Իսահակ Դունաևսկի

Իսահակ Դունաևսկի
Բնօրինակ անուն	ռուս.՝ Исаак Дунаевский
Ծնվել է	հունվարի 18 (30), 1900; Լոխվիցա, Պոլտավայի նահանգ, Ռուսական կայսրություն
Երկիր	Ռուսական կայսրություն և ԽՍՀՄ
Մահացել է	հուլիսի 25, 1955 (55 տարեկան); Մոսկվա, ԽՍՀՄ
Գերեզման	Նովոդեվիչյան գերեզմանոց
Ժանրեր	երգ և օպերետ
Մասնագիտություն	կոմպոզիտոր, դիրիժոր, ֆիլմերի երաժշտությունների հեղինակ, երաժիշտ և երաժշտության ուսուցիչ
Կրթություն	Բ. Ն. Լյատոշիմսկու անվան երաժշտական ուսումնարան և Խարկովի Ի. Պ. Կոտլյարևսկու անվան ազգային արվեստի համալսարան
Անդամակցություն	ԽՍՀՄ կոմպոզիտորների միություն
Պարգևներ	, , , , , ; , , և
	Isaak Dunaevsky Վիքիպահեստում

Իսահակ Օսիպովիչ Դունաևսկի (ռուս.՝ Исаак Осипович Дунаевский, հունվարի 18 (30), 1900, Լոխվիցա, Պոլտավայի նահանգ, Ռուսական կայսրություն - հուլիսի 25, 1955(1955-07-25)^[1]^[2], Մոսկվա, ԽՍՀՄ), խորհրդային կոմպոզիտոր։ ՌԽՖՍՀ ժողովրդական արտիստ (1950)։

Կենսագրություն[խմբագրել | խմբագրել կոդը]

1919 թվականին ավարտել է Խարկովի կոնսերվատորիայի ջութակի դասարանը, կոմպոզիցիա է պարապել Սեմյոն Բոգատիրյովի մոտ։

Դունաևսկին խորհրդային օպերետի («Փեսացուներ», 1927, «Ոսկե հովիտ», 1937, «Ազատաշունչ հողմ», 1947, «Ծաղրածուի որդին», 1950 և այլն), երաժշտական կինոկոմեդիայի («Ուրախ տղաներ», 1934, «Կրկես», 1936, ԽՍՀՄ պետական մրցանակ, 1941, «Վոլգա-Վոլգա», 1938, ԽՍՀՄ պետական մրցանակ, 1941, «Կուբանի կազակները», 1950, ԽՍՀՄ պետական մրցանակ, 1951) ստեղծողներից է։

Դունաևսկին ստեղծել է մասսայական երգի նոր տեսակ՝ երգ-քայլերգեր («Ուրախ տղաների քայլերգը», «Երգ Կախովկայի մասին»)։ Նշանավոր են նաև քնարական երգերը, երգ-վալսերը («Լռություն», «Դպրոցական վալս»)։

Գրել է բալետներ, դրամատիկ ներկայացումների երաժշտություն։ 1963 թվականին ստեղծվել է «Դունաևսկու մեղեդիները» կինոնկարը (ռեժիսոր Է․ Պիրե)։

Երևանի Հ․ Պարոնյանի անվան երաժշտական կոմեդիայի թատրոնում բեմադրվել են «Ազատաշունչ հողմ» (1948), «Ծաղրածուի որդին» (1951) օպերետները։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Proleksis enciklopedija, Opća i nacionalna enciklopedija (хорв.) — 2009.
↑ ^2,0 ^2,1 ^2,2 Կերպարվեստի արխիվ — 2003.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 460)։

[_3d2958f612a1eb03-1] 1,0 ^1,1 ^1,2 Proleksis enciklopedija, Opća i nacionalna enciklopedija (хорв.) — 2009.

[_6b7a57720ac42b89-2] 2,0 ^2,1 ^2,2 Կերպարվեստի արխիվ — 2003.

[1]

[2]