Իդեալական անծանոթներ
 իտալ.՝ Perfetti sconosciuti | |
|---|---|
 | |
| Երկիր |  Իտալիա |
| Ժանր | կինոկատակերգություն, դրամա և դրամա |
| Թվական | փետրվարի 11, 2016[1][2] և 2016 |
| Լեզու | իտալերեն |
| Ռեժիսոր | Պաոլո Ջենովեզե[3] |
| Պրոդյուսեր | Մարկո Բելարդի |
| Սցենարի հեղինակ | Պաոլո Ջենովեզե, Պաոլո Կոստելլա[4], Ռոլանդո Ռավելլո[4], Ֆիլիպո Բոլոնիա[4] և Պաոլա Մամինի[4] |
| Դերակատարներ | Ջուզեպպե Բատիստոն, Աննա Ֆոգլիետտա, Մարկո Ջալինի, Էդոարդո Լեո, Վալերիո Մաստանդրեա, Ալբա Ռորվախեր և Կասիա Սմուտնյակ |
| Օպերատոր | Ֆաբրիցիո Լուչչի |
| Մոնտաժ | Կոնսուելո Կատուչչի |
| Պատմվածքի վայր | Հռոմ |
| Կինոընկերություն | Medusa Film |
| Տևողություն | 97 րոպե |
| Շահույթ | 21 000 000 $ |
| Պաշտոնական կայքէջ | |
Իդեալական անծանոթներ (իտալ.՝ Perfetti sconosciuti), ռեժիսոր Պաոլո Ջենովեզեի իտալական կատակերգական ֆիլմ-դրաման[5][6]։ Ֆիլմի պրեմիերան Իտալիայում կայացել է 2016 թվականի փետրվարի 11-ին։ Առաջադրվել է իտալական «Դավիդ դի Դոնաթելլո» կինոմրցանակի 8 անվանակարգերում և ստացել է այդ մրցանակը լավագույն ֆիլմ և լավագույն սցենար անվանակարգերում։
Այն վերանկարահանվել է շատ երկրներում, այդ թվում` Իսպանիայում, Մեքսիկայում, Հարավային Կորեայում, Ֆրանսիայում, Հունգարիայում, Հունաստանում, Չինաստանում և Ռուսաստանում։
2019 թվականի հուլիսի 15-ին այն ընդգրվել է Գինեսի աշխարհի ռեկորդների ցանկում որպես ամենաշատ վերանկարահանված ֆիլմ, որն ունի ընդհանուր առմամբ 18 տարբերակ[7]։
Սյուժե
[խմբագրել | խմբագրել կոդը]Ամուսիններ Եվան ու Ռոկոն ընթրիքի են հրավիրում իրենց ամենամտերիմ ընկերներին` Կոզիմոյին ու Բիանկային, Լելեին ու Կարլոտային և Պեպեյին։ Տանտերերն ընտանեկան ճգնաժամ են ապրում. Եվան բարդ հարաբերություններ ունի իրենց դեռահաս աղջկա` Սոֆյայի հետ. աղջիկը շփվում է միայն հոր հետ։ Կոզիմոն ու Բիանկան նորապսակներ են, որոնք ուզում են երեխա ունենալ. Կոզիմոն տաքսու վարորդ է, Բիանկան` անասնաբույժ։ Լելեն ու Կարլոտան ամուսնացած են մի քանի տարի։ Նրանք ունեն երկու երեխա և ընտանեկան մի շարք խնդիրներ։ Պեպեն ֆիզկուլտորայի ուսուցիչ է, նա ամուսնալուծված է և այժմ` գործազուրկ։ Պեպեն խոստացել է ընկերներին ծանոթացնել իր նոր ընկերուհու` Լուչիայի հետ, որը, սակայն չի կարողանում գալ ընթրիքի` հիվանդ լինելու պատճառով։ Ընթրիքի ժամանակ ընկերները քննարկում են վերջերս ամուսնալուծված մի զույգի. նրանց ամուսնալուծության պատճառը դարձել էր հաղորդագրությունը, որը կինը կարդացել էր ամուսնու հեռախոսում։ Այս պատմությունը պատմելուց հետո Եվան առաջարկում է խաղ խաղալ. երեկոյի ընթացքում բոլոր շփումները (զանգեր և հաղորդագրություններ) պետք է բաց լինեին բոլոր ներկաների համար։ Երկար տատանումներից հետո ընկերներն ընդունում են խաղը, սակայն այն, ինչ ենթադրվում էր ուղղակի խաղ լինել, դառնում է մի շարք ինտիմ գաղտնիքների բացահայտման պատճառ։
Պարզվում է, որ պլաստիկ վիրաբույժ Ռոկոն արդեն երկար ժամանակ է, ինչ այցելում է հոգեվերլուծաբանի, այնինչ նրա կինը` Եվան, որն ինքը հոգեվերլուծաբան է, տեղյակ չէ դրա մասին (Ռոկոն միշտ պնդում է, թե հոգեվերլուծաբանությունն անօգուտ զբաղմունք է)։ Եվան իր հերթին ցանկանում է կրծքի պլաստիկ վիրահատություն անել, սակայն ոչ թե իր ամուսնու, այլ` մի հայտնի վիրաբույժի մոտ։ Ռոկոն իր աղջկան մի տուփ պահպանակ է տվել, որը Եվան գտել է աղջկա պայուսակում, և աղջկան բոլորի ներկայությամբ խորհուրդներ է տալիս` նրա առաջին սեռական փորձի վերաբերյալ։ Բիանկան դեռ կապ է պահում իր նախկին ընկերոջ հետ` միայն վերջինիս օգնելու համար. ամուսինը տեղյակ չէ այդ կապի մասին։ Կոզիմոյի սիրուհին` տաքսի ծառայության հեռախոսային օպերատորը, հղի է նրանից, բացի այդ` Կոզիմոն սիրային կապ ունի նաև Եվայի հետ (այս մասին պարզ է դառնում միայն դիտողին, չնայած ենթադրվում է, որ Ռոկոն ևս գուշակել է այդ կապի մասին)։ Կարլոտան առանց ամուսնուն զգուշացնելու պայմանավորվել է նրա մորը ծերանոց ուղարկելու վերաբերյալ, որն ապրում է իրենց հետ և որից Կարլոտան ցանկանում է ազատվել։ Բացի այդ, Լելեն ու Կարլոտան ունեն նաև սիրային առցանց կապեր։
Լելեն փորձելով թաքցնել իր առցանց ընկերուհու հետ նամակագրությունը` խնդրում է Պեպեին փոխել հեռախոսները, քանի որ դրանք նույն մոդելի են։ Լելեն դրա արդյունքում սկսում է նամակներ ու զանգեր ստանալ մի ոմն Լուչիոյից, որը կարծելով, թե խոսում է Պեպեի հետ, գրում է, թե կարոտում է վերջինիս համբույրները։ Բոլորը կարծում են, թե Լելեն համասեռամոլ է։ Ընկերները վատ են արձագանքում դրան, հատկապես` Կոզիմոն, որն ասում է, թե Լելեն պարտավոր էր իրեն ասել դրա մասին։ Ավելի ուշ Պեպեն ասում է հեռախոսները փոխելու մասին և բացահայտում է իր` համասեռամոլ լինելը և ասում, որ այդ պատճառով է նա կորցրել ուսուցչի աշխատանքը և հայտարարում է, որ չի ծանոթացնի Լուչիոյին իր ընկերների հետ, քանի որ ցանկանում է պաշտպանել նրան նման արձագանքներից։ Վերջապես բացահայտվում է նաև, որ տարիներ առաջ Կարլոտան անսթափ վիճակում մեքենան վարելիս վթարի ու մարդու մահվան պատճառ է դարձել, և Լելեն պատասխանատվությունն իր վրա է վերցրել` կանխելով կնոջ ձերբակալությունն ու իրենց ընտանիքի քայքայումը։
Երեկոյան պարզ է դառնում, որ հեռախոսների խաղն իրականում երբեք տեղի չի ունեցել` Ռոկոյի դեմ լինելու պատճառով։ Հյուրերը տուն են վերադառնում սովորական ընթրիքից։ Յուրաքանչյուրը շարունակում է իր ուղին. Պեպեն խոստանում է հաջորդ հնարավորության դեպքում նրանց ծանոթացնել գոյություն չունեցող Լուչիլայի հետ (որն իրականում նրա ընկեր Լուչիոն էր), Կոզիմոն Բիանկայի հետ մեքենայով տուն վերադառնալիս պատասխանում է Մարիկայի ու Եվայի նամակներին. վերջինս նույն պահին ականջից հանում է Կոզիմոյի նվիրած ականջօղերը, Կարլոտան հագնում է իր ներքնազգեստը, որը նրան խնդրել էր հանել իր առցանց սիրեկանը, իսկ Լելեն նայում է այն լուսանկարը, որը նրան ուղարկել է իր առցանց սիրուհին։
Դերերում
[խմբագրել | խմբագրել կոդը]- Ջուզեպպե Բատիտսոն` Պեպե[6]
- Աննա Ֆոգլիետա` Կարլոտա[6]
- Մարկո Ջիալինի` Ռոկո[6]
- Էդուարդո Լեո` Կոսիմո[6]
- Վալերիո Մաստանդրեա` Լելե[6]
- Ալբա Ռորվահեր` Բիանկա[6]
- Կասիա Սմուտնիակ` Էվա[6]
- Բենեդետա Պորկարոլի` Սոֆյա[6]
Ընդունելություն
[խմբագրել | խմբագրել կոդը]Ֆիլմն իր ցուցադրության առաջին շաբաթում առաջին հորիզոնականում է եղել Իտալիայում` հավաքելով 3.7 միլիոն դոլար[5]։
Մրցանակներ և առաջադրումներ
[խմբագրել | խմբագրել կոդը]| Տարի | Մրցանակ/Փառատոն | Անվանակարգ | Մրցանակակիր/առաջադրված | Արդյունք |
|---|---|---|---|---|
| 2016 | Դավիդ դի Դոնաթելլո | Լավագույն ֆիլմ | Պաոլո Ջենովեզե | Հաղթանակ |
| Լավագույն ռեժիսոր | Պաոլո Ջենովեզե | Առաջադրված | ||
| Լավագույն սցենար | Պաոլո Ջենովեզե, Ֆիլիպո Բոլոգնա, Պաոլո Կոստելա, Պաոլո Մամինինի, Ռոլանդո Ռավելո | Հաղթանակ | ||
| Լավագույն դերասանուհի | Աննա Ֆոգլիետա | Առաջադրված | ||
| Լավագույն դերասան | Մարկո Ջիալինի | Առաջադրված | ||
| Լավագույն դերասան | Վալերիո Մաստանդրեա | Առաջադրված | ||
| Լավագույն երգ | Perfetti sconosciuti | Առաջադրված | ||
| Լավագույն մոնտաժ | Կոնսուելո Կատուչի | Առաջադրված | ||
| Լավագույն հնչյունավորում | Ումբերտո Մոնտեսանտի | Առաջադրված | ||
| 2016 | Բարի միջազգային կինոփառատոն | Տոնինո Գուերա մրցանակ` լավագույն սցենարի համար | Պաոլո Ջենովեզե | Հաղթանակ |
| 2016 | Տրիբեկա կինոփառատոն | Լավագույն սցենար | Պաոլո Ջենովեզե, Ֆիլիպո Բոլոգնա, Պաուլո Կոստելա, Պաուլո Մամինի, Ռոլանդո Ռավելո | Հաղթանակ |
| 2017 | Վիլնյուսի միջազգային կինոփառատոն | Հանդիսատեսի համակրանք[8] | Պաոլո Ջենովեզե | Հաղթանակ |
Վերանկարահանումներ
[խմբագրել | խմբագրել կոդը]- 2016 թվականի դեկտեմբերի 15-ին թողարկվել է ֆիլմի հունական վերանկարահանումը` հույն դերասան և ռեժիսոր Թոդորիս Աթերիդիսի հեղինակությամբ։
- 2017 թվականին, ֆիլմի առաջին տարբերակի թողարկումից հետո, իսպանացի ռեժիսոր Ալեքս դե լա Իգլեսիան նկարահանել է դրա իսպանական տարբերակը[9][10]։
- Թուրքական տարբերակը` Cebimdeki Yabancı վերնագրով, նկարահանվել է Սերա Յըլմազի կողմից և թողարկվել է Թուրքիայում 2018 թվականի փետրվարի 2-ին[11][12]։
- Ֆիլմի ֆրանսալեզու տարբերակը` «Թաքցնելու բան չկա» վերնագրով նկարահանվել է Ֆրեդ Կավայեի կողմից և թողարկվել Ֆրանսիայում 2018 թվականի վերջին[13][14]։
- Հնդկաստանում 2018 թվականին տարածվել է ֆիլմի ոչ պաշտոնական վերանկարահանումը` «Բարձրախոս» վերնագրով[15][16]։
- Հարավային Կորեայի վերանկարահանումը` «Մտերիմ անծանոթներ» վերնագրով թողարկվել է Հարավային Կորեայում 2018 թվականի հոկտեմբերի 31-ին[17]։
- Հունգարական վերանկարահանման ռեժիսորը Քրիստինա Գոդան է, թողարկվել է 2018 թվականի դեկտեմբերի 6-ին[18]
- Մեքսիկական տարբերակը նկարահանվել է Մանոլո Քարոյի կողմից և թողարկվել է Մեխիկոյում 2018 թվականի դեկտեմբերի 25-ին և ԱՄՆ-ում` 2019 թվականի հունվարի 11-ին[19]։
- Չինական տարբերակը թողարկվել է Մեծ Բրիտանիայում 2018 թվականի դեկտեմբերի 28-ին[20], մինչև Չինաստանում 2018 թվականի դեկտեմբերի 29-ին[21] և Սինգապուրում 2019 թվականի հունվարի 10-ին թողարկվելը[22]։
- Ռուսական` «Բարձր կապ» տարբերակը թողարկվել է 2019 թվականին, Սուրբ Վալենտինի օրը[23]։
2017 թվականի հունիսի տվյալներով վերանկարահանվել են ֆիլմի լեհական, գերմանական, քաթարական և շվեդական տարբերակները[24]։
Ծանոթագրություններ
[խմբագրել | խմբագրել կոդը]- ↑ https://imdb.com/title/tt4901306/
- ↑ https://www.cinematographe.it/news/perfetti-sconosciuti-data-uscita/
- ↑ http://www.imdb.com/title/tt4901306/
- ↑ 4,0 4,1 4,2 4,3 ČSFD (չեխերեն) — 2001.
- ↑ 5,0 5,1 Anderson, Ariston (2016 թ․ փետրվարի 16). «Italy Box Office: Local Comedy Trumps 'Zoolander 2' Debut». The Hollywood Reporter. Վերցված է 2016 թ․ փետրվարի 19-ին.
- ↑ 6,0 6,1 6,2 6,3 6,4 6,5 6,6 6,7 6,8 «Perfetti Sconosciuti: il film di Paolo Genovese al cinema dall'11 Febbraio». cinematographe.it (Italian). 2015 թ․ դեկտեմբերի 24. Վերցված է 2016 թ․ փետրվարի 19-ին.
{{cite web}}: CS1 սպաս․ չճանաչված լեզու (link) - ↑ «'Perfetti Sconosciuti' da Guinness, la commedia di Genovese è il film con più remake di sempre». Repubblica Tv - la Repubblica.it (իտալերեն). 2019 թ․ հուլիսի 15. Վերցված է 2019 թ․ հուլիսի 16-ին.
- ↑ «Audience Choice Awards 2017». KinoPavasaris.lt/en. 2017 թ․ ապրիլի 7. Արխիվացված է օրիգինալից 2020 թ․ սեպտեմբերի 20-ին. Վերցված է 2017 թ․ հոկտեմբերի 29-ին.
- ↑ «"Perfectos desconocidos" un remake de Álex de la Iglesia». Jameson Notodofilmfest (իսպաներեն). 2017 թ․ նոյեմբերի 27. Վերցված է 2018 թ․ սեպտեմբերի 2-ին.
- ↑ Zorrilla, Mikel (2016 թ․ մայիսի 21). «Álex de la Iglesia dirigirá el remake de 'Perfectos desconocidos'». Espinof (իսպաներեն). Վերցված է 2018 թ․ սեպտեմբերի 2-ին.
- ↑ Cebimdeki Yabancı(անգլ.) ֆիլմը Internet Movie Database կայքում
- ↑ Box Office Türkiye
- ↑ «Perfetti Sconosciuti (Perfect Strangers), Fred Cavayè to direct French remake Le Jeu (The Game)». Mercato Internazionale Audiovisivo (իտալերեն). 2017 թ․ նոյեմբերի 24. Վերցված է 2018 թ․ սեպտեմբերի 1-ին.
- ↑ Nothing to hide Trailer ՅուԹյուբում
- ↑ Supreet, Vaalee (2018 թ․ օգոստոսի 13). «Film maker Paolo Genovese informed about unofficial remake Loudspeaker?». Sandalwood Cinema. Արխիվացված է օրիգինալից 2020-01-25-ին. Վերցված է 2018 թ․ օգոստոսի 13-ին.
- ↑ «Loudspeaker movie review: Smarting with the phone». Bangalore Mirror. India Times. Bennett Coleman & Co. Ltd. 2018 թ․ օգոստոսի 10. Վերցված է 2018 թ․ սեպտեմբերի 2-ին.
- ↑ «Lotte Entertainment». Արխիվացված է օրիգինալից 2020 թ․ հոկտեմբերի 2-ին. Վերցված է 2019 թ․ հուլիսի 26-ին.
- ↑ BÚÉK(անգլ.) ֆիլմը Internet Movie Database կայքում
- ↑ Fuente, Anna Marie de la (2018 թ․ հոկտեմբերի 23). «Morelia: Pantelion to Release Manolo Caro's Perfect Strangers in the U.S. (EXCLUSIVE)». Variety (ամերիկյան անգլերեն). Վերցված է 2018 թ․ նոյեմբերի 21-ին.
- ↑ «Launching Films | UK Film Distributors' Association». Արխիվացված է օրիգինալից 2020 թ․ հոկտեմբերի 2-ին. Վերցված է 2019 թ․ հուլիսի 26-ին.
- ↑ :Baidu Baike
- ↑ Kill Mobile Teaser Trailer | In Cinemas 10 Jan 2019
- ↑ «Квартет И» снимает ремейк итальянского фильма «Идеальные незнакомцы»
- ↑ «Il remake di "Perfetti sconosciuti" bloccato negli Usa per colpa di Weinstein». Giornalettismo (իտալերեն). 2017 թ․ հունիսի 12. Վերցված է 2018 թ․ սեպտեմբերի 1-ին.
|
