Իվան Բելլա

Վիքիպեդիայից՝ ազատ հանրագիտարանից
Jump to navigation Jump to search
Իվան Բելլա
Ivan Bella
Ivan Bella (Author - Rudolf Csiba).jpg
Գնդապետ Իվան Բելլա, 2009 թվական
Ծնվել է1964 մայիսի 25
ԾննդավայրՉեխոսլովակիա Չեխոսլովակիա, Սլովակիա Սլովակիա
ՔաղաքացիությունFlag of Slovakia.svg Սլովակիա
ՄասնագիտությունՕդաչու, Տիեզերագնաց
Պարգևներ և
մրցանակներ
Արիության շքանշան Մեդալ տիեզերքի հետազոտության բնագավառում ունեցած վաստակի համար և Լյուդովիտ Շտուրի շքանշան
Ivan Bella Վիքիպահեստում

Իվան Բելլա (սլովակ.՝ Ivan Bella), առաջին սլովակ տիեզերագնաց, որն իրագործել է տիեզերական թռիք 1999 թվականի փետրվարին 7 օր 21 ժամ 56 րոպե տևողությամբ։

Կենսագրություն[խմբագրել | խմբագրել կոդը]

Իվան Բելլան ծնվել է 1964 թվականի մայիսի 21-ին Դոլնա Լեգոտա գյուղում, Բրեզնո քաղաքի շրջանում, Չեխոսլովակիայում (այժմ Սլովակիա[1]1979 թվականին, դպրոցն ավարտելուց հետո մինչև 1983 թվականը Բելլան սովորել է Բանսկա-Բիստրիցայի զինվորական գիմնազիայում։ Այնուհետև ընդունվել է Զինվորական օդաչուական ակադեմիա (սլովակ.՝ Vysoká vojenská letecká škola SNP v Košiciach, 1993 թվականից հետո վերանվանված է Միլան Շտեֆանիկ Ռաստիսլավի անվան Ակադեմիա, սլովակ.՝ Vojenská letecká akadémia gen. M. R. Štefánika) Կոշիցեում, որը ավարտել է 1987 թվականին:

1987-1993 թվականներին Իվան Բելլան ծառայել է որպես օդանավորդ, այնուհետև՝ ավագ օդաչու կործանիչ-ռազմաճակատային օդանավատորմում Չեխոսլովակիայի ազգային բանակի Ռազմա-օդային ուժերում։ Այնուհետև մինչև 1998 թվականն աշխատել է որպես շտուրման 33-րդ էսկադրիլում կործանիչ-ռմբակոծիչ օդանավատորմում Սլովակիայի Ռազմա-օդային ուժերում (ՌՕՈւ), Մալացկի շրջանի բազայում, որտեղ թռչում էր ՄիԳ-21 և ՍՈւ-17 կործանիչներով:

Թռիչքի նախապատրաստում[խմբագրել | խմբագրել կոդը]

Փետրվարի 6-ին ռուս-սլովակյան համատեղ «Շտեֆանիկ» ծրագրի նախապատրաստման նպատակով Բելլան Սլովակիայի ՌՕՈւ-ի չորս հոգիանոց խմբի կազմով ժամանեց Տիեզերագնացների Յու.Ա. Գագարինի անվան նախապատրաստական կենտրոն` բժշկական զննման[2]: 1998 թվականի փետրվարի 24-ին Բելլան ու խմբի երեք անդամներն ընտրվեցին ռուս բժիշկների կողմից, իսկ մարտի 2-ին պաշտոնապես ընտրվեց սլովակյան կողմից:

1998 թվականի մարտի 23-ին Իվանը սկսեց նախապատրաստական աշխատանքներըՏիեզերագնացների Յու.Ա. Գագարինի անվան նախապատրաստական կենտրոնում[3], որտեղ մայիսի 25-ից մինչև օգոստոս անցավ ընդհանուր տիեզերական նախապատրաստում (ԸՏՆ) «СЛ» խմբի կազմում[4]:

Օգոստոսի 3-ին սլովակյան կողմը պաշտոնապես հայտարարեց «Союз ТМ-29» տիեզերանավի հիմնական կազմում Իվան Բելլի նշանակման մասին։ Օգոստոսի 15-ին անձնակազմը հաստատվեց Պետհանձնաժողովի կողմից[5] և օգոստոսի 27-ից մինչև 1999 թվականի փետրվարի 2-ը Բելլան անցավ թռիչքի անմիջական նախապատրաստում բորտինժեներ Ժան-Պյեր Էնյերեի և Վիկտոր Աֆանասևի հրամանատարությամբ։

Առաջին թռիչք[խմբագրել | խմբագրել կոդը]

1999 թվականի փետրվարի 20-ին «Союз ТМ-29» պիլոտավորվող տիեզերանավով իր առաջին թռիչքն իրագործեց՝ դառնալով առաջին սլովակ տիեզերագնացը (իսկ Սլովակիան՝ 29-րդ երկիրը, որն իր քաղաքացուն ուղարկեց տիեզերք)[4]: Փետրվարի 22-ին «Союз ТМ-29»-ը կցվեց «Мир» ուղեծրային կայանին, որի վրա աշխատում էր ЭО-26 անձնակազմը, Գենադի Պադալկան և Սերգեյ Անդրեևը:

Այն բանից հետո, երբ անցկացվեցին պլանավորած փորձերը (մասնավորապես «Էնդոթեստ»-ի փորձը, որի նպատակն էր որոշել տիեզերագնացի նեյրո-էնդոկրին և այլ ֆիզիկական ֆունկցիաները ծանրաբեռնվածության տարբեր տեսակների ժամանակ և միկրոգրավիտացիայի սթրեսածին ազդեցությունը մարդու օրգանիզմի վրա[6]), անձնակազմի մեջ փոփոխություն արվեց։ Բելլան և Պադալկան վերադարձան Երկիր փետրվարի 28-ին «Союз ТМ-28» տիեզերանավով։ Իվան Բելլայի թռիչքը տևեց 7 օր, 21 ժամ և 56 րոպե։

Հետագա ծառայություն[խմբագրել | խմբագրել կոդը]

Վերադառնալով Բելլան ստացավ փոխգնդապետի կոչում Սլովակիայի ՌՕՈւ-ում, իսկ 1999 թվականի հունիսի 21-ին պարգևատրվեց Արիության շքանշանով:

2001 թվականի օգոստոսին Իվան Բելլայի անունով կոչվեց 5|22901 Ivanbella Աստերոիդը:

2003 թվականին Իվան Բելլան ստացավ գեներալի կոչում և 2004 թվականին նշանակվեց որպես Ռուսաստանում Սլովակիայի դեսպանության զինվորական կցորդ: Ըստ պաշտոնի Բելլան զբաղվում է սպառազինության և զինաթափության միջազգային համագործակցության խնդիրներով։ Տիեզերքի հետազոտման և օգտագործման խնդիրներով զբաղվող հանձնաժողովի անդամ է։

Ընտանիք[խմբագրել | խմբագրել կոդը]

Բելլան ամուսնացած է և ունի երկու զավակ առաջին ամուսնությունից։

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Официальный сайт города Брезно(սլովակ.)
  2. Маринин И. Словацкие летчики прибыли в ЦПК(ռուս.) // Новости космонавтики : журнал. — 1998. — № 4/5.
  3. Есин Б. Словацкие космонавты прибыли на подготовку в ЦПК(ռուս.) // Новости космонавтики : журнал. — 1998. — № 8.
  4. 4,0 4,1 Шамсутдинов С. Биографии членов экипажей «Союза ТМ-29»(ռուս.) // Новости космонавтики : журнал. — 1999. — № 4.
  5. Шамсутдинов С. Утверждены экипажи «Союза ТМ-29»(ռուս.) // Новости космонавтики : журнал. — 1998. — № 17/18.
  6. Истомин В. Словацкая научная программа(ռուս.) // Новости космонавтики : журнал. — 1999. — № 4.
  7. Rad Ľudovíta Štúra, I. trieda(սլովակ.)
  8. Награждение словацких космонавтов Президентом Российской Федерации Б. Н. Ельциным
  9. Указ Президента Российской Федерации от 17 июня 1999 года № 790 «О награждении государственными наградами Российской Федерации Беллы И. и Фулиера М.»
  10. Указ Президента Российской Федерации от 12 апреля 2011 года № 437 «О награждении медалью „За заслуги в освоении космоса“ иностранных граждан»