Լադիսլավ Մնյաչկո
Լադիսլավ Մնյաչկո սլովակ.՝ Ladislav Mňačko | |
|---|---|
 | |
| Ծնվել է | հունվարի 29, 1919[1][2][3][…] կամ հունվարի 28, 1919[4] |
| Ծննդավայր | Վալաշսկե Կլոբոուկի[2][3][4][…] |
| Վախճանվել է | փետրվարի 24, 1994[5][6][1][…] (75 տարեկան) |
| Վախճանի վայր | Բրատիսլավա, Սլովակիա[4] |
| Մասնագիտություն | գրող, դրամատուրգ, լրագրող, բանաստեղծ, հրապարակախոս, սցենարիստ, արձակագիր, խմբագիր և հեռուստասցենարիստ |
| Քաղաքացիություն |  Սլովակիա և  Չեխոսլովակիա |
| Ժանրեր | արձակ |
| Ուշագրավ աշխատանքներ | The Taste of Power? |
| Կուսակցություն | Չեխոսլովակիայի կոմունիստական կուսակցություն |
| Պարգևներ |  |
 Ladislav Mňačko Վիքիպահեստում | |
Լադիսլավ Մնյաչկո (սլովակ.՝ Ladislav Mňačko, 29 հունվարի, 1919, Վալաշսկե Կլոբոուկի – 24 փետրվարի, 1994, Բրատիսլավա), սլովակ լրագրող և գրող։
Կենսագրություն
[խմբագրել | խմբագրել կոդը]Լադիսլավ Մնյաչկոն ծնվել է 1919 թվականի հունվարի 29-ին Մորավիայի Վալաշսկե Կլոբոուկի քաղաքում (չեխ․՝ Valašské Klobouky, ներկայում՝ Չեխիայի Զլինի երկրամասում)։ Մանկությունն ու պատանեկությունն անցկացրել է Սլովակիայի Մարտին քաղաքում, որտեղ դեղատանն աշխատել է որպես վաճառող, ապա եղել է բանվոր շինարարությունում։
1939 թվականին Լադիսլավ Մնյաչկոն փորձել է փախչել ԽՍՀՄ, սակայն դա նրան չի հաջողվել։ 1940 թվականին փորձել է անցնել գերմանա-հոլանդական սահմանը, ինչի համար ուղարկվել է համակենտրոնացման ճամբար և հարկադիր աշխատանքի Գերմանիայում։ 1944 թվականին նրան հաջողվել է փախչել։ Պայքարել է պարտիզանների շարքում։
1945 թվականին Լադիսլավ Մնյաչկոն դարձել է Չեխոսլովակիայի Կոմունիստական կուսակցության անդամ։ 1950-ական թվականների սկզբին եղել է Չեխոսլովակիայի կոմունիստական կառույցի հայտնի լրագրողների շարքում։ 1945-1953 թվականներին որպես խմբագիր աշխատել է չեխական «Rudé právo» («Կարմիր իրավունք») և սլովակյան «Պրավդա» թերթերում։ 1954-1966 թվականներին եղել է թղթակից եվրոպական ու ասիական երկրներում։ 1956 թվականին դարձել է սլովակյան «Մշակույթի կյանքը» ամսագրի գլխավոր խմբագիր։
Ժամանակի ընթացքում Լադիսլավ Մնյաչկոն հիասթափվել է կոմունիզմի գաղափարներից և 1967 թվականի աշնանը մեկնել Իսրայել՝ բողոքելով արաբա-իսրայելական պատերազմի նկատմամբ Չեխոսլովակիայի վերաբերմունքի դեմ։ Մի քանի ամիս անց նա վերադարձել է, սակայն զրկվել է Չեխոսլովակիայի քաղաքացիությունից[7]։
1968 թվականի աշնանը Վարշավայի պայմանագրի զորքերի ներխուժումից հետո երկար ժամանակով արտագաղթել է Ավստրիա։ Լադիսլավ Մնյաչկոն հեռացվել է Սլովակ գրողների միությունից, նրա ստեղծագործություններն արգելվել են և հանվել դասագրքերից[7]։ 1989 թվականին Լադիսլավ Մնյաչկոն վերադարձել է Չեխոսլովակիա։ Հանդես է եկել Սլովակիայի առանձնացման դեմ նաև միասնական պետության անկումից հետո։ 1993 թվականին բնակություն է հաստատել Պրահայում[8]։
Լադիսլավ Մնյաչկոն մահացել է 1994 թվականի փետրվարի 24-ին՝ Բրատիսլավա այցելության ժամանակ։
Ստեղծագործություններ
[խմբագրել | խմբագրել կոդը]- Smrt si říká Engelchen (Պրահա, 1963)[9]
- Oneskorené reportáže, 1963
- Ako chutí moc (Հզորության համը), 1967
- Siedma noc (Յոթերորդ գիշերը), 1968
Ծանոթագրություններ
[խմբագրել | խմբագրել կոդը]- ↑ 1,0 1,1 Չեխիայի ազգային գրադարանի կատալոգ
- ↑ 2,0 2,1 Evidence zájmových osob StB
- ↑ 3,0 3,1 Կերպարվեստի արխիվ
- ↑ 4,0 4,1 4,2 Vědecká knihovna v Olomouci REGO (չեխերեն)
- ↑ filmportal.de — 2005.
- ↑ Բրոքհաուզի հանրագիտարան (գերմ.)
- ↑ 7,0 7,1 «Ладислав Мнячко». Заметки по еврейской истории. Արխիվացված օրիգինալից 2013 թ․ մայիսի 17-ին. Վերցված է 2013 թ․ մայիսի 7-ին.
- ↑ Михал Лаштовичка. (2004 թ․ սեպտեմբերի 17). «Ладислав Мнячко — коллега из соседней комнаты». Radio Praha. Արխիվացված օրիգինալից 2013 թ․ մայիսի 17-ին. Վերցված է 2013 թ․ մայիսի 7-ին.
- ↑ Ладислав Мнячко, Смерть зовётся Энгельхен. Роман. Пер. со словацкого Е.Аронович., М., Роман-газета, 1963, №11(287).
Արտաքին հղումներ
[խմբագրել | խմբագրել կոդը]- Ladislav Mňačko (սլովակ.)
- Ладислав Мнячко
- Мнячко Ладислав (1919-1994)
- Ладислав Мнячко — коллега из соседней комнаты
 | Վիքիպահեստն ունի նյութեր, որոնք վերաբերում են «Լադիսլավ Մնյաչկո» հոդվածին։ |
| ||||||||||||||||
