Իսրայելի գեյերի, լեսբուհիների, բիսեքսուալների և տրանսգենդերների ասոցիացիա
| Իսրայելի գեյերի, լեսբուհիների, բիսեքսուալների և տրանսգենդերների ասոցիացիա | |
|---|---|
| Տեսակ | ոչ առևտրային կազմակերպություն և LGBTQ+ rights organization? |
| Երկիր |  Իսրայել |
| Հիմնադրված | 1975 |
| Կայք | lgbt.org.il |
Իսրայելի գեյերի, լեսբուհիների, բիսեքսուալների և տրանսգենդերների ասոցիացիա (եբրայերեն՝ אגודת ההומואים, הלסביות, הביסקסואלים והטראנסקסואלים בישראל), ավելի հայտնի է որպես Ագուդա (եբրայերեն՝ האגודה), Իսրայելում գործող հասարակական կազմակերպություն, որի գործունեությունը ուղղված է ԼԳԲՏ անձանց՝ գեյերի, լեսբուհիների, բիսեքսուալների և տրանսգենդերների շահերի և իրավունքների պաշտպանությանը։ Հանդիսանում է Իսրայելի ամենաառաջին, ամենախոշոր և ամենաազդեցիկ ԼԳԲՏ կազմակերպությունը։
Հիմնադրվել է 1975 թվականին Գիլա Գոլդշտեյնի, Դան Լահմանի, Թեո Մայնցի և Յակով Պազիի կողմից։ Կազմակերպության կենտրոնական գրասենյակը գտնվում է Թել Ավիվի Նահմանի փողոցում՝ գեյ թաղամասի կենտրոնում։ Ունի մասնաճյուղեր Բեեր Շևայում, Կիրյաթ Շմոնայում և Էյլաթում։ Այժմ Ագուդայի մեջ է մտնում շուրջ 2500 ակտիվիստ։ Կազմակերպության ղեկավարն է Մայքլ Համելը։
Պատմություն[խմբագրել | խմբագրել կոդը]
Ագուդան հիմնվել է 1975 թվականին Թել Ավիվում 11 գեյ տղամարդկանց և մեկ լեսբուհի կնոջ կողմից[1] Հենց իրենք էլ կազմակերպել են Իսրայելի առաջին հպարտության շքերթը Իսրայելի թագավորների հրապարակում։ Ագուդայում գործում են նաև ԼԳԲՏ երիտասարդության խմբեր, որոնց թվում են լեսբուհիների Համոն Ալիզան, ինչպես նաև Ցահալ Բեթը՝ 18-22 տարեկանների ԼԳԲՏ երիտասարդների խմբավորումը[2]։
2006 թվականից սկսած Իսրայելի քաղաքացիները կարող են Պաշտպանության բանակում ծառայելու փոխարեն կամավոր աշխատանք կատարել Ագուդայում՝ որպես այլընտրանքային ծառայություն[3]։
Տես նաև[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Պաշտոնական կայք Արխիվացված 2017-04-19 Wayback Machine (եբրայերեն)
Ծանոթագրություններ[խմբագրել | խմբագրել կոդը]
- ↑ Zimmerman, Bonnie (2000). Lesbian Histories and Cultures. Taylor & Francis. ISBN 0-8153-1920-7.:
- ↑ Walzer, Lee (2000). Between Sodom and Eden: A Gay Journey Through Today's Changing Israel. New York: Columbia University Press. ISBN 0-231-11394-3.
- ↑ Raz, Noa (2006 թ․ փետրվարի 27). «Exempt from IDF? Volunteer for gay group». Վերցված է 2008 թ․ նոյեմբերի 12-ին.