Իփիգենիան Ավլիսում (Գլյուկ)

Իփիգենիան Ավլիսում ֆրանսերեն՝ Iphigénie en Aulide
Տեսակ	դրամատիկ-երաժշտական ստեղծագործություն
Ժանր	Քնարական ողբերգություն
Կոմպոզիտոր	Քրիստոֆ Վիլիբալդ Գլյուկ
Լիբրետտոյի հեղինակ	Լեբլան դյու Ռուլե
Սյուժեի աղբյուր	Ժան Ռասին. «Իփիգենիա»
Գործողությունների քանակ	3 արար
Կերպարներ	Ագամեմնոն, Կլիթեմնեստրա, Իֆիգենիա, Աքիլլես, Պատրոկլուս և Դիանա
Առաջնախաղի տարեթիվ	ապրիլի 19, 1774
Առաջնախաղի վայր	Փարիզ
Հրատարակման տարեթիվ	18-րդ դար
Iphigénie en Aulide Վիքիպահեստում

Իփիգենիան Ավլիսում (ֆրանսերեն՝ Iphigénie en Aulide), ավստրիացի կոմպոզիտոր Քրիստոֆ Վիլիբալդ Գլյուկի օպերա երեք գործողությամբ (չորս տեսարանով)։ Ֆրանսերեն լիբրետտոն Լեբլան դյու Ռուլեի ըստ Ժան Ռասինի ողբերգության։

Առաջին անգամ ներկայացվել է 1774 թ. ապրիլի 19-ին Փարիզի Երաժշտության թագավորական ակադեմիայում՝ արժանանալով մեծ հաջողության։ «Իփիգենիան Ավլիսում» դասվում է Գլյուկի լավագույն ստեղծագործությունների շարքին և ներկայումս էլ բեմադրվում է։

Գլյուկը կառուցել է ստեղծագործությունը ըստ իր օպերային բարեփոխական գաղափրների՝ ընդգծելով դրամայի որոշիչ դերը, մեծ տեղ հատկացնելով զանգվածային և բալետային տեսարաններին, կառուցելով մեղեդին ըստ դեկլամացիոն ոճի, գրեթե տեղ չտալով վիրտուոզ կատարմանը, սևեռուն ուշադրություն դարձնելով գործիքավորման վրա՝ մենակատարող գործիքների լայն օգտագործմամբ։

Վիքիպահեստն ունի նյութեր, որոնք վերաբերում են «Իփիգենիան Ավլիսում (Գլյուկ)» հոդվածին։