Jump to content

Իզաբելլա Տոբիաս

Վիքիպեդիայից՝ ազատ հանրագիտարանից
Իզաբելլա Տոբիաս
Իզաբելլա Տոբիասն ու Դեյվիդաս Ստագնյունասը 2011 թվականին
Անձնական տեղեկություն
Սեռ՝իգական
Բնօրինակ անունIsabella Tobias
Ազգությունամերիկացի
Մասնագիտացումգեղասահորդ
Երկիր ԱՄՆ
Ծննդյան ամսաթիվօգոստոսի 23, 1991 (34 տարեկան)
ԾննդավայրԱմերիկայի Միացյալ Նահանգներ Նյու Յորք, ԱՄՆ
Մարզիչ(ներ)Ալեքսեյ Գորշկով
Իգոր Շպիլբանդ
Հասակ՝163 սմ

Իզաբելլա Տոբիաս (անգլ.՝ Isabella Tobias, օգոստոսի 23, 1991(1991-08-23), Նյու Յորք, Նյու Յորք, ԱՄՆ), ամերիկացի գեղասահորդ, ով հանդես է գալիս իսրայելցի Իլյա Տկաչենկոյի հետ միասին՝ ներկայացնելով Իսրայելը[1]։ Նախկինում նա Դեյվիդաս Ստագնյունասի հետ ներկայացրել է Լիտվան պարեր սառույցի վրա մարզաձևում։ Երկու անգամ դարձել է Լիտվայի չեմպիոն։

Նախկինում Իզաբելլա Տոբիասը Օթար Ջափարիձեի հետ ներկայացրել է Վրաստանը պատանեկան մակարդակում։ 2016 թվականի ապրիլի 1-ի տվյալներով՝ Իզաբելլա Տոբիասն ու Իլյա Տկաչենկոն Չմշկասահորդների միջազգային միության կազմած վարկանշային աղյուսակում զբաղեցնում են 47-րդ տեղը[2]։

Կենսագրություն

[խմբագրել | խմբագրել կոդը]

Իզաբելլա Տոբիասը ծնվել է 1991 թվականի օգոստոսի 23-ին Նյու Յորքում։ Դպրոցն ավարտելուց հետո նա մի կարճ ժամանակ սովորել է Կոլումբիայի համալսարանի ընդհանուր կրթության դպրոցում[3]։ 1999-2007 թվականներին նա հաճախել է Ջորջ Բալանչինի Ամերիկյան բալետի դպրոց և ելույթ ունեցել Նյու Յորք Սիթի բալետի (անգլ.՝ New York City Ballet) կազմում[4]։

2012 թվականի հոկտեմբերին Իզաբելլա Տոբիասը դիմում է ներկայացրել Լիտվայի Հանրապետության նախագահին իրեն բացառության կարգով Լիտվայի քաղաքացիություն տալու համար[5]։ Դա արվել է այն նպատակով, որ ինքն իրավունք ունենա Դեյվիդաս Ստագնյունասի հետ ներկայացնել Լիտվան 2014 թվականին Սոչիում կայանալիք Ձմեռային օլիմպիական խաղերի ժամանակ։ Դրանից բացի՝ 2012 թվականին գարնանը Իզաբելլա Տոբիասն սկսել է սովորել լիտվերեն[5]։ 2013 թվականի հունվարին Լիտվայի քաղաքացիության հարցերով հանձնաժողովը միջնորդել է Տոբիասին չտրամադրել Լիտվայի քաղաքացիություն, քանի որ նա չի համապատասխանում օրենքով սահմանված չափանիշներին. «նա չունի Լիտվային մատուցած նշանակալի ծառայություններ և ինտեգրված չէ Լիտվայի հասարակական կյանքում»[6]։ Նույն ամսում Լիտվայի նախագահը մերժել է Իզաբելլա Տոբիասի դիմումը[7]։ Սակայն Օլիմպիական խաղերի մեկնարկից կարճ ժամանակ առաջ Իզաբելլա Տոբիասն ստացել է Լիտվայի քաղաքացիություն և Դեյվիդաս Ստագնյունասի հետ ներկայացրել է Լիտվան Սոչիի Օլիմպիական խաղերում։

Սոչիի Օլիմպիական խաղերից հետո Իզաբելլա Տոբիասն սկսել է ելույթ ունենալ ռուս գեղասահորդ Իլյա Տկաչենկոյի հետ, և նրանք որոշել են ելույթ ունենալ Իսրայելի դրոշի ներքո։ 2015 թվականի հուլիսի վերջին զույգը մասնակցել է Լեյք Փլեսիդում կայացած առաջնությանը, որտեղ զբաղեցրել է առաջին տեղը[8]։ Նույն թվականին նրանք Ֆինլանդիայում մասնակցել են «Finlandia Trophy» առաջնությանը, որտեղ համառ պայքարի շնորհիվ զբաղեցրել են երկրորդ տեղը[9]։ 2015 թվականի հոկտեմբերին Սարանսկում մասնակցել է Մորդովյան զարդանախշեր մրցությանը՝ զբաղեցնելով երկրորդ տեղը[10]։ Հետագայում Իզաբելլա Տոբիասն ու Իլյա Տկաչենկոն Էստոնիայում մասնակցել են Տալլինի գավաթի առաջնությանը։ Զույգը հաջողությամբ է ելույթ ունեցել նաև 2016 թվականի Եվրոպայի առաջնությունում և ընդգրկվել է մայրցամաքի գեղասահորդների տասը լավագույն զույգերի շարքում։

Ծրագրեր

[խմբագրել | խմբագրել կոդը]

(Դեյվիդաս Ստագնյունասի հետ)

Մրցաշրջան Կարճ պար Կամավոր ծրագիր
2012-2013 Օկլահոմա
Ռիչարդ Ռոջերս և Օսկար Համմերսթայն		 Համերգ դաշնամուրի համար նվագախմբի հետ № 2
Սերգեյ Ռախմանինով
2011-2012 Medley, Շակիրա Let's Twist Again
Only You
Tutti Frutti
2010-2011 «Ծաղիկների վալսը»
«Շելկունչիկ» բալետից,
Պյոտր Չայկովսկու		 «Թշվառները»
Կլոդ Միշել Շյոնբերգ

(Օթար Ջափարիձեի հետ)

Մրցաշրջան Օրիգինալ պար Կամավոր ծրագիր
2007-2008 «Երկու կիթառ»
Zoltan and his Gypsy Ensemble-ի կատարմամբ և
«Очи чёрные»
Bigrock Balalaikas-ի կատարմամբ		 Սառաբանդա
Գեորգ Ֆրիդրիխ Հենդել
«Furioso»
Aria
«Sarabande Suite»
Globus

Մարզական նվաճումներ

[խմբագրել | խմբագրել կոդը]

Հօգուտ Իսրայելի

[խմբագրել | խմբագրել կոդը]

(Իլյա Տկաչենկոյի հետ)

Մրցություն-մրցաշրջան 2015-2016
Աշխարհի առաջնություն12
Եվրոպայի առաջնություն10
Finlandia Trophy2
Տալլինի գավաթ1
Մորդովյան զարդանաշխեր2
Առաջնություն Լեյք Փլեսիդում1

Հօգուտ Լիտվայի

[խմբագրել | խմբագրել կոդը]

(Դեյվիդաս Ստագնյունասի հետ)

Մրցություն 2010-2011 2011-2012 2012-2013 2013-2014
Օլիմպիական խաղեր17
Աշխարհի առաջնություն141815
Եվրոպայի առաջնություն1299
Լիտվայի առաջնություն11
Rostelecom Cup. գրան-պրի էտապներ5
Skate America. գրան-պրի էտապներ37
Nebelhorn Trophy115
IcechallengeWD
NRW Trophy3
Զագրեբի ոսկե չմուշկ4
Պավել Ռոմանի հիշատակին նվիրված մրցություն4

WD = հեռացվել է մրցությունից

Հօգուտ Վրաստանի

[խմբագրել | խմբագրել կոդը]

(Օթար Ջափարիձեի հետ)

Մրցություն 2007-2008
Աշխարհի պատանեկան առաջնություն14
Պատանեկան գրան-պրիի էտապներ, Գերմանիա7
Պատանեկան գրան-պրիի էտապներ, Մեծ Բրիտանիա6

Ծանոթագրություններ

[խմբագրել | խմբագրել կոդը]
  1. ↑ Алексей Горшков: «Тобиас и Ткаченко настроены серьезно».
  2. ↑ «ISU World Standings for Figure Skating and Ice Dance» (անգլերեն). ISU. 17 հունիսի, 2011. Արխիվացված օրիգինալից 2012 թ․ մարտի 13-ին. Վերցված է 17.06.2011-ին.
  3. ↑ «Արխիվացված պատճենը». Արխիվացված է օրիգինալից 2012 թ․ դեկտեմբերի 22-ին. Վերցված է 2016 թ․ ապրիլի 12-ին.
  4. ↑ Mittan, Barry (2008 թ․ օգոստոսի 3). «Georgia on Their Minds». SkateToday. Արխիվացված է օրիգինալից 2012-08-13-ին. Վերցված է 2016-04-12-ին.
  5. 1 2 Впервые приехавшая в Литву Тобиас обратилась за милостью к президенту
  6. ↑ Комиссия предлагает не предоставлять гражданство Литвы американской фигуристке Тобиас.
  7. ↑ Президент не предоставила гражданство Литвы фигуристке Изабелле Тобиас - RU.DELFI
  8. ↑ Тобиас и Ткаченко выиграли турнир в Лэйк Плэсиде.
  9. ↑ Finlandia Trophy. Уивер – Поже одержали победу, Тобиас и Ткаченко – 2-е.
  10. ↑ «Мордовские узоры»: Ильиных и Жиганшин одержали победу, Боброва и Соловьев снялись.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Իզաբելլա Տոբիաս» հոդվածին։
Ստացված է «https://hy.wikipedia.org/w/index.php?title=Իզաբելլա_Տոբիաս&oldid=10601893» էջից