Ժան-Ժակ Աննո

Ժան-Ժակ Աննո; ֆր.՝ Jean-Jacques Annaud
Ծնվել է	հոկտեմբերի 1, 1943[…] (79 տարեկան)
Ծննդավայր	Ժուվիզի սյուր Օրժ
Կրթություն	Փարիզի կինեմատոգրաֆիայի ինստիտուտ, La Fémis? և Լուի Լումիերի ազգային բարձրագույն դպրոց
Քաղաքացիություն	Ֆրանսիա
Մասնագիտացում	կինոպրոդյուսեր, կինոռեժիսոր, սցենարիստ և կինոդերասան
Պարգևներ	, Կառլ Մեծի շքանշան եվրոպական մեդիաների համար (2004), «Սեզար» մրցանակ՝ լավագույն ռեժիսորական աշխատանքի համար (1982), «Սեզար» մրցանակ՝ լավագույն ռեժիսորական աշխատանքի համար (1989) և Jean-Le-Duc award?
IMDb	ID ID 0000269
	jjannaud.com

Ժան Ժակ Աննո (ֆր.՝ Jean-Jacques Annaud, հոկտեմբերի 1, 1943(1943-10-01)^[1]^[2]^[3]^[…], Ժուվիզի սյուր Օրժ) , ֆրանսիացի կինոռեժիսոր և սցենարիստ, ով 1977 թվականին արժանացել է «Օսկար» մրցանակի։

Կենսագրություն[խմբագրել | խմբագրել կոդը]

Ժան-Ժակ Աննոն ծնվել է ֆրանսիական Էսոն դեպարտամենտում, 1943 թվականի հոկտեմբերի 1-ին։ Նախնական կրթությունը ստացել է Վոժիրարի դպրոցում։ Գրականություն է ուսումնասիրել Սորբոնի համալսարանում։ Դրանից հետո ուսումը որոշում է շարունակել Կինոկրթության բարձրագույն ինստիտուտում (IDHEC): 1964 թվականին ավարտում է ուսումնառությունը։ Մեկ տարի հետո անցնում է զինվորական ծառայության Կամերունում :

Վերջին շրջանում ռեժիսորն ապրում և ստեղծագործում է Լոս Անջելեսում։ Հանդիսանում է «French Hollywood Circle» կազմակերպության ներկայացուցիչը. այդ կազմակերպությունը միավորում է ավելի քան 130 ֆրանսիացի մասնագետներ, ովքեր աշխատում են Հոլիվուդի կինոարդյունաբերությունում։

Ամուսնացած է, ունի երկու դուստր։

Կարիերա[խմբագրել | խմբագրել կոդը]

Բանակից հետո սկսում է նկարահանել հեռուստատեսային գովազդներ և ուսումնական ֆիլմեր ֆրանսիական բանակի մասին։

Ժան-Ժակ Աննո (1998)

Նրա դեբյուտային աշխատանքն է դառնում «Սևը և սպիտակը գույների մեջ» (1976) ֆիլմը։ Այս ֆիլմը Ֆրանսիայում հաջողություններ չի արձանագրում, մինչդեռ 1977 թվականին ԱՄՆ-ում ստանում է «Օսկար» կինոմրցանակ՝ լավագույն օտարալեզու ֆիլմի համար։ Նրա երկրորդ ֆիլմը եղավ «Հարված գլխով» (1979) աշխատանքը, որի մեջ նկարահանված դերասաններից Ժան Բուիզուն արժանացավ եվրոպական «Սեզար» կինոմրցանակի։ «Պայքար կրակի համար» (1981) ֆիլմը նույնպես արժանանում է «Սեզարի», այն էլ երկու անգամ՝ տարվա ֆիլմ և ռեժիսուրա անվանակարգերում։ Ումբերտո Էկոյի «Վարդի անունը» գրքի էկրանավորում կատարեց Ժան-Ժակ Աննոն։ Այս ֆիլմում նկարահանվեցին հոլիվուդյան հայտնի դերասաններ Շոն Քոններին և Քրիստիան Սլեյտերը։ Կինոնկարը թողարկվեց անգլերենով և արժանացավ «Սեզար» մրցանակի որպես օտարալեզու լավագույն ֆիլմ։

Ռեժիսորը առաջիններից մեկն է դառնում, ով կիրառում է նոր թվային «IMAX 3D » տեխնոլոգիան կինոարտադրության մեջ։ Այդ տեխնոլոգիայով նկարահանված նախակարապետ ֆիլմը համաշխարհային կինոպատմության մեջ եղավ «Քաջության թևերը» (1995), որի տևողությունը կազմեց շուրջ 45 րոպե։

Ֆիլմագրություն[խմբագրել | խմբագրել կոդը]

Ռեժիսոր[խմբագրել | խմբագրել կոդը]

Թվական	Ֆիլմ	Ֆիլմի բնօրինակ անվանում
1976	Սևը և սպիտակը գույների մեջ	Noirs et blancs en couleur
1979	Հարված գլխով	Coup de tête
1981	Պայքար կրակի համար	La guerre du feu
1986	Վարդի անունը	Name de Rose
1988	Արջը	L’ours
1992	Սիրեկանը	L’amant
1995	Քաջության թևերը	Wings of Courage
1997	Յոթ տարի Տիբեթում	Seven Years in Tibet
2001	Թշնամին դարպասների մոտ	Enemy at the Gates
2004	Երկու եղբայր	Deux frères
2007	Միլիոն տարի մեր թվարկությունից առաջ 2	Sa majeste' Minor
2011	Սև ոսկի	Or noir
2015	Գայլի տոտեմը	Wolf Totem

Սցենարիստ[խմբագրել | խմբագրել կոդը]

Թվական	Ֆիլմ	Ֆիլմի բնօրինակ անվանում
1976	Սևը և սպիտակը գույների մեջ	Noirs et blancs en couleur
1986	Վարդի անունը	Name der Rose, Der
1992	Սիրեկանը	L’amant
1995	Քաջության թևերը	Wings of Courage
1999	Ազատ որսորդը	Running Free
2001	Թշնամին դարպասների մոտ	Enemy at the Gates
2004	Երկու եղբայր	Deux frères
2011	Սև ոսկի	Or noir
2015	Գայլի տոտեմը	Wolf Totem

Հետաքրքիր փաստեր[խմբագրել | խմբագրել կոդը]

Ժան-Ժակ Աննոն, երբ նկարահանում էր «Վարդի անունը» ֆիլմը, այդպես էլ չկարողացավ իր ուզածին համապատասխան եկեղեցի գտնել, այդ իսկ պատճառով, հատուկ ֆիլմի համար, կառուցվեց եկեղեցի։

Ծանոթագրություններ[խմբագրել | խմբագրել կոդը]

↑ ^1,0 ^1,1 filmportal.de — 2005.
↑ ^2,0 ^2,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
↑ ^3,0 ^3,1 Babelio (ֆր.) — 2007.
↑ Ժամանակակից արվեստի թանգարանի առցանց հավաքածու

Արտաքին հղումներ[խմբագրել | խմբագրել կոդը]

Պաշտոնական կայք(անգլ.)
Ժան-Ժակ Աննո (անգլ.) Internet Movie Database կայքում

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ժան-Ժակ Աննո կատեգորիայում։

[_c630ca432d4c179e-1] 1,0 ^1,1 filmportal.de — 2005.

[_731f4bdf687db92c-2] 2,0 ^2,1 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag

[_53741b741e1830db-3] 3,0 ^3,1 Babelio (ֆր.) — 2007.

[_a9d60a08f4495e06-4] Ժամանակակից արվեստի թանգարանի առցանց հավաքածու

[1]

[2]

[3]

[4]