Իռլանդիայի ժամանակակից արվեստի թանգարան

Իռլանդիայի ժամանակակից արվեստի թանգարան
Տեսակ	արվեստի պատկերասրահ, պատկերասրահ և ազգային թանգարան
Երկիր	Իռլանդիա
Տեղագրություն	Դուբլին
Ղեկավարության նստավայր	Դուբլին, Իռլանդիա
Հիմնադրվել է	մայիս 1991
Կայք	imma.ie(անգլ.)

Իռլանդիայի ժամանակակից արվեստի թանգարան (իռլանդերեն՝ Áras Nua-Ealaíne na hÉireann, IMMA), ժամանակակից արվեստի հավաքագրման և ներկայացման ազգային առաջատար հաստատություն Իռլանդիայում։ Գտնվում է Դուբլինի Կիլմեյնհեմ քաղաքային շրջանում։ Թանգարանը ներկայացնում է արվեստի փոփոխվող ցուցահանդեսների լայն բազմազանություն, որը պարբերաբար ներառում է աշխատանքներ իր սեփական հավաքածուից, ինչպես նաև իր կրթական և համայնքային բաժիններից։ Իր արվեստանոցների և ազգային ծրագրերի միջոցով թանգարանի նպատակն է ստեղծել համընդհանուր հասանելիություն դեպի արվեստն ու արվեստագետը։ Գերազանց, նորարարական և ընդգրկուն ծրագրերի և քաղաքականության միջոցով թանգարանը խթանում է վիզուալ արվեստում հասարակության ներգրավվածությունը, իրազեկումն ու ըմբռնումը։

Պատմություն[խմբագրել | խմբագրել կոդը]

Իռլանդիայի ժամանակակից արվեստի թանգարանը հիմնադրվել է Իռլանդիայի կառավարության կողմից 1990 թվականին։ Պաշտոնապես բացվել է 1991 թվականի մայիսի 25-ին Իռլանդիայի վարչապետ Չարլս Հոգիի կողմից։

Շենք[խմբագրել | խմբագրել կոդը]

Թանգարանի բակը

Թանգարանը տեղակայված է XVII դարի Կիլմեյնհեմի թագավորական հիվանդանոցի շենքում։ Թագավորական հիվանդանոցը հիմնադրվել է 1684 թվականին Օրմոնդի դուքս Ջեյմս Բաթլերի և փոխարքա Չարլզ II-ի կողմից, որպես զորացրված զինծառայողների տուն և այդ նպատակին է ծառայել շուրջ 250 տարի։ Թագավորական հիվանդանոցի գտնվելու վայրը ժամանակակից արվեստը ցուցադրելու գրավիչ վայր է։ Կառուցվել է Փարիզի Հաշմանդամների տան նմանությամբ, ունի երկար միջանցքներ, միմյանց միջից բացվող սենյակների շարք։ Վերականգնվել են բնօրինակ ձիերի համար նախատեսված ախոռները, որոնք վերափոխվել են արվեստագետների արվեստանոցների։ Թանգարանն իրականացնում է բնակիչ-արվեստագետ ծրագիրը։

Թանգարանը ֆինանսավորվում է Իռլանդիայի արվեստի, ժառանգության և գելտակտների նախարարության սուբվենցիաներով, ինչպես նաև հովանավորների և սեփական ռեսուրսների եկամուտներով։