Ժակլին Մաքքենզի

Վիքիպեդիայից՝ ազատ հանրագիտարանից
Jump to navigation Jump to search
Ժակլին Մաքքենզի
Jacqueline McKenzie, 2017 Screen Legend Award CinefestOz. Photo credit Elsa Jean.jpg
Ծննդյան թիվ՝հոկտեմբերի 24, 1967(1967-10-24)[1][2][3] (51 տարեկան)
Ծննդավայր՝Սիդնեյ, Ավստրալիա[1]
Քաղաքացիություն՝Flag of Australia.svg Ավստրալիա
Մասնագիտություն՝կինոդերասանուհի, դերասանուհի, հեռուստատեսային դերասանուհի և թատրոնի դերասանուհի
IMDb։ID 0571537
jacquimckenzie.com

Ժակլին Մաքքենզի (անգլ.՝ Jacqueline Susan McKenzie, հոկտեմբերի 24, 1967(1967-10-24)[1][2][3], Սիդնեյ, Ավստրալիա[1]), ավստրալացի դերասան։

Կենսագրություն[խմբագրել | խմբագրել կոդը]

Ժակլին Մաքքենզին ծնվել է 1967 թվականի հոկտեմբերի 24-ին Սիդնեյում, Ավստրալիա։ Ավարտել է Սիդնեյի դրամատիկական արվեստի ազգային ինստիտուտը, որտեղ տարբեր ժամանակներում սովորել են այնպիսի աստղեր, ինչպիսիք են Մել Գիբսոնը, Ջուդի Դևիսը, Քեյթ Բլանշետը և Ջեֆրի Ռաշը[4]։ Ժակլինի առաջնելույթը կինոյում և թատրոնում կայացել է գրեթե միաժամանակ՝ 1987 թվականին։ Նրա առաջին ֆիլմն էր «Wordplay» (Բառախաղ), իսկ ներկայացումը՝ Գրիֆինի թատրոնի «Child Dancing» (Մանկական պար) ներկայացումը[5]։

Մեծ արձագանք է գտել նրա դերը «Սափրագլուխներ» (1992) ֆիլմում, որտեղ Ժակլինի գործընկերը դերասան Ռասել Քրոուն էր։ Այդ ֆիլմից հետո Ժակլին Մաքքենզինն սկսեցին անվանել Ավստրալիայի ամենահեռանկարային դերասանուհին։ Հաջորդ երեք տարիների ընթացքում Ժակլինը խաղացել է վեց դեր և արժանացել չորս մրցանակի ավստրալական կինոքննադատների կողմից։ Նախ «This won't Hurt a Bit» ֆիլմում և «Stark» սերիալում խաղացած դերերի համար նա «Australian Film Institute Award»-ում արժանացել է երկու մրցանակի (1993 թվական)։ Այնուհետև՝ 1994 թվականին, Ժակլինը երկու դեր է խաղացել «The Battlers» հեռուստաֆիլմում և «Traps» կինոֆիլմում։ 1995 թվականին «Halifax f.p: Lies of the Mind» հեռուստաֆիլմում խաղացած դերի համար արժանացել է «Best Actress in a Television Drama» մրցանակի, իսկ «Angel Baby» կինոնկարում խաղացած դերի համար արժանացել է «Best Actress in a Leading Role» մրցանակի։

1999 թվականին Ժակլինը նկարահանվել է ամերիկյան «Խորը կապույտ ծով» ֆիլմում և ստացել գրին քարտ՝ որպես ոչ սովորական ունակություններով հեռանկարային անձ։ Այդ ժամանակից ի վեր Ժակլին Մաքքենզին նկարահանվել է ամերիկյան կինոյում և հեռուստատեսությունում։ Ամենահիշվողը եղել է նրա գլխավոր դերը «4400» հեռուստասերիալում, որտեղ նկարահանվել է 2004-2007 թվականներին։ 2010 թվականին փոքր դեր է խաղացել «Հավայի 5.0» հեռուստասերիալում:

Ժակլինը զբաղվում է ոչ միայն դերասանական գործունեությամբ, այլև երաժշտությամբ։ 2007 թվականին նա ձայնագրել է մոտ վեց երգ, որոնք օգտագործվել են «4400» սերիալի եզրափակիչ եթերաշրջանում՝ որպես սաունդթրեք։

Անձնական կյանք[խմբագրել | խմբագրել կոդը]

2009 թվականին Մաքքենզին դուստր է ունեցել[6]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 German National Library, Berlin State Library, Bavarian State Library et al. Record #1021404675 // Gemeinsame Normdatei — 2012—2016.
  2. 2,0 2,1 Internet Broadway Database — 2000.
  3. 3,0 3,1 filmportal.de — 2005.
  4. Fitzgerald Michael (13 June 2005)։ «From Punks to Peachy»։ Time Magazine: 60 
  5. Van Den Nieuwenhof Liz (19 September 1999)։ «The adventures of Jacqui McKenzie»։ Sunday: 12 
  6. IMDb biography

Արտաքին հղումներ[խմբագրել | խմբագրել կոդը]