Թրիերի տաճար

Թրիերի տաճար
Տեսակ	կաթոլիկ տաճար
Երկիր	Գերմանիա
Տեղագրություն	Թրիեր
Ճարտարապետական ոճ	ռոմանական ճարտարապետություն
Երկարություն	112,5 մետր
Լայնություն	41 մետր
Մասն է	Roman Monuments, Cathedral of St. Peter and Church of Our Lady in Trier UNESCO World Heritage Site?
Անվանված է	Պետրոս առաքյալ
Հիմնադրված է	1235
Ժառանգության կարգավիճակ	մշակութային հուշարձան և ՅՈՒՆԵՍԿՕ-ի համաշխարհային ժառանգության մաս
Պաշտոնական կայք

Թրիերի Սուրբ Պետրոսի տաճար (գերմ.՝ Trierer Dom), Թրիեր քաղաքի տաճարը, Թրիերի արքեպիսկոպոսի աթոռանիստը, հիմնադրման ժամանակ Գերմանիայի ամենահին տաճարը։

Շինարարության պատմություն

Տաճարը հիմնադրվել է 320-ական թվականներին Կոստանդիանոս կայսեր հրամանով և սկսել է կառուցվել Թրիերի եպիսկոպոս Մաքսիմինի գլխավորությամբ։ Թրիերի տաճարի եպիսկոպոսության և հոգևորականության կողմից հրատարակված գրքույկում նշվում է, որ Սուրբ Հեղինե թագուհին «իր պալատի մի մասը տվել է Ագրիտիուս եպիսկոպոսին» եկեղեցու օգտագործման համար^[2]: Նրա չափերը (112,5 մ x 41 մ) մինչ օրս ամենամեծն են քաղաքի եկեղեցիների մեջ: 882 թվականին նորմանները գործնականում ավերել են շենքը, սակայն տաճարը կրկին վերակառուցվել է ռոմանական ոճով, և շինարարությունն ամբողջությամբ ավարտվել է մինչև 1196 թվականը^[3]։

1944-1945 թվականների ձմռանը տաճարը, ինչպես և մնացած քաղաքը, լրջորեն տուժել են դաշնակից զորքերի կողմից քաղաքը գրավելու համար մղվող մարտերի ժամանակ։ 1960-1974 թվականներին իրականացվել է խորանի վերականգնում և վերակառուցում։ 1974 թվականի մայիսի 1-ին վերականգնված խորանը կրկին օծվել է։

Ինտերիեր

Սկզբում Թրիերի տաճարի ինտերիերը բավականին մռայլ է եղել, որն ընդհանուր առմամբ համապատասխանել է ռոմանական ոճին, սակայն 18-րդ դարում տեղի հոգևորականները որոշել են ավելացնել բարոկկո տարրեր։ Մասնավորապես, ստեղծվել է նոր խորան՝ հոյակապ զարդարված փորագրություններով, ինչպես նաև խորանի պատնեշ՝ ծածկված ռելիեֆներով։ Տաճարում 1974 թվականին Երգեհոն է տեղադրվել։