Իրժի Նեմեց

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Իրժի Նեմեց
Անձնական տվյալներ
Քաղաքացիությունը Flag of the Czech Republic.svg Չեխիա և Flag of the Czech Republic.svg Չեխոսլովակիա
Մականուն Համր, Վարպետ
Ծննդյան ամսաթիվ մայիսի 15, 1966(1966-05-15)[1] (54 տարեկան) կամ հունիսի 15, 1966(1966-06-15)[2] (54 տարեկան)
Ծննդավայր Պացով, Պելհրժիմովի շրջան, Q3509827?, Չեխոսլովակիա
Հասակ 1,76 մետր
Դիրք կիսապաշտպան
Ակումբային տեղեկություններ
Ներկա ակումբ ավարտել է կարիերան
Պատանեկան կարիերա
1974-1981 Չեխոսլովակիա Սլավոյ Պացով
Մասնագիտական կարիերա*
Տարի Ակումբ Խաղ (Գոլ)
1981-1987 Չեխոսլովակիա Դինամո (Չ-Բ) 58 (2)
1987-1990 Չեխոսլովակիա Դուկլա (Պրահա) 82 (5)
1990-1993 Չեխոսլովակիա Սպարտա (Պրահա) 84 (6)
1993-2002 Գերմանիա Շալկե 04 257 (6)
2002-2003 Չեխիա Խմել 27 (0)
2003 Չեխիա Սպարտա (Պրահա) 12 (0)
2004 Չեխիա Վիկտորիա Ժիժկով 12 (0)
2004-2005 Չեխիա Սպարտա (Պրահա) Բ 15 (0)
2005-2006 Չեխիա Դոբրովիցե ՖԱ
Ազգային հավաքական
1990-1993 Չեխոսլովակիա Չեխոսլովակիա 20 (0)
1994-2001 Չեխիա Չեխիա 64 (1)
Մարզչական կարիերա
2006-2009 Չեխիա Դուկլա (Պրահա)
2014— Չեխիա Զլիչին
* Մասնագիտական կարիերայում ընդգրկված են միայն առաջնության խաղերը և գոլերը:

Իրժի Նեմեց (չեխ․՝ Jiří Němec, մայիսի 15, 1966(1966-05-15)[1] կամ հունիսի 15, 1966(1966-06-15)[2], Պացով, Պելհրժիմովի շրջան, Q3509827?, Չեխոսլովակիա), չեխ նախկին ֆուտբոլիստ[3], ֆուտբոլային մարզիչ։ Հանդես է եկել Չեխոսկովակիայի և Չեխիայի հավաքականներում։

Կարիերա[խմբագրել | խմբագրել կոդը]

Նեմեցը ֆուտբոլ խաղալ սկսել է 1974 թվականին հայրենի Պացով քաղաքում։ Տասնհինգ տարեկան հասակում տեղափոխվել է Չեսկե Բուդյովիցեի «Դինամո», որտեղ խաղացել է մինչև 1987 թվականը։ 1987-1990 թվականներին Նեմեցը հանդես է եկել Պրահայի «Դուկլա» ակումբում, որից հետո տեղափոխվել է նրա հակառակորդ «Սպարտա» ակումբ։ Առաջին մրցաշրջանում նա դարձել է Չեխիայի տարվա խաղացող։ 1993 թվականին Իրժի Նեմեցը դարձել է «Շալկե 04» ակումբի խաղացող։ Գելզենկիրխենի ակումբում նա անցկացրել է ընդհանուր առմամբ 257 խաղ՝ նվաճելով ՈՒԵՖԱ գավաթը և երկու անգամ Գերմանիայի գավաթը։ 2002 թվականին Նեմեցը, ելնելով ընտանեկան հանգամանքներից, ստիպված է եղել վերադառնալ Չեխիա, որտեղ մեկ մրցաշրջանի համար պայմանագիր է կնքել «Խմել» ակումբի հետ։ 2003 թվականին նա տեղափոխվել է «Սպարտա», բայց հիմնական կազմում տեղ գրավելու համար մրցակցության պատճառով արդեն կես տարի անց տեղափոխվել է Պրահայի մեկ այլ ակումբ՝ «Վիկտորիա Ժիժկով»։ 2004/05 մրցաշրջանում Նեմեցը նորից անցկացրել է «Սպարտայում», բայց հանդես է եկել միայն երկրորդ կազմում։ D8anic հետո Իրժի Նեմեցը վերջացրել է խաղացողի կարիերան բարձրագույն մակարդակում, ևս մեկ մրցաշրջան խաղացել է չորրորդ դիվիզիոնի «Դոբրովիցե» ֆուտբոլային ակումբում, ինչից հետո սկսել է մարզչական գործունեություն։

2006 թվականի ամռանը Իրժի Նեմեցը դարձել է Պրահայի «Դուկլա» ակումբի երկու մարզիչներից մեկը։ 2007 թվականի սկզբին «Դուկլան» և երկրորդ դիվիզիոնի «Յակուբչովիցե Ֆոտբալ» ակումբի հետ համաձայնության են եկել 2007/08 մրցաշրջանում արտոնագրի վաճառքի վերաբերյալ։ «Յակուբչովիցե» ակումբի կազմի հետ ծանոթանալու համար «Դուկլայի» մարզիչներից մեկը՝ Գյուտեր Բիտենգելը, մինչև մրցարջանի ավարտը գլխավորել է այդ ակումբը։ Նեմեցը այս ընթացքում եղել է «Դուկլայի» միակ մարզիչը։ Բիտենգելի վերադարձից հետո նրանք ակումբը գլխավորել են երկուսով։

Ազգային հավաքականում Նեմեցը հանդես է եկել 1990-2001 թվականներին՝ մասնակցելով 1990 աշխարհի առաջնությունը (խաղադաշտ դուրս չի եկել), 1996 թվականի Եվրոպայի առաջնությանը և 2000 թվականի Եվրոպայի առաջնությանը[4]։ Իր միակ գոլը հավաքականում նա խփել է 1998 թվականի մայիսի 27-ին՝ Հարավային Կորեայի հավաքականի դեմ խաղում։ 36 անգամ Իրժի Նեմեցը հանդես է եկել որպես Չեխիայի հավաքական թիմի ավագ։ Հավաքականում նրա ամենաբարձր ձեռքբերումը երկրորդ տեղն է Եվրո-96-ում։

ԻՐժի Նեմեցեի մականունը խաղացողների շրջանում եղել է Němej, որ նշանակում է «համր»։ Մականունը համապատասխանում է նրա էությանը. նա հայտնի է որպես շատ քչախոս մարդ։ Հարցազրույցներ տալիս է շատ հազվադեպ։ Դրանից բացի «Շալկե-04»-ի երկրպագուները նրան անվանել են «Meister», որ նշանակում է վարպետ, չեմպիոն։

Ձեռքբերումներ[խմբագրել | խմբագրել կոդը]

  • Չեխոսլովակիայի չեմպիոն – 1990/91, 1992/93
  • Չեխոսլովակիայի գավաթակիր – 1990, 1992
  • Գերմանիայի գավաթակիր – 2001, 2002
  • ՈՒԵՖԱ գավաթակիր – 1997
  • Եվրոպայի փոխչեմպիոն – 1996
  • 1997 թվականի Չեխիայի տարվա ֆուտբոլիստ

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com(բազմ․) — 2000.
  2. 2,0 2,1 Czech National Authority Database
  3. «Nemec, Jiri» (German)։ kicker.de։ Վերցված է հոկտեմբերի 13, 2011 
  4. Jiří Němec

Արտաքին հղումներ[խմբագրել | խմբագրել կոդը]