Թրևոր Արիզա
 Trevor Anthony Ariza | ||
 Արիզան 2003 թվականի «Ուիզարդսի» հավաքականում | ||
| Դիրքը | Թեթև հարձակվող / Հարձակվող պաշտպան | |
|---|---|---|
| Ծննդյան ամսաթիվ | հունիսի 30, 1985 | |
| Ծննդավայր | Մայամի, Ֆլորիդա | |
| Ազգություն | ԱՄՆ | |
| Հասակ | 203 | |
| Քաշ | 95 | |
| Դպրոց | Ուեստչեսթեր | |
| Դրաֆթ | 43 (2-րդ շրջան) | |
| Դրաֆթի տարի | 2004 | |
| Դրաֆթ ակումբ | Նյու-Յորք Նիքս | |
Թրևոր Էնթոնի Արիզա (անգլ.՝ Trevor Anthony Ariza, հունիսի 30, 1985, Մայամի, Ֆլորիդա, ԱՄՆ), ամերիկացի պրոֆեսիոնալ բասկետբոլիստ, որը հանդես է գալիս Ամերիկայի բասկետբոլի ազգային ասոցիացիայի «Ֆինիքս Սանս» թիմի կազմում։ Խաղում է թեթև հարձակվողի և հարձակվող պաշտպանի դիրքերում։ 2004 թ. NBA դրաֆթի երկրորդ շրջանում «Նյու-Յորք Նիքսի» կազմում խաղացել է 43-րդ համարի ներքո։ 2008-09 NBA մրցաշրջանում դարձել է չեմպիոն` «Լոս-Անջելես Լեյքերս»-ի կազմում։ Ելույթ է ունեցել նաև «Օռլանդո Մեջիք»-ի, «Հյուսթոն Ռոքեթս»-ի, «Նյու Օռլեանս Պելիկանս»-ի և «Վաշինգտոն Վիզարս»-ի կազմում։
Կենսագրություն[խմբագրել | խմբագրել կոդը]
Թրևոր Արիզան ծնվել է Մայամիում։ Նրա հայրը՝ Քեննի Մակկլերին, սովորում էր Ֆլորիդայի hամալսարանում, իսկ ավարտելուց հետո ելույթ էր ունենում, որպես պրոֆեսիոնալ բասկետբոլիստ` «Սիդնեյ Քինգս» ավստրալիական ակումբում։ Մոր կողմից Թրևորը ունի դոմինիկյան արմատներ[1]։ Թրևորը ուներ Թաջ անունով փոքր եղբայր, ով մահացել է 1996 թվականին դժբախտ պատահարի պատճառով։
2003 թվականին Առիզան ավարտել է Լոս-Անջելեսի ավագ դպրոցը։ Բասկետբոլային ակումբի կազմում նա երկու անգամ դարձել է Կալիֆորնիա նահանգի չեմպիոն։ Դպրոցական թիմի կազմում, նա ելույթ է ունեցել չորս տարի և հասցրել է խաղալ բոլոր դիրքերում՝ խաղարկողից մինչև կենտրոնական խաղացող։ Նրա թիմակիցներ Հասան Ադամսը, Բրենդոն Հետը, Բոբի Բրաունը և Գեյբ Պրուտը նույնպես հայտնվել են ԱՆԱ-ում։ Ավարտական դասարանում «Parade» ամսագրի վարկանիշով ԱՄՆ դպրոցականների շրջանում Արիզան հայտնվել է ԱՆԱ լավագույն բասկետբոլիստների երկրորդ սիմվոլիկ թիմում։
Դպրոցն ավարտելուց հետո՝ Արիզան ընդունվել է Լոս-Անջելեսի Կալիֆոռնյան համալսարանը։ Այնտեղ նա անցկացրել է ընդամենը մեկ մրցաշրջան։ Նա մասկնակցել է 25 խաղերի և միջինում հավաքել է 11,6 միավոր, 6,5 անդրադարձ և 1,7 խլում։ Մրցաշրջանի արդյունքերի հիման վրա Արիզան ընդգրկվել է Խաղաղօվկիանոսյան կոնֆերենցիայի սկսնակների սիմվոլիկ կազմում։
2004 թվականին 19-ամյա Արիզան ընտրվում է ԱՆԱ դրաֆտի երկրորդ խմբի 43-րդ համարի ներքո՝ «Նյու Յորք Նիքս»-ի կողմից։ Իր առաջին մրցաշրջանը Թրևորը անցկացրել է բավականին հաջող։ Նա մասնակցել է 80 խաղերի և միջինում հավաքել 5,9 միավոր՝ կատարելով 3 խլում։ Նիքսի երկրպագուների մոտ նա շատ հայտնի էր։ Նրանք ակումբի ապագան կապում էին Արիզայի հետ։ 2005 թվականի ամռանը այն Արիզան, ով առաջին մրցաշրջանում գրեթե միշտ պարտվում էր իրենից խոշոր հարձակվողներին և կանտրոնականներին, անցկացնում է ինտենսիվ մարզումներ և ձեռք բերում 5 կիլոգրամ մկանային զանգված։ Նորընտիր գլխավոր մարզչի պաշտոնակատար Լարի Բրաունը Թրևորին ավելի շատ խաղային ժամանակ է տրամադրում և հաճախ խաղադաշտ բաց թողնում որպես մեկնարկային հնգյակի անդամ։ Սակայն հետագայում նախնտրում է խաղադաշտ բաց թողնել սկսնակ Դևիդ Լիին։
2006 թվականի փետրվարի 22-ին Արիզային և Փեննի Հարդուեմին փոխարինում են Ստիվ Ֆրենսիսի հետ, ով հանդես էր գալիս «Օռլանդո Մեջիք»[2] ակումբում։ Մրցաշրջանի ավարտին Թրևորը թիմի կազմում անցկացնում է 21 խաղ և միջինում հավաքում է 4,7 միավոր։ Հաջորդ մրցաշրջանում նա ստանում է ավելի շատ խաղային ժամանակ և կարողանում իրեն ավելի լավ դրսևորել՝ հավաքելով միջինում 8,9 միավոր և 4,7 անդրադարձ։
2007 թվականի նոյեմբերի 20-ին Արիզային փոխարինում են «Լոս-Անջելես Լեյքերս», Բրայան Կուկի և Մորիս Էվանսի դիմաց[3]։ Լեյքերսի մարզիչ Ֆիլ Ջեքսոնը համեմատել է Արիզային «կոբրայի» հետ ՝ առանձնացնելով նրա արագությունը և համեմատել նրա կտրուկ շարժումները օձի հետ։ 2007-2008 թվականների մրցաշրջանի զգալի հատվածը Թրևորը բաց է թողել վնասվածքի պատճառով։ Նա խաղադաշտ է վերադարձել միայն Արևմտյան կոնֆերենցիայի եզրափակչին։ «Լեյքերս»-ը հաղթել է Սան-Անտոնիո Սփյորսին, սակայն պարտվել «Բոսթոն Սելտիկս» դեմ եզրափակիչ խաղում։
Արիզան, 2008/2009 մրցաշրջանի ընթացքում, Լամար Օդոմի հետ մրցել է հիմնական թեթև հարձակվողի դիրքի համար, իսկ մրցաշրջանի ավարտին դարձել հիմնական հնգյակի անդամ։ 2009 թվականի Փլեյ-Օֆի ընթացքում մասնակցել է բոլոր 23 խաղերին, որպես հիմնական հնգյակի անդամ։ Նա բարելավում է իր ֆիզիկական կարողությունները և իր զգալի ներդրումն ունենում չեմպիոնական տիտղոսի գրավման մեջ։
Հաջող մրցաշրջանից հետո Արիզան դարձել է ազատ գործակալ և հնգամյա պայմանագիր կնքել «Հյուսթոն Ռոքեթս»-ի հետ, որի համար նա ստացել է 33,5 միլիոն դոլար[4]։ 2009/2010 թվականների մրցաշրջանը դարձել է Արիզայի կարիերայի մեջ լավագույնը։ Նա իր կարիերայում առաջին անգամ դարձավ մեկնարկային հնգյակի լիարժեք անդամ և բարելավեց իր ցուցանիշները՝ հասցնելով միջինում 15 միավորի։ Այդ մրցաշրջանի ժամանակ Արիզան անձնական ռեկորդ է սահմանել՝ «Պորտլենդ»-ի դեմ խաղում հավաքելով 33 միավոր[5]։
2010 թվականի օգոստոսի 12-ին բազմակողմանի փոխարինումների հետևանքով Արիզան դարձել է «Նյու-Օռլեան Հորնեթս»-ի անդամ։ «Հյուսթոնը» ձեռք էր բերել Կորտնի Լիին, «Նյու-Ջերսի Նետս»-ի անդամ են դարձել Դարրեն Քոլինսոնը և Ջեյմս Փոուզին[6]։
Ծանոթագրություններ[խմբագրել | խմբագրել կոդը]
- ↑ Villanueva switching sports citizenship. Enrique Rojas. ESPN.com. 11 апреля 2009
- ↑ Francis dealt to Knicks for Penny, Ariza. Chris Sheridan. ESPN.com. 23 февраля 2006
- ↑ Magic Acquire Brian Cook and Maurice Evans From L.A. Lakers. Orlando Magic. NBA.com. 20 ноября 2007
- ↑ Ariza verbally commits to Houston. Marc Stein. ESPN.com. 3 июля 2009
- ↑ Houston 111, Portland 107 Արխիվացված 2009-11-04 Wayback Machine. USA Today. 31 октября 2009
- ↑ НБА. В результате четырёхстороннего обмена «Нью-Орлеан» получил Аризу, а «Индиана» — Коллисона sports.ru. 6 декабря 2010
Արտաքին հղումներ[խմբագրել | խմբագրել կոդը]
- Թրևոր Արիզայի էջը «Բասկետբոլի ազգային ասոցիացիայի» պաշտոնական կայքում
- Ցուցանիշները Basketball-Reference.com կայքում(անգլ.)
 | Վիքիպահեստն ունի նյութեր, որոնք վերաբերում են «Թրևոր Արիզա» հոդվածին։ |
| ||||||
