Ժան Ֆուքե

Վիքիպեդիայից՝ ազատ հանրագիտարանից
Picto infobox artiste.png
Ժան Ֆուքե
Jean Fouquet.png
Ծնվել է 1420
Ծննդավայր Տուր
Վախճանվել է 1480-ականներ
Մահվան վայր Տուր
Քաղաքացիություն Ֆրանսիա
Մասնագիտություն նկարիչ, ձեռագրերի նկարազարդող և արվեստների գործիչ
Ուշագրավ աշխատանքներ Q1671114? և Q2589776?
Աշակերտներ Q18402644?
Ներշնչվել է Q894982?
Jean Fouquet Վիքիպահեստում

Ժան Ֆուքե (ֆր.՝ Jean Fouquet, 1420, Տուր - 1480, Տուր), ֆրանսիացի նկարիչ։

Կենսագրություն[խմբագրել | խմբագրել կոդը]

Ֆրանսիայում Վաղ Վերածննդի հիմնադիրներից։ Մոտ 1440-1445 թվականներին ապրել է Փարիզում, 1445 թ.-ի և 1447 թ.-ի միջև այցելել Հռոմ։ 1475 թվականին հիշատակվում է որպես «արքայն նկարիչ»։ Ֆուքեի, ինչպես կրոնական («Էտյեի Շըվալիեի ժամագիրքը», 1450-1455, Կոնդե թանգարան, Շանաիյի և այլ թանգարաններ), այնպես էլ պատմական («Ֆրանսիական մեծ քրոնիկներ», Ազգային գրադարան, Փարիզ, Ջովաննի Բոկաչչոյի «Նշանավոր տղամարդկանց և կանանց կյանքը», Պետական գրադարան, Մյունխեն, երկուսն էլ՝ 1458, Հովսեպոս Փլավիոսի «Հրեական հնախոսություն», 1470-1476, Ազգային գրադարան, Փարիզ) թեմաներով գրքային մանրանկարները աչքի են ընկնում դեպքերի ռեալիստական պատկերմամբ, կոլորիտի մեղմությամբ, հեռանկարի տարրերի օգտագործմամբ։

Բնութագրման բացառիկ հավաստիությամբ են աչքի ընկնում Ֆուքեի դիմանկարները («Շառլ VII», «Կանցլեր Գ․ Ժյուվենել դեզ Յուրսեն», երկուսն էլ՝ Լուվր, Փարիզ, «Է․ Շըվալիեն Ս. Ստեփանոսի հետ», «Տիրամայրը մանկան հետ» երկպատկերի ձախ փեղկը, մոտ 1451, պետական թանգարան, Բեոլին)։

Ժան Ֆուքեն ստեղծել է նաև նրբաճաշակ կոլորիտով ու գծանկարով կրոնական թեմաներով կոմպոզիցիաներ («Տիրամայրը մանկան հետ» երկպատկերի աջ փեղկը, մոտ 1451, Գեղեցիկ արվեստների թագավորական թանգարան, Անտվերպեն, «Խաչից իջեցնելը», Ծխական եկեղեցի, Նուան)։

Նկարներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png