Jump to content

Ժան-Պիեռ Ադամս

Վիքիպեդիայից՝ ազատ հանրագիտարանից
Ժան-Պիեռ Ադամս
ֆրանսերեն՝ Jean-Pierre Adams
Քաղաքացիությունը  Ֆրանսիա
Ծննդյան ամսաթիվ մարտի 10, 1948(1948-03-10)[1][2]
Ծննդավայր Դակար, Սենեգալ
Մահվան ամսաթիվ սեպտեմբերի 6, 2021(2021-09-06)[3][2] (73 տարեկան)
Մահվան վայր Նիմ[4][2]
Հասակ 178 սանտիմետր[5]
Դիրք պաշտպան

Ժան-Պիեռ Ադամս (ֆրանսերեն՝ Jean-Pierre Christian Adams), ֆրանսիացի ֆուտբոլիստ, խաղացել է որպես կենտրոնական պաշտպան։

Առավել հայտնի է «Նիս»-ի և ՊՍԺ-ի կազմում իր ելույթներով[6]։1972-1976 թվականներին քսաներկու խաղ է անցկացրել Ֆրանսիայի ազգային հավաքականի կազմում, որտեղ Մարիուս Տրեզորի հետ նրա խաղը ստացել է «Սև պահակ» (la garde noire) անվանումը։ 1982 թվականին բժշկի սխալի պատճառով նա կոմայի մեջ է ընկել, որի հետևանքով էլ մահացել է 2021 թվականին։

Կենսագրություն

[խմբագրել | խմբագրել կոդը]

Ադամսը ծնվել է 1948 թվականին Սենեգալի Դակար քաղաքում և 1972-1976 թվականներին 22 խաղ է անցկացրել Ֆրանսիայի ազգային հավաքականի կազմում։ Նա նաև 41 խաղ է անցկացրել ՊՍԺ-ի կազմում, չնայած իր կարիերայի մեծ մասն անցկացրել է Նիսում։

Կոմայի մեջ է եղել 1982 թվականի մարտի 17-ից մինչև 2021 թվականի սեպտեմբերի 6-ը՝ Լիոնի Էդուարդ Էրիո հիվանդանոցում վիրահատության ժամանակ թույլ տրված բժշկական սխալի պատճառով[7][8]։

Նա պետք է արթնանար մի քանի ժամ տևած վիրահատությունից հետո։ Այդ օրը Ֆրանսիայում բժիշկների գործադուլ էր, և շատերը չէին ներկայացել աշխատանքի։ Անեսթեզիոլոգը միաժամանակ վերահսկում էր ութ վիրահատություն և պատահաբար սխալ էր թույլ տվել։ Իրավիճակն ավելի էր վատթարանում, քանի որ վիրահատության ընթացքը վերահսկում էր փորձնակը, ով չկարողացավ ուղղել անեսթեզիոլոգի սխալը և չկարողացավ նկատել ֆուտբոլիստի վիճակի վատթարացումը՝ մաշկի գույնի պատճառով (սպիտակամորթների մոտ մաշկը կապտում է)[9]։

Նրա պատվին են անվանակոչվել Կորկիերուա (1987 թվականից), Կատիյոն-սյուր-Սամբր (1997 թվականից), Դամարի-լե-Լի համայնքների մարզադաշտերը և Տիոնվիլ Մոզել հանդբոլի ակումբի դահլիճը։

2021 թվականի սեպտեմբերի 6-ին Ադամսը մահացավ 73 տարեկան հասակում՝ 39 տարի կոմայի մեջ մնալուց հետո[10]:

Անձնական կյանք

[խմբագրել | խմբագրել կոդը]

Ադամսը և նրա կինը՝ Բերնադետը, ամուսնացել են 1969 թվականի ապրիլին և ունեցել են երկու որդի՝ Լորանը (ծնված 1969 թվականին) և Ֆրեդերիկը (ծնված 1976 թվականին): Նրա կինը շարունակել է հոգ տանել իր մասին՝ հրաժարվելով էֆթանազիայի մասին մտածելուց[11]:

Ծանոթագրություններ

[խմբագրել | խմբագրել կոդը]
  1. ↑ Transfermarkt.com(բազմ․) — 2000.
  2. ↑ 2,0 2,1 2,2 Fichier des personnes décédées mirror
  3. ↑ Jean-Pierre Adams est mort (ֆր.)
  4. ↑ https://lequipe.fr/Football/Actualites/Jean-pierre-adams-est-mort/1283340
  5. ↑ Jean-Pierre Adams, le roc noir, dans le coma depuis 33 ans — Ouest-France, 2016.
  6. ↑ «Jean-Pierre Adams, 30 ans dans le coma» (ֆրանսերեն). So Foot. 2012 թ․ մարտի 17. Արխիվացված օրիգինալից 2014 թ․ փետրվարի 2-ին. Վերցված է 2014 թ․ հունվարի 26-ին.
  7. ↑ «'Tragic yet heartwarming': How Jean-Pierre Adams touched a nerve». CNN. 2016 թ․ մարտի 17. Արխիվացված օրիգինալից 2016 թ․ մարտի 17-ին. Վերցված է 2016 թ․ մարտի 17-ին.
  8. ↑ «The footballer trapped in 'The House of the Beautiful Sleeping Athlete'». The Guardian. 2014 թ․ փետրվարի 27. Արխիվացված օրիգինալից 2014 թ․ փետրվարի 27-ին. Վերցված է 2014 թ․ փետրվարի 27-ին.
  9. ↑ «Французский футболист Жан-Пьер Адамс умер после 39 лет пребывания в коме». Արխիվացված օրիգինալից 2021 թ․ սեպտեմբերի 20-ին. Վերցված է 2021 թ․ սեպտեմբերի 20-ին.
  10. ↑ «Впавший в кому 39 лет назад футболист умер». Արխիվացված օրիգինալից 2021 թ․ սեպտեմբերի 6-ին. Վերցված է 2021 թ․ սեպտեմբերի 6-ին.
  11. ↑ Eli Dokosi, Michael (2019 թ․ հոկտեմբերի 1). «The sad story of Jean-Pierre Adams, the French soccer star who has been in coma for 37 years after botched surgery». Face2Face Africa. Վերցված է 2019 թ․ հոկտեմբերի 2-ին.

Գրականություն

[խմբագրել | խմբագրել կոդը]
  • Դորիս Ռոնյոն. Ժան-Պիեռ Ադամս, նախկին միջազգային ֆուտբոլիստ, Կենսագրություն. France Europe Editions, 2006 թ. ISBN 978-2-84825-151-4

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ժան-Պիեռ Ադամս» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Ժան-Պիեռ_Ադամս&oldid=10606817» էջից