Կոնստանտին Իշխանյան
- Վիքիպեդիայում կան հոդվածներ Իշխանյան ազգանունով այլ մարդկանց մասին։
Կոնստանտին Իշխանյան | |
---|---|
Ծնվել է | մայիսի 15, 1959 (64 տարեկան) |
Ծննդավայր | Բաքու, Ադրբեջանական ԽՍՀ, ԽՍՀՄ |
Քաղաքացիություն | ԽՍՀՄ և Ռուսաստան |
Մասնագիտություն | ճարտարագետ |
Պարգևներ և մրցանակներ | |
Konstantin Ishkhanyan Վիքիպահեստում |
Կոնստանտին Իշխանյան (մայիսի 15, 1959, Բաքու, Ադրբեջանական ԽՍՀ, ԽՍՀՄ), խորհրդահայ ինժեներ-հիդրոտեխնիկ, օբյեկտների շինարարության կազմակերպիչ և Մոսկվայի կոմունալ տնտեսության ոլորտի ղեկավար։
Կենսագրություն[խմբագրել | խմբագրել կոդը]
Ծնվել է 1959 թվականի մայիսի 15-ին Բաքու քաղաքում։ 1976 թվականին ավարտել է միջնակարգ դպրոցը։ 1981 թվականին ավարտել է Ադրբեջանի ինժեներաշինարարական ինստիտուտը՝ «ինժեներ-հիդրոտեխնիկ»-ի մասնագիտությամբ։ 1981-1983 թվականներին ծառայել է Զինված ուժերում։
1986 թվականից աշխատել է «Մոսոբլստրոյկոմիտեի» ձեռնարկություններում․ աշխղեկ, ավագ աշխղեկ, ՊՄԳ-68 արտադրատեխնիկական բաժնի պետ, միավորված արհմիութենական կոմիտեի նախագահ, «Ինժսելստրոյ» միավորման պետի տեղակալ, «Մոսոբլինժստրոյ» միավորման տնտեսության գծով պետի տեղակա։
1994 թվականից «Ռոսէկոստրոյ» կոնցեռնի գլխավոր տնօրենն է։ 1997 թվականից «ՌՈՍԷԿՈՍՏՐՈՅ» ՍՊԸ-ի գլխավոր տնօրենն է։ Շինարարության ոլորտում աշխատանքի ընթացքում նախագծվել և կառուցվել են ջրահեռացման համակարգերի օբյեկտներ Երկրի տարբեր շրջաններում՝ Մոսկվայի, Լենինգրադի, Կալինինգրադի մարզերում, քաղաքներում՝ Մոսկվա, Սանկտ Պետերբուրգ, Նիժնի Նովգորոդ, Կրասնոյարսկ, Սուրգուտ, Դոնի Ռոստով, Ուլյանովսկ, Խաբարովսկ, Նովոռոսիյսկ և այլն։ Մոսկվայում նախագծվել և կառուցվել են Մոսկվայի օղակաձև ավտոմոբիլային ճանապարհի անձրևային կոյուղու համակարգի և տրանսպորտային երրորդ օղակի քաղաքային մաքրման կառույցները։
2006 թվականից՝ «Մոսվոդոստոկ»-ի գլխավոր տնօրեն[1][2][3][4]։
Ընտանիք[խմբագրել | խմբագրել կոդը]
Ամուսնացած է, ունի չորս զավակ։ Ընտանիքն ապրում է Մոսկվայում։
Պարգևներ և պատվո կոչումներ[խմբագրել | խմբագրել կոդը]
- «Հայրենիքին մատուցած ծառայությունների համար» 2-րդ աստիճանի շքանշան (2017)[5]։
- «Ռուսաստանի պատվավոր շինարար»-ի կոչում։
- Մոսկվայի քաղաքապետի պատվոգիր (2018)։
- Մոսկվայի քաղաքապետի շնորհակալությունը 2003, 2013[6], 2014, 2016 թվականներին։
- Մոսկվայի քաղաքային դումայի պատվոգիր (2014)[7]։
- Ռուսաստանի Դաշնության տարածաշրջանային զարգացման նախարարության պատվոգիր։
- Ռուսաստանի Դաշնության պաշտպանության նախարարության երախտագիտությունը։
Ծանոթագրություններ[խմբագրել | խմբագրել կոդը]
- ↑ Тайны Мосводостока
- ↑ «Константин Ишханян: Для мониторинга ливневки используем роботов». Արխիվացված է օրիգինալից 2017 թ․ հունիսի 2-ին. Վերցված է 2019 թ․ մարտի 1-ին.
- ↑ Константин ИШХАНЯН, ГУП «Мосводосток» на службе города
- ↑ В столице отремонтируют ливневки в 250 самых «мокрых» местах
- ↑ Указ Президента Российской Федерации от 05.04.2017 г. № 145 О награждении государственными наградами Российской Федерации
- ↑ С. Собянин вручил награды работникам ЖКХ Москвы(չաշխատող հղում)
- ↑ О награждении Почетной грамотой Московской городской Думы Ишханяна Константина Рафаэловича(չաշխատող հղում)
Արտաքին հղումներ[խմբագրել | խմբագրել կոդը]
- Страница К. Р. Ишханяна Արխիվացված 2018-02-20 Wayback Machine Мосводосток կայքում