Ինգրիդ Ալեքսանդրա (Նորվեգիայի արքայադուստր)

Վիքիպեդիայից՝ ազատ հանրագիտարանից
Jump to navigation Jump to search
Ինգրիդ Ալեքսանդրա
Ingrid Alexandra de Norvège.png
 
Քաղաքացիություն՝ Flag of Norway.svg Նորվեգիա
Մասնագիտություն՝ princess
Ծննդյան օր հունվարի 21, 2004(2004-01-21) (15 տարեկան)
Ծննդավայր Rikshospitalet, Օսլո, Նորվեգիա
Դինաստիա Գլյուքսբուրգներ
Հայր Հակոն
Մայր Մետտե-Մարիտ

Նորին արքայական մեծություն, Նորվեգիայի արքայադուստր Ինգրիդ Ալեքսանդրա (նորվ.՝ Prinsesse Ingrid Alexandra, prinsesse av Norge, ծնվ. է՝ հունվարի 21, 2004թ., Օսլո), Նորվեգիայի թագաժառանգ Հակոնի և նրա կին Մետտե-Մարիտի ավագ դուստր, Նորվեգիայի թագավոր Հարալդ V-ի թոռնուհին:

Կենսագրություն[խմբագրել | խմբագրել կոդը]

Արքայադուստր Ինգրիդը ծնվել է Նորվեգիայի մայրաքաղաք Օսլոյի Ռիկշոսպիտալետե ծննդատանը: Ծնվելուց հետո ստացել է Նորվեգիայի արքայադուստր տիտղոս: Արքայադուստր Ինգրիդ Ալեքսանդրան իր հորից հետո հանդիսանում է Նորվեգիայի գահի երկրորդ ժառանգորդը: Երբ հայրը՝ Հակոնը, ժառանգի գահը, Ինգրիդ Ալեքսանդրան կդառնա Նորվեգիայի գահաժառանգ:

Ինգրիդ Ալեքսանդրան ունի Մարիուս անունով ավագ եղբայր, ով ծնվել է 1997 թվականին և 2005 թվականի դեկտեմբերի 3-ին ծնված փոքր եղբայր՝ արքայորդի Սվերե Մագնուս:

Ինգրիդ Ալեքսանդրայի կնունքը տեղի է ունեցել 2004 թվականի ապրիլի 17-ին Օսլոյում: Նրա կնքահայրն ու կնքամայրը եղել են հայրական կողմից պապը՝ թագավոր Հարալդ V-ը, Իսպանիայի թագավոր Ֆիլիպ VI-ը, Դանիայի թագաժառանգ Ֆրեդերիկ, Շվեդիայի թագաժառանգ արքայադուստր Վիկտորիա, արքայադուստր Մարթա Լուիզան, Հարալդ V թագավորի ավագ դուստրը և Ինգրիդ Ալեքսանդրայի հորաքույրն ու մայրական կողմից տատիկը՝ Մարիտ Թեսեն:

2006 թվականի հունվարի 4-ին Ինգրիդ Ալեքսանդրան առաջին անգամ հաճախեց մանկապարտեզ, իսկ 2010 թվականի օգոստոսի 19-ին սկսեց սովորել Ասքերի Jansløkka barneskole անունով դպրոցում:

2016 թվականի փետրվարի 12-ին Ինգրիդ Ալեքսանդրան վառեց Օլիմպիական խաղերի կրակը Լիլեհամերում անցկացված Երիտասարդական ձմեռային II օլիմպիական խաղերի ժամանակ:

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]