Ժոզեֆ-Միշել Մոնգոլֆիե

Վիքիպեդիայից՝ ազատ հանրագիտարանից
Jump to navigation Jump to search
Ժոզեֆ-Միշել Մոնգոլֆիե
ֆր.՝ Joseph-Michel Montgolfier
Joseph-montgolfier.jpg
Ծնվել էօգոստոսի 26, 1740(1740-08-26)[1][2][3]
Դավազիե
Մահացել էհունիսի 26, 1810(1810-06-26)[1][3] (69 տարեկանում)
Balaruc-les-Bains
ՔաղաքացիությունՖրանսիա
Մասնագիտությունգործարանատեր և գյուտարար
ԱնդամակցությունՖրանսիական գիտությունների ակադեմիա և Société d'encouragement pour l'industrie nationale?
Տիրապետում է լեզուներինֆրանսերեն[1]
ՊարգևներՊատվո լեգեոնի շքանշանի ասպետ
Joseph-Michel Montgolfier Վիքիպահեստում

Ժոզեֆ-Միշել Մոնգոլֆիե (ֆր.՝ Joseph-Michel Montgolfier), օգոստոսի 26, 1740(1740-08-26)[1][2][3], Դավազիե - հունիսի 26, 1810(1810-06-26)[1][3], Balaruc-les-Bains), առաջին օդապարիկը ստեղծած Մոնգոլֆիե եղբայրներից ավագը:

Կենսագրություն[խմբագրել | խմբագրել կոդը]

Ընտանիքում 16 երեխաներից եղել է տասներկուերորդը: Կրտսեր եղբոր՝ Ժակ-Էտյենի (1745—1799) հետ իրեն նվիրել է մաթեմատիկայի և ֆիզիկայի ուսումնասիրմանը: Նրա հետ մեկտեղ էլ ստանձնել է հոր ՝ Անոնեում գտնվող թղթի ֆաբրիկայի կառավարումը: 1783 թվականին նրանք պատրաստեցին առաջին օդապարիկը, որը օդ բարձրացավ տաքացված օդի շնորհիվ (հետագայում այդ տիպի օդապարիկները նրանց անունով կոչվեցին մոնգոլֆիեր):

1784 թվականին Ժոզեֆ-Միշելը հայտնագործեց անկարգելը (ռուս.՝ парашют), 1794 թվականին ՝ ճախրելու համար նախատեսված հատուկ սարք: 1796 թվականին Պիեր Ամի Ֆրանսուա Արգանտի հետ միասին ստեղծեց ջրաբաշխական եղանակով աշխատող խոյահարող սարք: Ի դեպ, 1797 թվականին փարիզցի օդագնացներից մեկը՝ Անդրե-Ժակ Գարներենը, համարձակվեց փորձարկել Մոնգոլֆիեի պատրաստած անկարգելը: Փորձարկումը հաջողությամբ պսակվեց, և նա դարձավ աշխարհի առաջին պարաշյուտիստը:

Ֆրանսիական հեղափոխության ժամանակաշրջանում Ժոզեֆ-Միշելը մեկնեց Փարիզ, դարձավ Արվեստների և արհեստների թանգարանի վարիչ և արվեստների և արհեստների խորհրդակցական բյուրոյի անդամ: Նա մասնակցել է նաև Ազգային արդյունաբերության զարգացումը խրախուսող ընկերության հիմնադրման աշխատանքներին:

1807 թվականին Մոնգոլֆիեն պարգևատրվել է Պատվո լեգեոնի շքանշանով, որը նրան հանձնել է անձամբ Նապոլեոն Բոնապարտը:

Եղել է մասոն, 1784 թվականից ՝ Ֆրանսիայի Մեծ արևելքի «Ինը քույրեր» օթյակի անդամ։

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 data.bnf.fr: տվյալների բաց շտեմարան — 2011.
  2. 2,0 2,1 Base Léonoreministère de la Culture.
  3. 3,0 3,1 3,2 3,3 3,4 Comité des travaux historiques et scientifiques — 1834.