Թևաբտիկ կիվիվ

Թևաբտիկ կիվիվ
Թևաբտիկ կիվիվ
Դասակարգում
Ենթատիպ	Ողնաշարավորներ (Vertebrata)
Դաս	Թռչուններ (Aves)
Վերնակարգ	Neoaves
Կարգ	Քարադրանմաններ (Charadriiformes)
Ընտանիք	Քարադրներ (Charadriidae)
Ենթաընտանիք	Vanellinae
Ցեղ	Vanellus
Տեսակ	Թևաբտիկ կիվիվ (V. spinosus)
Միջազգային անվանում
Vanellus spinosus von Linné, 1758
Կարգավիճակ
Հատուկ պահպանության կարգավիճակ՝ Քիչ մտահոգող տեսակ

Թևաբտիկ կիվիվ (լատին․՝ Vanellus spinosus), քարադրանմանների ընտանիքին պատկանող ոչ մեծ թռչուն։

Նկարագրություն

Թևաբտիկ կիվիվների մարմնի երկարությունը հասնում է մոտ 25-27 սմ-ի։ Նրանց գլխի և կրծքավանդակի գունավորումը սև-սպիտակ է։ Նրանց մարմնի վերին մասի գունավորումը շագանակագույն է։ Ոտքերը սև են և շատ երկար։ Թռիչքի ժամանակ այս կիվիվները թռչում են դանդաղ և զգուշությամբ։

Տարածվածություն

Նրանք հաճախ հանդիպում են Թուրքիայում, Սիրիայի արևելքում և հյուսիսում, Իսրայելում, Հորդանանում և Իրաքում, ինչպես նաև Արևելյան և Արևմտյան Աֆրիկայում։ Արևմտյան Աֆրիկայի Ռիֆթ հովտի հարավային հատվածում Թևաբտիկ կիվիվները շատ հազվադեպ են։ Այնուամենայնիվ, որոշ փաստեր կան, որ նրանք տարածված են նաև Մալավիում։ Այս կիվիվները չվում են Լիբանանի հյուսիսում գտնվող շրջաններ։ Բայց պարզվում է, որ նրանք հիմնականում բնակվում են այդտեղ, որպես չվող թռչուն։

Եվրոպայում թևաբտիկ կիվիվները հազվագյուտ բուծմամբ թռչուններ են։ Եվրոպայում բնի հայտնաբերման առաջին ապացույցը ստացվել է 1959 թվականին Հունաստանի արևմտյան շրջանում։ Այնուամենայնիվ այս թռչունների թվաքանակը կտրուկ անկում է ապրում այն ժամանակ, երբ որսում են նրանց։ Այս թռչունները տարածված են նաև Իսպանիայում, Գերմանիայում և Արևելյան Եվրոպայի տարբեր մասերում։ Մարտ և ապրիլ ամիսներին նրանց կարելի է տեսնել նաև Կիպրոսում։

Սնունդ

Թևաբտիկ կիվիվները տեսողականորեն գտնում են իրենց որսը և այն գրավում են մի քանի արագ շարժումների միջոցով։ Հիմնականում սնվում են մնացորդներով, մոծակներով և դրանց թրթուրներով, ինչպես նաև մրջյուններով։ Նրանք սնվում են նաև սարդերով, ճիճուներով, փափկամարմիններով, շերեփուկներով և փոքր ձկներով։

Բուծում

Մինչ այժմ չի ուսումնասիրվել թևաբտիկ կիվիվների բուծման կենսաբանությունը։ Այնուամենայնիվ, նրանք դիտում էին մի քանի րոպե պտտվող արուին և շրջապատող էգերին։ Զուգավորումը տեղի է ունենում այն բանից հետո, երբ էգը ընդունում է արուի հրավերը։

Բները ավելի հաճախ դնում են ջրերի մոտակայքում՝ բույսերով պատրաստված բնի մեջ։ Բները կառուցվում են արուների կողմից, որոնք զուգավորման ընթացքում կառուցում են մի քանի բներ, որոնցից էգը ընտրում է մեկը։

Բնի մեջ դնում են հիմականում 4 դեղնավուն և շագանակագույն բծերով ձու։ Ձագերի ծնվելը տևում է մոտ 22-24 օր։

Պատկերասրահ

• 
• 
• 
  Թևաբտիկ կիվիվների ձուն
• 
• 
  Թռիչքի ժամանակ
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

Գրականություն

• Simon Delany, Derek Scott, Tim Dodman, David Stroud (Hrsg): An Atlas of Wader Populations in Afrika and Western Eurasia. Wetlands International, Wageningen 2009, ISBN 978-90-5882-047-1

Վիքիցեղերն ունի նյութեր, որոնք վերաբերում են «Թևաբտիկ կիվիվ» հոդվածին։

Վիքիպահեստն ունի նյութեր, որոնք վերաբերում են «Թևաբտիկ կիվիվ» հոդվածին։