Թրիփլ Էյչ

Թրիփլ Էյչ Triple H
Թրիփլ Էյչը «Ռեսլմանիա 31» իրադարձության ժամանակ (2015)
Ծնվել է	հուլիսի 27, 1969 (53 տարեկան)
Ծննդավայր	Նաշուա, Նևադա, ԱՄՆ
Քաղաքացիություն
Մայրենի լեզու	անգլերեն
Կրթություն	Nashua High School South?
Կարողություն	1,5 միլիոն ԱՄՆ դոլար (2013)
Մասնագիտություն	պրոֆեսիոնալ ըմբշամարտիկ (ռեստլեր), դերասան, սցենարիստ, հեռուստատեսային դերասան, կինոդերասան և փոխնախագահ
Աշխատանք	«WWE» ընկերության մարզիկների, սցենարիստների և իրադարձությունների գծով գործադիր փոխնախագահ, ռեստլեր, դերասան, «Կոնորի բուժում» հիմնադրամի համահիմնադիր
Գործունեություն	1987-այժմ
Աշխատավայր	WWE
Ամուսին	Ստեֆանի Մաքմահոն (2003–այժմ)
Պարգևներ և մրցանակներ	WWE փառքի սրահ և Ռեստլինգ օբզերվերի փառքի սրահ
Երեխաներ	Ավրորա Ռոուզ Լևեք (ծ. 2006) Մերֆի Քլեյր Լևեք (ծ. 2008) Վոն Էվելին Լևեք (ծ. 2010)
Կայք	Էջը WWE կորպորատիվ կայքում
Paul Michael Levesque Վիքիպահեստում

Փոլ Մայքլ Լևեք (անգլ.՝ Paul Michael Levesque, հուլիսի 27, 1969(1969-07-27), Նաշուա, Նյու Հեմփշիր, ԱՄՆ), առավել հայտնի Թրիփլ Էյչ (Triple H, ստացված Hunter Hearst Helmsley անվան սկզբնատառերից) ռինգային/հեռուստատեսային անվամբ, ամերիկացի գործարար, կիսաակտիվ պրոֆեսիոնալ ըմբշամարտիկ (ռեստլեր), դերասան և նախկին բոդիբիլդեր։ Ներկա պահին զբաղեցնում է «WWE» ընկերության գործադիր փոխնախագահի պաշտոնը։ Բացի կորպորատիվ գործունեությունից, կանոնավոր ելույթներ է ունենում «WWE»-ի հեռուստատեսությունում որպես ղեկավարության ներկայացուցիչ և ռեստլեր։

1987 թվականին Լևեքն սկսում է ելույթներ ունենալ որպես պրոֆեսիոնալ բոդիբիլդեր։ Ռեստլինգի արդյունաբերությունում նորամուտը կայացնում է 1992 թվականին՝ հանդես գալով «International Wrestling Federation» (IWF) կազմակերպությունում՝ Տերա Ռայզինգ ռինգային անվամբ։ 1994 թվականին պայմանագիր է կնքում «World Championship Wrestling» (WCW) կազմակերպության հետ՝ ռինգում մարմնավորելով Ժան Պոլ Լևեք անվամբ ֆրանկոկանադացի արիստոկրատի։ 1995 թվականին տեղափոխվում է «World Wrestling Federation» (այժմ՝ «WWE»)՝ ելույթներ ունենալով Հանթեր Հիրստ Հելմսլի, և ավելի ուշ Թրիփլ Էյչ անվամբ։ 1997 թվականին դառնում է «D-Generation X» սկանդալային խմբավորման համահիմնադիր անդամներից։ Խմբավորումը հետագայում առանցքային դեր է ունենում «WWF»-ի «վերաբերմունքի ժամանակաշրջանի» ("Attitude Era") հաջողության մեջ։ Առաջին WWF չեմպիոնական տիտղոսը նվաճելուց և Ստեֆանի Մաքմահոնի հետ ունեցած բեմական ամուսնությունից հետո (1999) դառնում է ընկերության առաջին պլանի մարզիկներից։ Հաջորդ տասնամյակի ընթացքում Լևեքը 13 անգամ ճանաչվում է ծանրքաշային չեմպիոն, ինչպես նաև դառնում «Մաքմահոն-Հելմսլի ռեժիմ» և «Էվոլյուցիա» խմբավորումների առաջնորդը։ Ստեֆանի Մաքմահոնի հետ 2003 թվականին իրական կյանքում ամուսնանալուց հետո Լևեքն սկսում է բացառիկ իրավունքով իր ստեղծագործական ազդեցությունն ունենալ ինչպես սեփական կերպարի, այնպես էլ ընդհանուր սցենարային լուծումների վրա։

«WWE»-ում անցկացրած տարիների ընթացքում ընդհանուր առմամբ նվաճել է 23 չեմպիոնական տիտղոս, այդ թվում ութ անգամ ճանաչվել է WWF/E չեմպիոն, հինգ անգամ՝ Աշխարհի ծանրքաշային չեմպիոն։ Հաղթանակ է տարել նաև 1997 թվականի «Ռինգի արքա» և 2002 թվականի «Թագավորական մարտ» մրցույթներում։

Պրոֆեսիոնալ ըմբշամարտից դուրս, ունեցել է բազմաթիվ մասնակցություններ հեռուստատեսությունում և կինոյում։

Արտաքին հղումներ

• Էջը WWE.com կայքում(անգլ.)
• Էջը Ռեստլինգի առցանց աշխարհում(անգլ.)
• Էջը IMDb կայքում(անգլ.)