Սև ծովի արևմտյան հատվածում կան երեք լեռնաշղթաներ, որոնք զուգահեռաբար ձգվում են Սև ծովի հետ։ Իլգազի լեռները կազմում են լեռնահամակարգի արևելյան հատվածը և ափագծից միջինում գտնվում են 100 կիլոմետր հեռավորության վրա։ Լեռների հյուսիսային հատվածում գտնվում է Քասթամոնուի մարզը, իսկ հարավային հատվածում՝ Չանքըրըի մարզը։ Լեռնահամակարգի ընդհանուր ձգվածությունը արևմուտքից արևելք կազմում է 150 կիլոմետր, իսկ լայնությունը՝ մոտ 30 կիլոմետր[2]։ Լեռնահամակարգը Սև ծովը կապում է Կենտրոնական Անատոլիայի հետ։ Լեռնաշղթայի ամենաբարձր գագաթի հարաբերական բարձրությունը կազմում է 2587 մետր[3]։ Լեռնաշղթայի հյուսիսային հատվածը պատված է խիտ անտառներով։ Լեռնաշղթայի էկոհամակարգը գտնվում է պետության պաշտպանության ներքո[4]։