ 2010 թվականին Շելլեֆտեոյում կարճատև աշխատանքից հետո տեղափոխվել է Ստոկհոլմ։

2013 թվականին՝ «Գույներ» ալբոմի թողարկումից երեք օր անց, 57 տարեկան հասակում Լալեի մայրը մահացել է, որը աշխատում էր որպես սոցիալական աշխատող։ Նրա ավագ եղբայրը մահացել է սրտի հիվանդությունից՝ մոր մահից մեկ տարի անց։ Լալեն ընկել է երկարատև դեպրեսիայի մեջ, նրա երաժշտության հանդեպ հետաքրքրությունը սկսել է պակասել, բայց բուժումից որոշ ժամանակ անց նա հաջողությամբ հաղթահարում է դեպրեսիան և վերադառնում հասարակություն։

Լալեն ունի երկքաղաքացիություն և խոսում է չորս լեզուներով՝ շվեդերեն, անգլերեն, ռուսերեն և պարսկերեն։

Սիրում է ճանապարհորդել։ Նա այցելել է Եվրոպայի և Լատինական Ամերիկայի մի քանի երկրներ։

2014 թվականի վերջին Լալեն ստացցել է Göteborgare մրցանակը։

Անձնական կյանք

Լալեն ընդհանրապես չի սիրում հարցազրույցներ տալ, ուստի նրա անձնական կյանքի մասին գործնականում ոչինչ հայտնի չէ։ Նա բուսակեր է և շատ է սիրում կենդանիներ։ Զբաղվում է թենիսով, իր երիտասարդ տարիներին սիրել է բասկետբոլ և ֆուտբոլ։ Մի որոշ ժամանակ, Լալեն ապրել է Ստոկհոլմում, որտեղ ունեցել է իր սեփական ձայնագրման ստուդիան, սակայն 2014 թվականի վերջին տեղափոխվել է Լոս Անջելես։

Սկավառակագրություն

Ստուդիայի ալբոմներ

• 2005: Laleh
• 2006: Prinsessor
• 2009: Me and Simon
• 2012: Sjung
• 2013: Colors
• 2014: Boom EP
• 2016: Kristaller

Համերգային ձայնագրություններ

• 2011: Tolkningarna

Սինգլներ

• 2005 — Invisible (My Song), Storebror, Live Tomorrow
• 2006 — Forgive But Not Forget, Det är vi som bestämmer, November
• 2007 — Call on Me, Closer, Snö
• 2009 — Simon Says, Big City Love, Bjurö klubb
• 2010 — Mysteries
• 2012 — Some Die Young, Vårens Första Dag
• 2013 — Elephant, Colors
• 2014 — Stars Align, Goliat, Tusen bitar, Chiquitita
• 2015 — Sol, vind och vatten
• 2016 — Bara få va mig själv, Aldrig bli som förr

Ֆիլմագրություն

Տարի		Հայերեն անվանում	Բնօրինակ անվանում	Դեր
2000	ֆ	Արի! Արի!	Jalla! Jalla!	Յասմին
2007	ֆ	Արևային փոթորիկ	Solstorm	Սաունդթրեք - 'Live Tomorrow'
2010	ֆ	Սեբբե	Sebbe	Սաունդթրեք - 'Forgive But Not Forget'
2011	ֆ	Ստոկհոլմի համախտանիշ	Das Stockholm-Syndrom	կոմպոզիտոր
2014	ֆ	Ես դեռ պատրաստ չեմ մեռնել	JAG ÄR INTE BEREDD ATT DÖ ÄN	խաղում է ինքն իրեն

Մասնակցություն հեռուստաշոուներին և շոուներին

Տարի		Հայերեն անվանում	Բնօրինակ անվանում	Դեր
2011-...	ս	Երգել ավելի լավ	Så mycket bättre	երգչուհի (2րդ եթերաշրջան, 2011)
1979-...	ս	Բոլոր երգերը Սկանսենում	Allsång på Skansen	խաղում է ինքն իրեն (1 դրվագ, հունիսի 26, 2012)
2011-...	ս	Moraeusը և ուրիշները	Moraeus med mera	խաղում է ինքն իրեն (1 դրվագ, սեպտեմբերի 16, 2012)
2009-...	ս	Սկավլեն	Skavlan	խաղում է ինքն իրեն (սեպտեմբերի 13, 2013)
1992-...	ս	Վաղվա նորություններ	Gomorron	խաղում է ինքն իրեն (հոկտեմբերի 19, 2013)
1992-...	ս	Վաղվա նորություններ	Gomorron	խաղում է ինքն իրեն (փետրվարի 15, 2014)
2011-...	ս	Moraeusը և ուրիշները	Moraeus med mera	խաղում է ինքն իրեն (դեկտեմբերի 20, 2014)

Ծանոթագրություններ

Վիքիպահեստն ունի նյութեր, որոնք վերաբերում են «Լալե (երգչուհի)» հոդվածին։