Իլհա դու Մել էկոլոգիական կայան
 Estação Ecológica da Ilha do Mel | |
|---|---|
.jpg) | |
| Տեսակ | էկոլոգիական կայան |
| Կազմված է | Անտլանտյան անտառ |
| Մասն է | Atlantic Forest South-East Reserves? |
| Երկիր |  Բրազիլիա |
| Վարչատարածք | Պարանա |
| Հիմնվել է | 1982 |
| Մակերես | 2241 հեկտար և 2323 հեկտար |
| Կառավարում | պետություն |
  | |
Իլհա դու Մել էկոլոգիական կայան (պորտ.՝ Estação Ecológica da Ilha do Mel), էկոլոգիական կայան Բրազիլիայի Պարանա նահանգում։
Տեղագրություն[խմբագրել | խմբագրել կոդը]
Իլհա դու Մել էկոլոգիական կայանն ընդգրկում է Պարանա նահանգի Պարանագուա մունիցիպալիտետում գտնվող Իլհա դու Մել կղզու հյուսիսային մասը[1]։ Ունի 2241 հա տարածք[2]։ Էկոլոգիական կայանն առավել խստորեն պաշտպանված է կղզու երկու պահպանական միավորումներից, մյուսը՝ Իլհա դու Մել պետական պարկն է։ Հասարակական այցերը դեպի պարկ թույլատրվում են կրթության, հանգստի և հետազոտությունների համար։ Էկոլոգիական կայանն օգտագործվում է հիմնականում գիտական հետազոտությունների համար, իսկ հանրային այցելությունները թույլատրվում են միայն բնապահպանական կրթության համար, այն էլ՝ կառավարչի հատուկ թույլտվությամբ։ Պաշտպանված տարածքները կազմում են կղզու տարածքի մոտավորապես 95 %-ը, այդ թվում՝ մանգլենին, ռեստինգան և անտառները[2]։
Պահպանվող տարածքներից դուրս կան գեղեցիկ լողափեր և տեսարժան վայրեր, ինչպիսիք են՝ Նոսա Սենիորա դոս Պրազերես ամրոցը, փարոսը ու կախարդական քարայրը, որոնք կղզին դարձրել են նահանգի հիմնական զբոսաշրջային ուղղություններից մեկը։ Կառավարման խորհուրդը, կառավարության և տեղի լիազոր ներկայացուցիչների հետ վերահսկում է գոտիավարման կանոնների իրականացմանը։ 2004 թվականին կար 1140 բնակիչ, որոնց 57 %-ը բնիկ չէին, սակայն հասցրել էին առանց թույլատրության կառուցել տներ և հյուրանոցներ։ Կառույցների շուրջ 43 %-ը չի համապատասխանում օգտագործման պլանին, որը սահմանում է հողամասի չափը, շենքերի բարձրությունը և այլն[2]։
Պատմություն[խմբագրել | խմբագրել կոդը]
1982 թվականին դաշնային միության ժառանգության ծառայությունը Իլհա դու Մելի վարչակազմը տեղափոխեց Պարանա նահանգ՝ պայմանով, որ ստեղծվի պահպանման միավորում՝ բնական էկոհամակարգերը պաշտպանելու համար[2]։ Իլհա դու Մել էկոլոգիական կայանը ստեղծվել է 1982 թվականի սեպտեմբերի 21-ի 5.454 հրամանագրով Պարանայի նահանգապետի կողմից[2]։ 1985 թվականի փետրվարի 27-ին նահանգապետը գյուղատնտեսության պետական վարչությանը լիազորեց կղզու բնակիչներին հողօգտագործման արտոնություն տալ։ 1998 թվականի հունվարի 19-ի որոշմամբ այցելուների համար սահմանվեցին կանոնակարգեր։ Փոփոխություններ կատարվեցին 2000 թվականի մարտի 17-ի հրամանագրով[2]։
Էկոլոգիական կայանը Լագամար Մոզաիկի պահպանման միավորումների մի մասն է[3]։ Այն Սեռա դու Մար էկոլոգիական միջանցքի պահպանման միավորումներից[1], ինչպես նաև Ատլանտյան անտառ կենսոլորտային արգելոցի հիմնական գոտու մի մասն է[1]։
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- «Contextualização do Parque Estadual da Ilha do Mel» (PDF), Plano de Manejo - Parque Estadual Ilha do Mel (պորտուգալերեն), STCP Engenharia de Projetos Ltda., 2011, Արխիվացված է օրիգինալից (PDF) 2014-04-18-ին, Վերցված է 2016-09-21-ին
- ESEC da Ilha do Mel (ESEC) (պորտուգալերեն), ISA: Instituto Socioambiental, Վերցված է 2016-09-21-ին
- Unidades de Conservação - Mosaico do Litoral Sul de São Paulo e do Litoral do Paraná - LAGAMAR (պորտուգալերեն), ICMBio, Արխիվացված է օրիգինալից 2019-05-27-ին, Վերցված է 2016-09-19-ին