Իոնական ուժ

Իոնական ուժ, լուծույթում իոնների ստեղծած էլեկտրական դաշտի լարվածության չափ։ Իոնական ուժ արտահայտվում է՝ $\mathrm {I} ={\frac {1}{2}}\Sigma m_{i}z_{i}^{2}$ i= բանաձևով, որտեղ Zi-ն տվյալ i տեսակի իոնների լիցքն է, m-ը՝ նրանց մոլյալությունը լուծույթում (այսինքն՝ գրամ-իոնների թիվը 1 կգ լուծիչում)։ Շատ նոսրացրած լուծույթներում էլեկտրոլիտների մի քանի հատկություններ և, մասնավորապես, լուծույթում տվյալ ուժեղ էլեկտրոլիտի ակտիվության գործակիցը կախված են իոնական ուժից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 378)։