Լաբրադոր գայլը (լատին․՝ Canis lupus labradorius) գորշ գայլի տարատեսակ է, որը հանդիպում է Կանադայում՝ Լաբրադորում և Քվեբեկի հյուսիսում։ Այն իր արտաքին հատկանիշներով շատ նման է արդեն վերացած Նյուֆաունդլենդի գայլին։
Լաբրադոր գայլերը ունեն սովորական գայլի չափսեր։ Նրանք կշռում են մոտ 30 կգ։ Մորթին հիմնականում բաց գույների է՝ բաց մոխրագույն սպիտակ, բայց կարող են հանդիպել նաև ավելի մուգ մորթի ունեցող կենդանիներ։ Հյուսիսում ապրելու պատճառով նրանց մորթին շատ հաստ է՝ երկար և փափուկ մազածածկով։
Լաբրադոր գայլերը հիմնականում որսում են հյուսիսում հանդիպող տարբեր եղջրավորների՝ հյուսիսային եղջերու, սպիտակապոչ եղջերու և այլ։ Նրանք շատ հազվադեպ են հարձակվում ընտանի կենդանիների վրա՝ կով, սարի ոչխար և այլն։
