Իշխան Ղարիբյան Կրտսեր

Վիքիպեդիայում կան հոդվածներ Ղարիբյան ազգանունով այլ մարդկանց մասին։

Իշխան Ղարիբյան Կրտսեր
Ծնվել է	հունվարի 3, 1983(1983-01-03) (41 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի թատրոնի և կինոյի պետական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասան
Ակտիվ շրջան	1999-մինչև օրս
Ամուսին(ներ)	Թեհմինե Խաչատրյան

Իշխան Վահիկի Ղարիբյան (հունվարի 3, 1983(1983-01-03), Երևան, Հայկական ԽՍՀ, ԽՍՀՄ), Պատանի հանդիսատեսի թատրոնի դերասան, բեմադրիչ, Կապանի Ալ. Շիրվանզադեի անվան դրամատիկական թատրոնի գեղարվեստական ղեկավար։

Դերասան Իշխան Ղարիբյանի թոռն է։

Կենսագրություն

Իշխան Ղարիբյանը ծնվել է 1983 թվականին՝ Երևանում։ 2003 թվականին ավարտել է Երևանի թատրոնի և կինոյի պետական ինստիտուտի դերասանական ֆակուլտետը՝ Հակոբ Ղազանչյանի արվեստանոցը։ Որպես դերասան 1999 թվականից աշխատել է Երևանի Պատանի հանդիսատեսի պետական թատրոնում։ 2013 և 2014 թվականներին արժանացել է Հայաստանի թատերական գործիչների միության «Արտավազդ» մրցանակի։ 2020 թվականին նշանակվել է Կապանի Ալեքսանդր Շիրվանզադեի անվան դրամատիկական թատրոնի գեղարվեստական ղեկավար։

Ամուսնացած է Կ. Ստանիսլավսկու անվան ռուսական պետական դրամատիկական թատրոնի դերասանուհի Թեհմինե Խաչատրյանի հետ։

Դերեր

• Ռիչարդ Կալինոսկու «Հրեշը լուսնի վրա» (Արամ Թումասյան)
• Բեռնարդ Շոուի «Էլիզա» (Հենրի Հիգենս)
• Ալեքսանդր Վամպիլովի «Ավագ որդի» (Սիլվա)
• Վիլյամ Շեքսպիրի «Համլետ» (Գիլդենշտերն)
• Սինիշա Կովաչևիչի «Վիրուս» (Ալեքսանդր)
• Ադրիանա Սևան-Նիքոլսի «Գիշեր Երզնկայի վրա» (Արտավազդ Օղիդանյան)

Բեմադրություններ

• Աստրիդ Լինդգրենի «Մանչուկն ու Կառլսոնը»
• Ալեքսեյ Տոլստոյի «Ոսկե բանալի»
• Յրոսլավ Ստելմախի «Քաղցած է, կատաղած և շատ վտանգավոր»

Արտաքին հղումներ

• ԻՇԽԱՆ ՂԱՐԻԲՅԱՆ Արխիվացված 2020-06-29 Wayback Machine