Ինչպես ձեռք բերել բարեկամներ և ազդել մարդկանց վրա

Վիքիպեդիայից՝ ազատ հանրագիտարանից
Picto infobox book.png
Ինչպես ձեռք բերել բարեկամներ և ազդեցություն ունենալ մարդկանց վրա
անգլ.՝ How to Win Friends and Influence People
Հեղինակ Դեյլ Քարնեգի
Տեսակ գիրք
Ժանր հանրամատչելի հոգեբանություն
Թեմա Ինքնօժանդակում
Բնօրինակ լեզու անգլերեն
Ստեղծման տարեթիվ 1936
Հրատարակման տարեթիվ 1936
ԳՄՍՀ 1-4391-6734-6
OCLC 40137494 և 326649361
Վիքիքաղվածք Ինչպես ձեռք բերել բարեկամներ և ազդել մարդկանց վրա

Ինչպես ձեռք բերել բարեկամներ և ազդեցություն ունենալ մարդկանց վրա (անգլ.՝ How to Win Friends and Influence People), Դեյլ Քարնեգիի առավել հանրաճանաչ գիրքը։ Լույս է տեսել 1936 թվականի նոյեմբերի 12-ին։ Հրատարակվել է աշխարհի բազմաթիվ լեզուներով։

Գիրքը գործնական խորհուրդների և կյանքից վերցրած պատմությունների հավաքածու է։ Քարնեգին օգտվել է հաջողակ հռչակավոր մարդկանց ասույթներից և որպես օրինակ ներկայացրել իր աշակերտների, ընկերների, ծանոթների փորձը։ Մեկ տարվա ընթավքում վաճառվել է գրքի մոտ մեկ միլիոն օրինակ (հեղինակի կենդանության օրոք ԱՄՆ-ում վաճառվել է ավելի քան 5 միլիոն օրինակ)։ Տասնամյակների ընթացքում գիրքը «Նյու Յորք Թայմս» թերթի բեսթսելերների ցանկում է եղել, ինչը մինչ օրս համարվում է բացարձակ ռեկորդ։ 2011 թվականին աշխարհի ամենաազդեցիկ 100 գրքերի ցանկում եղել է 19-րդը[1]:

Գրքի հիմնական սկզբունքները[խմբագրել | խմբագրել կոդը]

Մարդկանց` ձեր անձի հանդեպ բարեհաճ տրամադրելու եղանակներ[խմբագրել | խմբագրել կոդը]

  • Դրսևորե'ք անկեղծ և կենդանի հետաքրքրություն այլ մարդկանց հանդեպ։
  • Ժպտացե'ք. դա ձեզ համար շահեկան առաջին տպավորություն թողնելու շատ հարմար միջոց է։
  • Մարդու համար ամենահաճելի ձայներից մեկը սեփական անունը լսելն է։
  • Մարդկանց ներշնչե'ք ձեր սեփական նշանակալիության զգացումը։
  • Խոսե'ք այն թեմաներով, որոնք հետաքրքիր են ձեր խոսակցի համար։

Մարդկանց` ձեր տեսակետին հանգեցնելու եղանակներ[խմբագրել | խմբագրել կոդը]

  • Բանավեճում հաղթելու միակ միջոցը նրանից շեղվելն է. վիճելով դուք կարող եք հաղթել։
  • Դրսևորե'ք հարգանք ուրիշների կարծիքի հանդեպ. մարդուն երբեք մի' ասեք, որ նա սխալ է։
  • Եթե դուք իրավացի չեք, միանգամից անկեղծորեն ընդունեք այն։
  • Միանգամից մարդկանց ցու'յց տվեք ձեր բարեկիրթ վերաբերմունքը։
  • Թող հենց սկզբից ձեր խոսակիցը ստիպված լինի ձեզ «այո» պատասխանելու։
  • Աշխատե'ք, որ ձեր խոսակիցը ձեզնից շատ խոսի։
  • Թող ձեր զրուցակիցը զգա, որ գաղափարն իրեն է պատկանում. դա կօգնի ձեզ համագործակցելու նրա հետ։
  • Փորձե'ք ընդունել ձեր զրուցակցի տեսակետը։
  • Դրսևորե'ք կարեկցություն ուրիշ մարդկանց մտքերի և ցանկությունների հանդեպ։
  • Երբ ոչինչ չի ազդում, մարտահրավե'ր նետեք նրանց։

Միջոցներ, որոնցով կարող եք փոխել մարդուն` առանց նրան վիրավորելու[խմբագրել | խմբագրել կոդը]

  • Եթե դուք պետք է մարդուն ցույց տաք նրա սխալը, սկսե'ք նրան գովաբանելուց և նրա արժանիքները ընդունելուց։
  • Եթե ուշադրություն եք դարձնում մարդկանց սխալներին, արե'ք դա անուղղակիորեն։
  • Մինչ ուրիշներին քննադատելը պատմե'ք նրանց ձեր սեփական սխալների մասին։
  • Հրամաններ արձակելու փոխարեն՝ տվե'ք հարցեր։
  • Մարդուն սեփական դեմքը պահպանելու հնարավորությու'ն տվեք։
  • Շռայլորեն և անկեղծ գովե'ք մարդուն նրա ձեռքբերումների համար։
  • Ստեղծե'ք մարդու համար բարի համբավ, որ նա ապրի՝ այն պահպանելով։
  • Խրախուսե'ք մարդուն. նրան հասկացրե'ք, որ թերություններն ուղղելը հեշտ է, իսկ ձեռնարկելիք գործը՝ հետաքրքիր և հեշտությամբ կատարելի։
  • Արե'ք այնպես, որ ձեր հրահանգները կատարելը հաճելի լինի։

Ձեր ընտանեկան կյանքն ավելի երջանիկ դարձնելու միջոցներ[խմբագրել | խմբագրել կոդը]

  • Ոչ մի դեպքում բծախնդիր մի' եղեք։
  • Մի' քննադատեք։
  • Անկեղծորեն երախտագե'տ եղեք։
  • Փոքր-ինչ ուշադրությու'ն դրսևորեք։
  • Կարդացե'ք լավ գիրք ամուսնության սեքսուալ կողմի մասին։

Ծանոթագրություններ[խմբագրել | խմբագրել կոդը]

  1. How to Win Friends and Influence People in the Digital Age. (2011). Retrieved March 28, 2016, from http://www.dalecarnegie.com/how-to-win-friends-and-influence-people-in-the-digital-age

Արտաքին հղումներ[խմբագրել | խմբագրել կոդը]