Իրմա Աճեմյան
Իրմա Աճեմյան թուրքերեն՝ İrma Acemyan | |
|---|---|
 | |
| Ծնվել է | 1938 |
| Ծննդավայր | Ստամբուլ, Թուրքիա |
| Վախճանվել է | 1990 |
| Վախճանի վայր | Փարիզ |
| Մասնագիտություն | բանաստեղծուհի |
| Քաղաքացիություն |  Թուրքիա |
| Զավակներ | Տարոն Աճեմօղլու |
| Իրմա Աճեմյան Վիքիդարանում | |
Իրմա Աճեմյան (1938, Ստամբուլ, Թուրքիա - 1990, Փարիզ), պոլսահայ հայտնի բանաստեղծուհի[1][2], Տնտեսագիտության Նոբելյան մրցանակի դափնեկիր Տարոն Աճեմօղլուի մայրը[3]։
Կենսագրություն
[խմբագրել | խմբագրել կոդը]Իրմա Աճեմյանը ծնվել է 1938 թվականին Պոլսում։ Դպրոցական տարիներից զբաղվել է գրականությամբ, գրել է արձակ և չափածո։ Հետագայում համագործակցել է օրաթերթերի հետ, հատկապես՝ «Մարմարա» օրաթերթի, որտեղ որոշ ժամանակ վարել է խմբագրության աշխատանքները։ Աճեմյանի հիմնական մասնագիտությունը եղել է ուսուցչությունը և դաստիարակչական ոլորտը։ 1966-1976 թվականներին ղեկավարել է Պոլսի Գատըգյուղի Արամյան-Ունջյան հայկական վարժարան[4][5]։
1966 թվականին խմբագրել է «Կամար» պարբերականը։ 1975 թվականին պոլսահայ գրականության մեջ ներկայացրել է ավելի քան 130 բանաստեղծություն, որոնք տեղ են գտել իր առաջին ժողովածուում[6]։ Իրման Աճեմյանը իր ստեղծագործություններում հաճախ անդրադարձել է սիրուն, բնությանը, մարդու ներաշխարհին և ազգային թեմաներին։ Աճեմյանը արժանացել է Սարգիս Պողոսյանի սահմանած «Ստամբուլահայ բանաստեղծներ» մրցանակին։
Նրա ամուսինը՝ Գևորգ Աճեմօղլուն, Թուրքիայի հայտնի առեւտրական իրավունքի փորձագետներից մեկն է եղել, մահացել է 1988 թվականին: Գևորգ Աճեմօղլուն նույնպես աշխատությունների հեղինակ է: Նրանց որդին՝ Տարոն Աճեմօղլուն, Նոբելյան մրցանակակիր է, որը Նոբելյան մրցանակի թանգարանին է նվիրել իր մոր անձնական իրերից մեկը՝ թղթերը հավաք պահելու բյուրեղապակի[7]։
1984 թվականից սկսած Իրմա Աճեմյանը տառապել է անբուժելի հիվանդությամբ[8]։
Իրմա Աճեմյանը մահացել է 1990 թվականին՝ Փարիզում։
Գրքեր
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Ժամանակակից իսթանպուլահայ գրողներ: / Աշխատասիր.` Կ. Աբրահամեան; Պատ. խմբ.` Պ. Սիմոնեան
- ↑ «Իրմա Աճէմեան». Arevmtahayeren-shmg.am (ամերիկյան անգլերեն). Վերցված է 2024 թ․ հոկտեմբերի 15-ին.
- ↑ Միրզոյան, Արմեն (14.10.2024). «Տարոն Աճեմօղլուն, Սայմոն Ջոնսոնը և Ջեյմս Ռոբինսոնը դարձել են Տնտեսագիտության Նոբելյան մրցանակի դափնեկիր. Հետք». 14.10.2024.
{{cite web}}: CS1 սպաս․ url-status (link) - ↑ Նոբելյան մրցանակը՝ հայ բանաստեղծուհու որդուն. Լուսանկար
- ↑ Կիւլպէնկեան կրաթաթոշակառուն կը ստանայ 2024-ի Տնտեսագիտութեան Նոպէլեան Մրցանակը
- ↑ Մինաս Թէօլէօլեան, Դար մը գրականութիւն, հ. Բ (Բ հրատարակութիւն), Հալէպ, 1982, էջ 534-537 — 664 էջ։
- ↑ Հայ բանաստեղծուհու անձնական իրը՝ Նոբելյան մրցանակի թանգարանում
- ↑ https://scontent.fevn1-4.fna.fbcdn.net/v/t39.30808-6/463922317_27555084724105335_2188016408955731974_n.jpg?_nc_cat=108&ccb=1-7&_nc_sid=127cfc&_nc_ohc=Zbz_Vd_L-aIQ7kNvgGWDXPB&_nc_zt=23&_nc_ht=scontent.fevn1-4.fna&_nc_gid=ACmrUGPGHlNVJtBZe-bRw6E&oh=00_AYD_SkEv6NtKG1hOk9p6cfM_vDqsp0x3XwKr7qIkZb1VpQ&oe=6717CCE1(չաշխատող հղում)
- ↑ Տալ միայն / Ի. Աճեմեան
- ↑ Իմ տողերս / Իրմա Աճէմեան
Արտաքին հղումներ
[խմբագրել | խմբագրել կոդը] | Վիքիդարանն ունի նյութեր, որոնք վերաբերում են «Իրմա Աճեմյան» հոդվածին։ |
|
