Նյանոնն սկսել է իր ֆուտբոլային կարիերան «Ռեն» ակումբի կազմում։ 2014 թվականից խաղացել է ակումբի երիտասարդական թիմի կազմում, 2015/16 մրցաշրջանից հրավիրվել է ակումբի հիմնական կազմ։ 2016 թվականիհունվարի 16-ին նա կատարել է իր դեբյուտը Լիգա 1-ում՝ 21-րդ տուրի՝ «Տրուա» ակումբի խաղի ընդմիջումից հետո փոխարինելով Ֆալու Դյանին[2]։
Ընդհանուր առմամբ, իր համար դեբյուտային մրցաշրջանում նա յոթ խաղ է ակցկացրել, որոնցից երկուսում դաշտ է դուրս եկել մեկնարկային կազմում։ 2016 թվականի մարտին ակումբի հետ պայմանագիր է կնքել երեք տարի ժամկետով[3][4]։
Ժորիս Նյանոն հրավիրվել է Ֆրանսիայի երիտասարդական (մինչև 20 տարեկանների) հավաքական, սակայն նրա կազմում ոչ մի խաղի չի մասնակցել։ Հնարավորություն ունի խաղալ Կոտ դ'Դվուարի հավաքականի կազմում որպես այդ ազգի ներկայացուցիչ։