Իդա Նիլսսոն

Իդա Նիլսսոն
Ծնվել է	փետրվարի 7, 1840[…]
Ծննդավայր	Lund Cathedral parish, Շվեդիա
Վախճանվել է	դեկտեմբերի 24, 1920 (80 տարեկան)
Մահվան վայր	Lund Cathedral parish, Շվեդիա
Քաղաքացիություն	Շվեդիա
Կրթություն	Դանիայի գեղարվեստի թագավորական ակադեմիա
Մասնագիտություն	քանդակագործ, արվեստագետ և հնագետ
Թեմաներ	քանդակագործություն
Ուսուցիչ	Jens Adolf Jerichau?
Հայր	Սվեն Նիլսոն
Մայր	Elisabet Cecilia Berg?
	Ida Göthilda Nilsson Վիքիպահեստում

Իդա Գյոթիլդա Նիլսսոն (շվեդ.՝ Ida Göthilda Nilsson, փետրվարի 7, 1840(1840-02-07)^[1]^[2]^[3]^[…], Lund Cathedral parish, Շվեդիա^[4]^[1]^[3] - դեկտեմբերի 24, 1920(1920-12-24)^[1]^[5]^[2], Lund Cathedral parish, Շվեդիա^[1]^[5]), շվեդ նկարիչ, քանդակագործ, ասացվածքներ հավաքող և գրի առնող։

Կենսագրություն

Իդա Նիլսսոնը ծնվել է 1840 թվականին, Լունդում, Լունդի համալսարանի կենդանաբանության պրոֆեսոր Սվեն Նիլսսոնի և Էլիզաբեթ Սեսիլիա Բերգի ընտանիքում։ Եղել է ընտանիքի վեց երեխաներից ամենակրտսերը։ Պահպանվել է Իդա Նիլսսոնի չհրապարակված ձեռագիրը, որում նա մանրամասն նկարագրում է իր մանկությունը ծնողների տանը^[7]։

Իդան հաճախել է Լունդ քաղաքի դպրոց, ինչպես նաև մասնավոր դասեր է ստացել լեզուների, երաժշտության և նկարչության բնագավառում։ Որպես կին՝ նա չէր կարողացել համալսարան ընդունվել, բայց ինքնուրույն ուսումնասիրել է այն, ինչը նրան առավել գրավել է՝ արվեստը և հնագիտությունը։ Հոր շնորհիվ նա հնարավորություն է ունեցել հաճախել գիտաժողովների, այդ թվում Անգլիայում, Իռլանդիայում, Գերմանիայում, Ֆրանսիայում և Դանիայում, ինչպես նաև այցելել է թանգարաններ և պատմական հուշարձաններ^[7]։

Երբ Իդա Նիլսսոնն իր ընտանիքի հետ բնակվել է Ստոկհոլմում, մտերմացել է գրող Ֆրեդրիկա Բրեմերի հետ և պարբերաբար այցելել նրա սալոն։ Իդան հիացել է Ֆրեդրիկով, սակայն, նրա հետ չի ամուսնացել ազատությունն ու անկախությունը պահպանելու նպատակով։ Բրեմերն էլ իր հերթին բարձր է գնահատել Իդայի մտերմությունն ու անմիջականությունը^[7]։

1870-ական թվականներին Իդա Նիլսսոնը հետաքրքրվել է քանդակագործական արվեստով և Կոպենհագենի Թագավորական ակադեմիայում սկսել դասեր ստանալ Ենս Երիխաուից։ Նրա գործերից են հոր և ընկերուհու՝ Աննա Իերտա-Ռետցիուսի դիմանկարային կիսանդրիները։ Իդայի ստեղծած ոչ բոլոր քանդակներն են պահպանվել, մասնավորապես, Ֆրեդրիկա Բրեմերի կիսանդրին հայտնի է միայն գրավոր ապացույցներով^[7]։

Դարի վերջում Իդա Նիլսսոնը սկսել է հավաքել ասացվածքներ և առածներ Սկոնեի նահանգից։ Նա հավաքված նյութը բաժանել է թեմատիկ խմբերի այբբենական սկզբունքով։ Բացի այդ, նա նշել է դրանց ծագման ճշգրիտ վայրը։ Այդ աշխատանքը կազմակերպել է սերտորեն համագործակցելով հասարակ ժողովրդի հետ՝ օգտագործելով գիտական մեթոդներն ու իր վարպետությունը^[7]։

Իդա Նիլսսոնը մահացել է 1920 թվականի դեկտեմբերի 24-ին, Ծննդյան տոների նախօրյակին։ Թաղված է սիրելիների կողքին՝ Լունդի գերեզմանատանը։

Ծանոթագրություններ

1 2 3 4 5 6 7 8 Շվեդիայի մահվան գիրքը
1 2 3 4 5 6 7 8 Ida Göthilda Nilsson 1840-02-07 — 1920-12-24 Konstnär, skulptör, självlärd arkeolog och folkminnesdokumentör
1 2 3 4 5 6 Lunds domkyrkoförsamlings kyrkoarkiv, Födelse- och dopböcker, SE/LLA/13254/C I/8 (1826-1848), bildid: C0067256_00276
1 2 Շվեդիայի բնակչության 1910 թվականի մարդահամար (շվեդերեն) — Riksarkivet.
1 2 3 4 Lunds domkyrkoförsamlings kyrkoarkiv, Död- och begravningsböcker, SE/LLA/13254/F I/11 (1915-1920), bildid: 00106279_00234
1 2 Շվեդիայի 1880 թվականի մարդահամար (շվեդերեն) — Riksarkivet.
1 2 3 4 5 Svenskt kvinnobiografiskt lexikon

Արտաքին հղումներ

Elisabeth Arwill-Nordbladh. «Ida Göthilda Nilsson». Svenskt kvinnobiografiskt lexikon (անգլերեն).

Վիքիպահեստն ունի նյութեր, որոնք վերաբերում են «Իդա Նիլսսոն» հոդվածին։

[_446c88a40f9ba5c9-1] 1 2 3 4 5 6 7 8 Շվեդիայի մահվան գիրքը

[_c91c751a742cb22b-2] 1 2 3 4 5 6 7 8 Ida Göthilda Nilsson 1840-02-07 — 1920-12-24 Konstnär, skulptör, självlärd arkeolog och folkminnesdokumentör

[_66b4676a75599e28-3] 1 2 3 4 5 6 Lunds domkyrkoförsamlings kyrkoarkiv, Födelse- och dopböcker, SE/LLA/13254/C I/8 (1826-1848), bildid: C0067256_00276

[_1ff299fc63c6b785-4] 1 2 Շվեդիայի բնակչության 1910 թվականի մարդահամար (շվեդերեն) — Riksarkivet.

[_87ff54e9f74e7406-5] 1 2 3 4 Lunds domkyrkoförsamlings kyrkoarkiv, Död- och begravningsböcker, SE/LLA/13254/F I/11 (1915-1920), bildid: 00106279_00234

[_3df56387cfa338c5-6] 1 2 Շվեդիայի 1880 թվականի մարդահամար (շվեդերեն) — Riksarkivet.

[Svenskt_kvinnobiografiskt_lexikon———-7] 1 2 3 4 5 Svenskt kvinnobiografiskt lexikon

[1]

[2]

[3]

[4]

[5]

[6]

[7]