Իվան Մեշչանինով

Իվան Մեշչանինով
Ծնվել է	նոյեմբերի 24 (դեկտեմբերի 6), 1883; Ուֆա, Ուֆայի նահանգ, Ռուսական կայսրություն
Մահացել է	հունվարի 16, 1967 (83 տարեկան); Լենինգրադ, ՌԽՖՍՀ, ԽՍՀՄ, Խորհրդային Ռուսաստան
Գերեզման	Սերաֆիմովսկոե գերեզմանատուն
Քաղաքացիություն	Ռուսական կայսրություն և ԽՍՀՄ
Մասնագիտություն	լեզվաբան, հնագետ, մարդաբան, նախապատմության ուսումնասիրող և ազգագրագետ
Հաստատություն(ներ)	Մոսկվայի պետական համալսարանի բանասիրույան ֆակուլտետ
Գործունեության ոլորտ	լեզվաբանություն
Անդամակցություն	Ռուսաստանի գիտությունների ակադեմիա և ԽՍՀՄ գիտությունների ակադեմիա
Ալմա մատեր	Պետերբուրգի հնագիտական ինստիտուտ
Գիտական ղեկավար	Նիկողայոս Մառ
Պարգևներ	; ; և
	Ստորագրություն;

Իվան Իվանովիչ Մեշչանինով (նոյեմբերի 24 (դեկտեմբերի 6), 1883^[1], Ուֆա, Ուֆայի նահանգ, Ռուսական կայսրություն^[2] - հունվարի 16, 1967(1967-01-16)^[2]^[3]^[4], Լենինգրադ, ՌԽՖՍՀ, ԽՍՀՄ, Խորհրդային Ռուսաստան^[2]), խորհրդային լեզվաբան, հնագետ։ Փոքր Ասիայի և Կովկասի մեռած լեզուների, հատկապես ուրարտերենի (խալդերենի) մասնագետ։ ԽՍՀՄ ԳԱ ակադեմիկոս (1932 թ.), սոցիալիստական աշխատանքի հերոս (1945 թ.)։

Եղել է ԽՍՀՄ ԳԱ լեզվի և մտածողության ինստիտուտի տնօրեն (1935-1950 թթ.), գրականության և լեզվի բաժանմունքի ակադեմիկոս քարտուղար (1934-1950 թթ.) և ԽՍՀՄ ԳԱ Նախագահության անդամ։ 1926-1931 թվականներին հնագիտական պեղումներ է կատարել հյուսիսային մերձսևծովյան շրջաններում և Հարավային Կովկասի տարբեր վայրերում (Լեռնային Ղարաբաղ, Նախիջևան, Կիրովաբադ)։ Նրա գիտական հայացքների ձևավորման վրա զգալի ազդեցություն է ունեցել Ն․ Յա․ Մառը։ Մեշչանինովը սկզբնավորել է տարբեր համակարգ ունեցող լեզուների շարահյուսության տիպաբանությունը, քննել է լեզուների զարգացման հիմնական փուլերը, ստեղծել լեզուների շարահյուսության տիպաբանության տեսություն, մշակել նախադասության տեսության խնդիրները։ Մեծ են Մեշչանինովի ծառայությունները Հյուսիսի և Կովկասի գիր չունեցող ժողովուրդների լեզուների ուսումնասիրությունը կազմակերպելու գործում։ ԽՍՀՄ պետական մրցանակի դափնեկիր (1943 թ., 1946 թ.)։ Պարգևատրվել է Լենինի և այլ շքանշաններով։

Ծանոթագրություններ[խմբագրել | խմբագրել կոդը]

↑ ^1,0 ^1,1 Բաշկիրական հանրագիտարան (ռուս.) — Башкирская энциклопедия, 2005. — 4344 с. — ISBN 978-5-88185-053-1
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Мещанинов Иван Иванович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ ^3,0 ^3,1 ^3,2 Բրոքհաուզի հանրագիտարան (գերմ.)
↑ ^4,0 ^4,1 ^4,2 Munzinger Personen (գերմ.)

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 465)։

[_4dd6477e2524aba7-1] 1,0 ^1,1 Բաշկիրական հանրագիտարան (ռուս.) — Башкирская энциклопедия, 2005. — 4344 с. — ISBN 978-5-88185-053-1

[_c718774ca0922d52-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Мещанинов Иван Иванович // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_53ccc7aeefbbc431-3] 3,0 ^3,1 ^3,2 Բրոքհաուզի հանրագիտարան (գերմ.)

[_1e04c7ef1969272f-4] 4,0 ^4,1 ^4,2 Munzinger Personen (գերմ.)

[1]

[2]

[3]

[4]