Իդա (լեռ)

Վիքիպեդիայից՝ ազատ հանրագիտարանից
Jump to navigation Jump to search
Իդա
Psiloritis, east ridge.jpg
Տեսակ լեռ
Երկիր Flag of Greece.svg Հունաստան
Վարչատարածքային միավոր Կրետե
Աշխարհագրական
տեղադրություն
Կրետե
Լեռնաշղթա Ida
Բարձրությունը ծովի մակարդակից 2456 մետր
Հարաբերական
բարձրություն
2456 մետր
Կոորդինատներ: 35°13′35.000000100393″ հս․ լ. 24°46′14.570000100395″ ավ. ե. / 35.22638888891677311° հս․. լ. 24.77071388891677728° ավ. ե. / 35.22638888891677311; 24.77071388891677728

Իդա (հունարեն՝ Ίδη), Պսիլորիտիս (հունարեն՝ Ψηλορείτης), Կրետե կղզու ամենաբարձր լեռը (2456 մ)։ Գտնվում է կղզու կենտրոնական մասում։ Իդա լեռնազանգվածն ունի հինգ գագաթ՝ Տիմիոս-Ստավրոս (2456 մ), Ագաֆիաս (2424 մ), Ստոլիստրա (2325 մ), Վուլումենու (2267 մ) և Կուսակաս (2209 մ)։ Իդայից արևելք ընկած է Նիդայի բարձրավանդակը, որի ցածրագույն կետը գտնվում է 1414 մ բարձրության վրա։ Բարձրավանդակի արևմտյան մասում գտնվում է Զևսի քարանձավը, որտեղ, ըստ հին հունական դիցաբանության, մեծացել է Զևսը։ Քարանձավում գտնվել են պատմական արժեք ունեցող բազմաթիվ իրեր, օրինակ՝ մ.թ.ա. VII դարի բրոնզե վահան: Լեռան հարավային լանջին գտնվում է գտնվում է Կամարես քարանձավը, որտեղ հայտնաբերվել են կերամիկական բազմաթիվ առարկաներ, որոնցից շատերը ներկայացված են Հերակլիոնի հնագիտական թանգարանում։

Արկադի վանք

Իդա լեռան քարքարոտ լանջերը ծածկված են փշոտ թփերով։ Լեռան արևելյան լանջերին պահպանվել են անտառների մնացուկներ. ժամանակին անտառապատ է եղել ողջ Կրետեն։

Իդա լեռը հատկապես հարուստ է հարթ քարերով, որոնք հարմար են հովվական պարզ խրճիթի՝ միտատոյի շինարարության համար[1][2][3]: Հյուսիսարևմտյան մասում գտնվում է նշանավոր Արկադի վանքը։

Ծանոթագրություններ[խմբագրել | խմբագրել կոդը]

  1. Antonis Plymakis, Koúmoi-Mitáta kai Boskoi sta Leuká Ori kai Psiloriti («Shepherd’s huts and shepherds in the Lefka Ori and the Psiloritis»), Chania, 2008, 630 p.
  2. Harriet Blitzer, Pastoral Life in the Mountains of Crete. An Ethnoarchaelogical Perspective, in Expedition, vol. 32, No 3, 1990, pp. 34-41 (on the shepherd’s huts of Eastern Crete.
  3. Sabine Ivanovas, Where Zeus Became a Man (with Cretan Shepherds), Efsthiadis Group Editions, 2000, 183 p. (Life in the corbelled dry stone huts of central Crete).