Ժամանակակից արվեստի թանգարան (Բոլցանո)
.jpg) | |
| Տեսակ | Պատկերասրահ |
| Երկիր |  Իտալիա |
| Տեղագրություն | Բոլցանո |
| Վայր | Տալֆեր գետի ափին |
| Հասցե | Piazza Piero Siena, 1 |
| Հիմնադրվել է | 1985 |
| Մակերես | 2100 քառակուսի մետր |
| Հավաքածուի չափս | 153 item[1] |
| Կայք | museion.it |
 | |
 | |
Ժամանակակից արվեստի թանգարան «Մուզեյոն»[2] (գերմ.՝ Museion Bozen, իտալերեն՝ Museion — Museo d’arte moderna e contemporanea di Bolzano), պատկերասրահ Բոլցանո-Բոցենի ինքնավար գավառի Բոլցանո քաղաքում, որը բացվել է 1985 թվականին։ 2008 թվականի մայիսին թանգարանը տեղափոխվել է նոր շենք, որը կառուցվել էր բեռլինյան «Krüger, Schuberth, Vandreike» (KSV) ճարտարապետական բյուրոյի կողմից և տեղակայված էր քաղաքի կենտրոնում՝ Տալֆեր գետի ափին։
Պատմություն[խմբագրել | խմբագրել կոդը]
«Մուզեյոն» ժամանակակից արվեստի թանգարանը հիմնադրվել է Բոլցանոյում 1985 թվականին տեղական մասնավոր գեղարվեստական միավորման կողմից՝ համանուն ինքնավար մարզի իշխանությունների աջակցությամբ։ Պատկերասրահը սկսել է իր աշխատանքը 1987 թվականին՝ Պյեռ Լուիջի Սիենայի գեղարվեստական ղեկավարությամբ, կազմակերպության նախագահն էր Կառլ Նիկոլուսի Լեկը։
Սկզբնապես թանգարանը հավատարիմ է եղել իր «տարածաշրջանային կողմնորոշման» ցուցահանդեսային քաղաքականությանը. այն նվիրված էր առաջին հերթին Տիրոլի պատմական շրջանի տարածքում ստեղծված սկսած 1900 թվականից կերպարվեստի խթանմանն ու ցուցադրմանը։ 1990-ականների սկզբին, շնորհիվ տարածաշրջանում հատուկ աշխարհագրական դիրքի, պատկերասրահ զբաղվում է արվեստի գերմանական և իտալական համայնքի մարզում տարբերության բարդ թեմայով։ Աստիճանաբար թանգարանը գնալով ավելի ակտիվորեն անդրադարձել է ժամանակակից արվեստի թեմային, միջդիսցիպլինար միտումները արտացոլում են ստացել և անվան մեջ, որը պաշտոնապես ընդունվել է 1991 թվականին։
2000 թվականին, Ալոիս Լագեդերի նախագահության շրջանում և Անդրեաս Հապկեմեյերի գեղարվեստական ղեկավարությամբ,«"Մուզեյոնը» վերջնականապես դարձել է ժամանակակից արվեստի թանգարան։ Նրա ցուցահանդեսային քաղաքականության մեջ կենտրոնական տեղ է զբաղեցրել «Արվեստի լեզու» թեման, որը սերտորեն կապված էր բազմալեզու սահմանային գոտու մշակույթի հետ, որտեղ այն գտնվում է։ «Museion» մասնագիտացված գրադարանը նախատեսված է ժամանակակից միջազգային արվեստի հետ կապված թեմաներով տպագիր աշխատանքների ներկայացման համար։ 2011 թվականի հունվարին, որպեսզի նրա ֆոնդերն ավելի մատչելի լինեին լայն լսարանի համար, այն տեղափոխվել է քաղաքի համալսարանական գրադարանի շենք (իտալերեն՝ Bibliothek der Freien Universität Bozen)։ «Museion» ֆոնդը հիմնադրվել է 2006 թվականի օգոստոսին. դրա կազմում ընդգրկվել են Հարավային Տիրոլի վարչակազմի և «Museion» մասնավոր ասոցիացիայի ներկայացուցիչները, նախագահը դարձել է արվեստաբան և կուրատոր Մարիոն Պիֆեր Դամիանին (ծնվ. 1963):
Տես նաև[խմբագրել | խմբագրել կոդը]
Գրականություն[խմբագրել | խմբագրել կոդը]
- KSV Krüger Schuberth Vandreike : Museion. — Berlin: Jovis, 2009. — 142 с. — ISBN 9783939633617
Ծանոթագրություններ[խմբագրել | խմբագրել կոդը]
- ↑ Italian National Institute of Statistics https://www.istat.it/it/archivio/167566 — 2017.
- ↑ The Art Newspaper Russia. — 2012. — Т. 03—04. — С. 66. — 72 с. — ISBN 9785457839496
Արտաքին հղումներ[խմբագրել | խմբագրել կոդը]
- «MUSEION: Public Institution»։ artfacts.net (անգլերեն)։ Berlin: ArtFacts.Net GmbH։ Վերցված է 2019-09-01
