Լադու

Վիքիպեդիայից՝ ազատ հանրագիտարանից
Jump to navigation Jump to search
Picto infobox mets.png
Լադու
Coconut and Jaggery Balls ...... Bengali Narkel Naru.jpg
Առաջացման երկիր Flag of India.svg Հնդկաստան
Laddu Վիքիպահեստում

Լադու (անգլ.՝ Laddu կամ Laddoo, հինդի՝ लड्डू), աղանդեր սիսեռի ալյուրից, բուսայուղից, ընկույզով, կոեկոսի փաթիլներով և քաղցր համեմունքներով՝ դարչին, հիլ և մշկընկույզ, որոնք շատ տարածված են հարավային Ասիայում, ինչպիսիք են Հնդկաստանը, Պակիստանը, Նեպալը, Բանգլադեշը:

Ստուգաբանություն[խմբագրել | խմբագրել կոդը]

«Լադու» անվանումը ծագում սանսկրիտերեն լադդուկա (կամ լատիկա) բառից, որը նշանակում է «փոքրիկ գնդիկ»: Այն իրենից ներկայացնում է քաղցր ծիրանի չափի քաղցր գնդիկներ: Այն պատրաստում են սպիտակաձավաից, սիսեռի կամ ցորենի ալյուրից. կան պատրաստման բազում ձևեր և բաղադրատոմսեր: Լադուն հաճախակի պատրաստում են տոնակատարությունների և ֆեստիվալների համար:

Բաղադրատոմսը[խմբագրել | խմբագրել կոդը]

Հիմնական բաղադրատարերը.

  • Բուսայուղ
  • Կոկոսի փաթիլներ
  • Աղացած մշկընկույզ
  • Պնդուկ
  • Աղացած դարչին
  • Շաքարի փոշի

Պատրաստման ժամանակահատվածը. 20-30 րոպե:[1]

Օգտագործումը[խմբագրել | խմբագրել կոդը]

Լադուն հաճախ պատրաստում են ֆեստիվալների կամ ընտանեկան միջոցառումների համար, ինչպիսիք են հարսանիքները, ծնունդները, կամ մատուցվում է պռասադի տեսքով (prasad) հնդկական տաճարներում, հատկապես Անդհա-Պրադեշի Տիրումալի Վենկատեշվարի տաճարում: ԼԱդուն համարվում է ավանդական աղանդեր Ուրազ-բայրամ տոնակատարությանը որոշ մուսուլմանական համայնքներում:

Տեսակները[խմբագրել | խմբագրել կոդը]

Այուրվեդան արաջարկում է այս աղանդերի միքանի տեսակներ, օրինակ շամբալայով լադու, որը հանդիսանում է այուրվեդական միջոց ստամոքսի հետ կապված խնդիրների ժամանակ:

Կամ չամիչով պատրաստված լադուն, որը այուրվեդան խորհուրդ է տալիս հղիներին և կերակրող մայրերին: Որպեսզի հաղորդվի հատուկ համ այս աղանդերին , դրա տարբեր տեսակներում օգտագործում են ընկույզ, հնդկական ընկույզ, չրեր, կոկոսի փաթիլներ:

Ռավա լադուն հայտնի հնդկական աղանդեր է , որը քաղցր գնդիկներ են պատրաստված սպիտակաձավարից, շաքարից, բուսայուղից: Բաղադրատոմսի տարբեր տեսակներում ավելացնում են չամիչ, հիլ, հնդկական ընկույզ, կոկոսի փաթիլներ, կակաչասերմ:[2]

Ծանոթագրություններ[խմբագրել | խմբագրել կոդը]