Իվ Արդեն
![]() անգլ.՝ Eve Arden | |||||
---|---|---|---|---|---|
![]() 1972 թվական | |||||
Ծնվել է | 1908 թվականի ապրիլի 30-ին | ||||
Ծննդավայր | ԱՄՆ, Կալիֆոռնիա, Միլլ Վալլի | ||||
Մահացել է | 1990 թվականի նոյեմբերի 30 (82 տարեկան) | ||||
Մահվան վայր | Լոս Անջելես, ԱՄՆ | ||||
Կրթություն | Թամալփաիսի ավագ դպրոց | ||||
Քաղաքացիություն | ![]() | ||||
Մասնագիտություն | դերասանուհի | ||||
Ամուսին(ներ) | Brooks West? | ||||
Պարգևներ և մրցանակներ | |||||
IMDb | ID ID 0000781 | ||||
|
Իվ Արդեն (անգլ.՝ Eve Arden ապրիլի 30, 1908[1][1][3][…], Mill Valley, Կալիֆոռնիա - նոյեմբերի 12, 1990[1][1][2][…], Լոս Անջելես, ԱՄՆ), ամերիկացի դերասանուհի, «Էմմիի» մրցանակակիր, ինչպես նաև 1946 թվականին առաջադրվել է «Օսկարի» ։
Կենսագրություն[խմբագրել | խմբագրել կոդը]
Կարիերա[խմբագրել | խմբագրել կոդը]
Յունիս Կենդենսը, որն առավել հայտնի է որպես Իվ Արդեն, ծնվել է 1908 թվականի ապրիլի 30-ին Կալիֆոռնիա նահանգի, փոքրիկ քաղաք՝ Միլլ Վալլիում, Լյուսիլ և Չարլզ Փիթեր Կենդենսի ընտանիքում, ովքեր բաժանվել են, երբ Յունիսը դեռ երեխա էր։ 16 տարեկան հասակում թողել է դպրոցը և ընդունվել թատերական խմբակ։ 1929 թվականին առաջին անգամ նկարահանվել է «Սիրո երգը» ֆիլմում, որը «Columbia» ընկերության հաջողված աշխատանքներից է դառնում։ Նրա դեբյուտը Բրոդվեյում կայացել է 1934 թվականին՝ «Զիգֆելդի հիմարությունները» բեմադրությունում։
Կենդեսը դերասանական կարիերան սկսել է 1937 թվականին, «Դուռ դեպի բեմ» ֆիլմի Իվ Արդենի դերը ստանալուց հետո։ Այդ դերը հաջողությամբ խաղալուց հետո, նրան սկսեցին նոր դերեր առաջարկել։ Հաջորդ տարիներին նա սկսեց նկարահանվել հայտնի ֆիլմերում՝՝ «Զիգֆելդի աղջիկները» (1941) և «Շապիկի աղջիկը» (1941) , Ռիտա Հեյուորթ հետ, գլխավոր դերում։ 1945 թվականին Յունիսը խաղացել է իր ամենահայտնի դերերից՝ Իդ Կորվինի դերը «Միլդրեդ Փիլս» ֆիլմում, ինչի համար նա արժանացել է «Օսկարի», որպես Երկրորդ պլանի լավագույն դերասանուհի։
Դերասանուհին ուներ նաև հաջող կարիերա ռադիոյում, որտեղ նա խաղում էր դպրոցական ուսուցչուհու Քոննի Բրուկսի դերը՝ «Մեր տիկին Բրուկս» ռադիոբեմադրությունում՝ 1948 թվականից մինչև 1957 թվականը[4]։ Այնուհետև, 1952 թվականից մինչև 1956 թվականը, նա կատարում էր նույն դերը հեռուստասերիալում, որի համար նա արժանացել է «Էմմիի» մրցանակին։ Այդ կերպարն այնքան հայտնի էր, որ 1952 թվականին Յունիսը դարձավ Ամերիկյան միության կազմի պաշտոնական անդամը։
Յունիսը նկարահանվել է նաև հեռուստատեսությունում։ Նա խաղացել էր «Կախարդ», «Փառահեղ ներկայացումներ», «Էլիս», «Սիրո նավակ» հեռուստասերալներում։ Նա շարունակում էր նաև խաղալ թատերական սցենարներում, կատարելով գլխավոր դերերը՝ «Հելլո, Դոլլի» և «Տիկին Մամե» բեմադրություններում, իսկ 1967 թվականին արժանացել է Դարա Սիդդոնսի մրցանակին Չիկագոյի թատրոններում աշխատելու համար[5]։
1985 թվականին դերասանուհին հրապարակեց ինքնակենսագրությունը՝ «Իվի երեք փուլերը»։ Նրա ներդրումը կինոյում նշվել է աստղով՝ Հոլլիվուդյան փառքի ծառուղում, իսկ ռադիոյի ներդրումը նշվել է Ռադիոյի փառքի սրահում[6]։
Անձնական կյանք[խմբագրել | խմբագրել կոդը]
1939 թվականին մինչև 1947 թվականը Յունիսն ամուսնած էր Նեդ Բերգենի հետ։ 1952 թվականին ամուսնացել է Բրուքս Ուետի հետ, ով մահացել է 1984 թվականին։ Դերասանուհին Բրուքսից ունեցել է չորս երեխա։
Իվը մահացել է քաղցկեղից 1990 թվականի նոյեմբերի 12-ին՝ Լոս Անջելեսում, իր տանը և թաղված է Վեսթվուդի գերեզմանոցում։
Ընտրված ֆիլմագրություն[խմբագրել | խմբագրել կոդը]
Տարի | Հայերեն անվանում | Բնօրինակ անվանում | Դեր | |
---|---|---|---|---|
1937 | ֆ | Դուռ դեպի բեմ | Stage Door | ԻՎ |
1940 | ֆ | Ընկեր Իքս | Comrade X | Ջեյն Ուիլսոն |
1941 | ֆ | Էներգիա | Manpower | |
1941 | ֆ | Զիգֆիլդի աղջիկները | Ziegfeld Girl | Փեթսի Դիկսոն |
1944 | ֆ | Շապիկի աղջիկը | Cover Girl | Կորնելիա Ջեկսոն |
1945 | ֆ | Միլդրեդ Փիրս | Mildred Pierce | Իդա Կորվին |
1946 | ֆ | Օր ու գիշեր | Night and Day | Գաբրիել |
1947 | ֆ | Անհավատարիմ | The Unfaithful | Պոլա |
1948 | ֆ | Վեներայի մեկ հպումը | One Touch of Venus | Մոլլի Ստյուարդ |
1948 | ֆ | Մտրակ | Whiplash | Քրիս Շերվուդ |
1949 | ֆ | Երազում եմ քո մասին | My Dream Is Yours | Վիվիան Մարտին |
1950 | ֆ | ԹԵյ երկուսի համար | Tea for Two | Պոլին Հսսթինգս |
1956 | ֆ | Մեր տիկին Բրուկս | Our Miss Brooks | Քոննի Բրուկս |
1959 | ֆ | Սպանության անատոմիա | Anatomy of a Murder | Մեյտա Ռուտլեջ |
1960 | ֆ | Մթություն, աստիճանների վերևում | The Dark at the Top of the Stairs | Լոթթի Լեյսի |
1960 | ֆ | Բաթթերֆիլդ, 8 | BUtterfield, 8 | Վաճառողուհի ոսկերչական խանութում |
1978 | ֆ | Բրիոլին | Grease | Տնօրեն ՄակԳԻ |
1981 | ֆ | Ծիածանի տակ | Under the Rainbow | Իշխանուհի |
1982 | ֆ | Բրիոլին, 2 | Grease 2 | Տնօրեն ՄակԳԻ |
Մրցանակներ[խմբագրել | խմբագրել կոդը]
- 1953 «Էմմի» - «Լավագույն դերասան կատակերգրական սերիալում» («Մեր տիկին Բրուկս»)
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 Internet Broadway Database — 2000.
- ↑ 2,0 2,1 Card J. V. D. Arden, Eve (30 April 1912?–12 November 1990), stage, film, radio, and television actress // American National Biography Online / S. Ware — [New York]: Oxford University Press, 2017. — ISSN 1470-6229 — doi:10.1093/ANB/9780198606697.ARTICLE.1801906
- ↑ filmportal.de — 2005.
- ↑ «Eve Arden, 82, dies; best known as 'Our Miss Brooks'»։ The Oregonian (Worthpoint)։ նոյեմբերի 13, 1990։ Վերցված է դեկտեմբերի 5, 2011
- ↑ «The Sarah Siddons Society Awardees»։ Sarah Siddons Society։ 2010։ Վերցված է հունիսի 13, 2011
- ↑ «Comedy: Eve Arden»։ Radio Hall of Fame։ Արխիվացված է օրիգինալից մայիսի 26, 2011-ին։ Վերցված է հունիսի 13, 2011
|