Իշխան Պետրոսի և իշխանուհի Ֆևրոնյայի հուշարձան (Բատայսկ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Իշխան Պետրոսի և իշխանուհի Ֆևրոնյայի հուշարձան
Памятник святым Петру и Февронии, Батайск.jpg
Իշխան Պետրոսի և իշխանուհի Ֆևրոնյայի հուշարձանը
Կոորդինատներ47°8′18″ հս․ լ. 39°44′44″ ավ. ե. / 47.13833° հս․. լ. 39.74556° ավ. ե. / 47.13833; 39.74556Կոորդինատներ: 47°8′18″ հս․ լ. 39°44′44″ ավ. ե. / 47.13833° հս․. լ. 39.74556° ավ. ե. / 47.13833; 39.74556
Գտնվում էԲատայսկ
Կառուցվել է2011
Կառուցել էՍերգեյ Իսակով
Ներկա վիճակըկանգուն

Իշխան Պետրոսի և իշխանուհի Ֆևրոնյայի հուշարձան (ռուս.՝ Памятник князю Петру и княгине Февронии), քանդակագործական ստեղծագործություն, որը տեղադրված է Ռուսաստանի Դաշնության Ռոստովի մարզի Բատայսկ քաղաքի կենտրոնում։ Ռուսաստանի տարածքում գոյություն ունի Պետրոսի և Ֆևրոնյայի ավելի քան 10 հուշարձան[1]։

Պատմություն[խմբագրել | խմբագրել կոդը]

Իշխան Պետրոսի և իշխանուհի Ֆևրոնյայի հուշարձանի բացումը տեղի է ունեցել 2011 թվականի նոյեմբերի 3-ին Բատայսկում։ Քանդակը պատկերում է Մուրոմի իշխան Յուրի Վլադիմիրովիչի երկրորդ որդուն` իշխան Պետրոսին, և նրա կնոջը` Ֆևրոնյային, որոնք, ըստ ավանդույթների, հաղթահարել են բարդ ճանապարհ դեպի ամուսնական երջանիկ կյանք[2]։

Նրանք դասվել են սրբերի շարքին։ Հուշարձանը տեղադրվել է Ռոստովի և Նովոչերկասկի մետրոպոլիտ Մերկուրիի օրհնությամբ` Ռոստովի մարզի նահանգապետ Վասիլի Գոլուբևի աջակցությամբ[3]։

Հուշարձանը պատրաստելու համար օգտագործվել է բրոնզ։ Հուշակոթողը գտնվում է քաղաքի մշակութային-ժամանցային կենտրոնի մուտքի մոտ։ Արձանի հեղինակը քանդակործ Սերգեյ Իսակովն է։ Պատրաստելու աշխատանքը տևել է մոտ 6 տարի։ Քանդակի քաշը 2 տոննա է, բարձրությունը պատվանդանի հետ մոտ 4 մետր է։ Իշխան Պետրոսը և իշխանուհին Ֆևրոնյան պատկերված են դեպի երկինք աղավնի արձակելիս։ Վերևից նորապսակներին նայում է հրեշտակը, որը, ըստ հեղինակի, պետք է երաշխավորի նրանց ամուսնության հարատևությունը[1]։

2015 թվականի հուլիսին առաջին անգամ անցկացվել է եկեղեցական մաղթանք իշխան Պետրոսի և իշխանուհի Ֆևրոնյայի հուշարձանի մոտ։ Նրա ժամանակ ընթերցվել է օրհներգություն ընտանիքի և ամուսնության հովանավոր մուրոմցի հրաշագործների պատվին։ Միջոցառմանը մասնակցել է Ազովի գործակալության ավելի քան 25 քահանա։ Իսկ բուն արարողությանը ներկա եղել ուղղափառ դավանանքի 100-ից ավելի քաղաքացի[4]։

Ծանոթագրություններ[խմբագրել | խմբագրել կոդը]