Jump to content

Ժուկովի թանգարան (Կալուգայի մարզ, Ժուկով քաղաք)

Վիքիպեդիայից՝ ազատ հանրագիտարանից
Ժուկովի թանգարան
Տեսակթանգարան և կառույց
Երկիր Ռուսաստան
ՏեղագրությունZhukov?
Պատկանում էՀաղթանակի թանգարան (Մոսկվա)
ՀասցեКалужская область, г. Жуков, ул. Советская, 1249191
Հիմնադրվել է1960
55°1′48.7″N 36°44′55.6″E / 55.030194°N 36.748778°E / 55.030194; 36.748778
Կայքzhukovmuseum.ru
Քարտեզ
Քարտեզ

Գեորգի Ժուկովի թանգարան, «Հաղթանակի թանգարանի» մասնաճյուղ, հուշահամալիր, որը գտնվում է Կալուգայի մարզի Ժուկով քաղաքում և հանդիսանում է քաղաքի ամենահայտնի տեսարժան վայրը: Նվիրված է Խորհրդային Միության մարշալ (1943), Խորհրդային Միության քառակի հերոս, ԽՍՀՄ զորահրամանատար Գեորգի Կ. Ժուկովի կյանքին և գործունեությանը[1]:

Հիմնադրվել է 1960 թվականին: Թանգարանի հավաքածուն պարունակում է անձնական իրեր, լուսանկարներ և փաստաթղթեր, որոնք թանգարանին նվիրաբերել են անձամբ Գեորգի Ժուկովը, նրա հարազատներւ, ընկերները և գործընկերները[2]։

Թանգարանի պատմություն

[խմբագրել | խմբագրել կոդը]

Ժուկովի թանգարանը հիմնադրել է Ալեքսանդր Դմիտրիևիչ Տերեշինը (1912-1985) 1960 թվականին Ուգոդկա Զավոդ գյուղում, Ստրելկովկա գյուղից ոչ հեռու` որտեղ ծնվել է Գեորգի Ժուկովը։ Բնակավայրը 1996 թվականին ստացել է քաղաքի կարգավիճակ` վերանվանվելով Ժուկով: Այժմ քաղաքը Կալուգայի մարզի տարածաշրջանային կենտրոնն է[3]։

Թանգարանը գոյություն ունի 1960 թվականից։ Մինչև 1986 թվականը այն «Կալուգայի տարածաշրջանային տեղական պատմության թանգարանի» մասնաճյուղն է եղել։ 1980 թվականին այնտեղ բացվել է Գեորգի Ժուկովին նվիրված առաջին թանգարանային ցուցահանդեսը։ 1995 թվականի մայիսի 5-ին բացվել են նոր շենքի՝ Ժուկովի անվան պետական ​​թանգարանի դռները, իսկ 2020 թվականի հունվարից այն դարձել է «Հաղթանակի թանգարանի» մասնաճյուղ՝ ստանալով դաշնային կարգավիճակ[2]։

Շենքը կառուցվել է Ռուսաստանի վաստակավոր ճարտարապետ Եվգենի Կիրեևի նախագծով: Համալիրի ստեղծողներ Է. Ի. Կիրեևը, Նիկոլայ Ի. Ալմազովը, Ալեքսանդր Վ. Ստեպանովը և Վ. Պ. Չուրինը 1999 թվականին արժանացել են Ռուսաստանի Դաշնության Ժուկովի անվան պետական ​​մրցանակի[4]:

Կառուցվածք

[խմբագրել | խմբագրել կոդը]

Թանգարանը զբաղեցնում է 534 քմ ցուցադրական տարածք, որից 86 մ² հատկացված է ժամանակավոր ցուցադրությունների համար, իսկ 210 մ² մակերեսը` ֆոնդերի պահեստային տարածքներին։ Թանգարանը պարունակում է 7400 պահեստ, որից 2400-ում՝ հիմնական հավաքածուն է։ Համալիրը ներառում է արխիվ, գիտական գրադարան, կրպակ, դասախոսական սենյակ և կինոդահլիճ։

Թանգարանում աշխատում է 34 աշխատակից, այդ թվում՝ 8 գիտաշխատող։ Տնօրենն է Մարգարիտա Ալեքսանդրովնա Ֆեդորովան։

Հիմնական ցուցադրություններ

[խմբագրել | խմբագրել կոդը]
Ժուկովի արձանը Ստրելկովկա գյուղում «Մարշալ Ժուկովի ծննդավայրը» կոմպոզիցիայից

Ժուկովի թանգարանը ներկայումս ժամանակակից թանգարանային համալիր է[1], որը ներառում է

Հուշահամալիրի թանգարանային հավաքածուն ներկայացնում է.

  • Գ. Կ. Ժուկովի Կյանքն ու գործունեությունը.
    • հավաքածուի հիմքում դրվել են անձամբ Ժուկովի կողմից նվիրաբերված իրերը։ Հավաքածուի եզակի մաս են կազմում նրա իրերի և տպագիր աշխատանքների հավաքածուն, նրա լուսանկարների հավաքածուն
    • Ժուկովի անձնական գրադարանից ավելի քան հինգ հազար միավոր
    • Ժուկովի մարշալական համազգեստը, որսորդական և ձկնորսական հանդերձանքը
    • Ժուկովին նվիրած իրերը:

Հուշահամալիր-թանգարանի «Բեռլինի գրավումը» Հայրենական Մեծ պատերազմին նվիրված եզակի դիորամա է։ Այն բերվել է Գերմանիայից և նախատեսվել է տեղադրել Պոկլոննայա բլրի վրա գտնվող «Հաղթանակի թանգարանում»։ Սակայն դիորամայի չափսերը չեն համապատասխանել դրա համար նախատեսված տարածքին. այն ավելի ցածր է և լայն, քան անհրաժեշտ էր արդեն կառուցված թանգարանի համար։ Այնուհետև որոշում է կայացվել հաշվի առնելով, որ Ժուկով քաղաքում թանգարանի կառուցումը դեռ չէր ավարտվել, շինարարությունն ընդլայնել կառուցելով դիորամայի չափերին համապատասխան տարածք և տեղադրել այն թանգարանում։

Ընդհանուր տեղեկություններ

[խմբագրել | խմբագրել կոդը]

Թանգարանը գտնվում է Կալուգայի մարզի մշակույթի նախարարության ենթակայության տակ և գտնվում է Ռուսաստանի թանգարանների ասոցիացիայի կազմում:

Թանգարանի հասցեն` 249191, Կալուգայի մարզի Ժուկով քաղաքի Սովետական փողոց 1:

Աշխատանքային ժամերն են` ամեն օր 10:00-17:00, բացի երկուշաբթիից և ամսվա վերջին ուրբաթից:

Միջին հաշվով թանգարանը տարեկան ընդունում է 15140 այցելու։ Այժմ թանգարանի հավաքածուն պարունակում է ավելի քան 18,000 պահեստային միավոր[2]։

Ամենամյա իրադարձություններ

[խմբագրել | խմբագրել կոդը]

Պատկերասրահ

[խմբագրել | խմբագրել կոդը]
Ստրելկովկա գյուղում «Մարշալ Ժուկովի ծննդավայրը» կոմպոզիցիա (քանդակագործ՝ Վ. Խ. Դումանյան, ճարտարապետ՝ Է. Ի. Կիրեև)[7] Ժուկովի թանգարանը, ճեմուղին, հարակից պուրակը և զբոսայգին Վերակառուցված ծնողական «Ժուկովի տունը» Ստրելկովկա գյուղում[5] Փառքի ծառուղու հիմնադրման մասին հուշաքար Ստրելկովկա գյուղում

Տես նաև

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. 1 2 «Филиал Музея Победы «Музей Жукова»». zhukovmuseum.ru. Վերցված է 2025 թ․ ապրիլի 25-ին.
  2. 1 2 3 «О музее». zhukovmuseum.ru. Վերցված է 2025 թ․ ապրիլի 25-ին.
  3. ↑ «Историческая справка о городе Жукове|Возникновения города|Исторические памятники города ЖУков и Жуковского района|Биография Г.К.Жукова|Музей Г.К.Жукова». my-zhukov.ru. Վերցված է 2025 թ․ ապրիլի 26-ին.
  4. ↑ «Указ Президента РФ от 10.09.1999 N 1206 "О присуждении Государственной премии Российской Федерации имени Маршала Советского Союза Г.К. Жукова за 1999 год" | ГАРАНТ». base.garant.ru. Վերցված է 2025 թ․ ապրիլի 25-ին.
  5. 1 2 Ժուկովի թանգարանն ունի բաժին՝ մարշալ Ժուկովի տունը Ստրելկովկա գյուղում, որը գտնվում է Ժուկով քաղաքից 3 կմ հեռավորության վրա։
  6. ↑ Филиал МуZея Победы "МуZей Г.К. Жукова" vk.com կայքում
  7. ↑ «Zhukov memorial in Strelkovka - Wikimedia Commons». commons.wikimedia.org (անգլերեն). Վերցված է 2025 թ․ ապրիլի 25-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ժուկովի թանգարան (Կալուգայի մարզ, Ժուկով քաղաք)» հոդվածին։
Ստացված է «https://hy.wikipedia.org/w/index.php?title=Ժուկովի_թանգարան_(Կալուգայի_մարզ,_Ժուկով_քաղաք)&oldid=10294722» էջից