Իզիլդ Լը Բեսկո

Վիքիպեդիայից՝ ազատ հանրագիտարանից
Jump to navigation Jump to search
Իզիլդ Լը Բեսկո
ֆր.՝ Isild Le Besco
Դիմանկար
Ծնվել էնոյեմբերի 22, 1982(1982-11-22)[1][2][3] (38 տարեկան)
ԾննդավայրՓարիզ, Իլ-դը-Ֆրանս[4]
ՔաղաքացիությունFlag of France.svg Ֆրանսիա
Մայրենի լեզուֆրանսերեն
Մասնագիտությունդերասանուհի, սցենարիստ, կինոռեժիսոր, թատրոնի դերասանուհի, կինոդերասանուհի, կինոպրոդյուսեր և մոնտաժող
Ծնողներհայր՝ Patrick Le Besco?, մայր՝ Catherine Belkhodja?
Պարգևներ և
մրցանակներ
Marcello Mastroianni Award?
Կայքisildlebesco.com
Isild Le Besco Վիքիպահեստում

Իզիլդ Լը Բեսկո (ֆր.՝ Isild Le Besco նոյեմբերի 22, 1982(1982-11-22)[1][2][3], Փարիզ, Իլ-դը-Ֆրանս[4]), ֆրանսիացի դերասանուհի, ռեժիսոր և սցենարիստ։

Կենսագրություն[խմբագրել | խմբագրել կոդը]

Իզիլդը դերասանուհի և լրագրող Կատրին Բելհոջայի (ֆր.՝ Catherine Belkhodja) դուստրն է։ Մայրն ուզում էր, որ նա կամ նրա քույրը՝ Մայվեն, դառնան կինոասատղ, և այս գործում հաջողության է հասել վերջինս[5]։

Նա սովորել է դերասանական դպրոցում, իսկ 8 տարեկանից արդեն խաղացել է Ֆրանսիս Ժիրոյի «Lacenaire» ֆիլմում[5], չնայած որ նշված չի եղել տիտրերում։

Իզիլդը պաշտոնապես կինոյում առաջնաելույթ է ունեցել 13 տարեկանում՝ Էմմանուել Բերկոյի «Արձակուրդներ» (Les Vacandes, 1997) կարճամետրաժ ֆիլմում[5][6], որը ընտրված էր Կաննի կինոփառատոնի մրցութային ծրագրում[6]։ Այնուհետև Բերկոն կրկին կանչել է նրան, որպեսզի «La Puce» («Կույս», 1998 թվական) սկանդալային կարճամետրաժ ֆիլմում խաղա գլխավոր դեր[5]։ Այս ֆիլմով Իզիլդը որոշակի ճանաչում է ձեռք բերել ոչ միայն իր հայրենիքում, այլև Գերմանիայում[7] (մեծ մասամբ Arte ֆրանկո-գերմանական հեռուստաալիքով ցուցադրվելու շնորհիվ)։

Դերասանուհուն իսկապես հայտնի է դարձրել Բենուա Ժակոյի «Մարկիզ դը Սադ» ֆիլմը, որտեղ նա խաղացել է Դանիել Օթոյի հետ հավասար։ Նաև շատ հաջողակ է եղել «Ռոբերտո Զուկո» ֆիլմը (2001 թվական, սերիական մարդասպան Ռոբերտո Զուկոյի մասին), և այս երկու ֆիլմերի համար նա առաջադրվել է «Սեզար» կինոմրցանակի՝ առավել խոստումնալից դերասանուհի անվանակարգում[5]։

2003 թվականին, երբ Լը Բեսկոն ընդամենը 21 տարեկան էր, առաջնաելույթ է ունեցել որպես «Մանկական տարիֆ» ֆիլմի ռեժիսոր[5][8]։ Ընդ որում, ֆիլմի սցենարը նա գրել էր 16 տարեկանում և դեռ այդ ժամանակ Փարիզի փառատոնում ստացել է պատանեկան մրցանակ լավագույն սցենարի համար[6]։

Ընտանիք և անձնական կյանք[խմբագրել | խմբագրել կոդը]

Նրա չորս եղբայրները և քույրերը եղել են դերասաններ, որոնցից առավել հայտնի է նրա ավագ քույրը՝ Մայվեն, որը այնպիսի ֆիլմերի ռեժիսոր է, ինչպիսիք են «Դերասանների պարահանդեսը» և «Պոլիս»[8]։

Իզիլդ Լը Բեսկոն ապրում է Նիկոլյա Իդիրոգլուի (ֆր.՝ Nicolas Hidiroglou) հետ։ 2009 թվականին նրանք ունեցել են որդի՝ Ուիլսը[8][9]։

Ծանոթագրություն[խմբագրել | խմբագրել կոդը]

  1. 1,0 1,1 Internet Movie Database — 1990.
  2. 2,0 2,1 filmportal.de — 2005.
  3. 3,0 3,1 Roglo — 1997. — ed. size: 8549233
  4. 4,0 4,1 4,2 German National Library, Berlin State Library, Bavarian State Library, Austrian National Library Record #1017437238 // Gemeinsame Normdatei — 2012—2016.
  5. 5,0 5,1 5,2 5,3 5,4 5,5 «Isild Le Besco - La biographie de Isild Le Besco avec Gala.fr» (ֆրանսերեն)։ Gala.fr։ Վերցված է 2016-02-05 
  6. 6,0 6,1 6,2 «Isild Le Besco» (ֆրանսերեն)։ Premiere.fr։ Վերցված է 2016-02-05 
  7. «Bette Davis, Isild Le Besco & Nicolas Hidiroglou» (ֆրանսերեն)։ Arte։ Արխիվացված է օրիգինալից 2013-01-25-ին։ Վերցված է 2016-02-05 
  8. 8,0 8,1 8,2 «Isild Le Besco - La biographie de Isild Le Besco avec Voici.fr» (ֆրանսերեն)։ Voici.fr։ Վերցված է 2016-02-05 
  9. «La comédienne Isild Le Besco, soeur de Maïwenn... est maman !»։ Purepeople։ 2009-08-05 

Արտաքին հղումներ[խմբագրել | խմբագրել կոդը]