Թորուն Էրիքսեն

Վիքիպեդիայից՝ ազատ հանրագիտարանից
Jump to navigation Jump to search
Թորուն Էրիքսեն
Torun Eriksen Kongsberg Jazzfestival 2017 (194102).jpg
Ծնվել էհունվարի 8, 1977(1977-01-08)[1][2] (42 տարեկան)
Lunde, Nome, Telemark, Էստլանն, Նորվեգիա
ԵրկիրFlag of Norway.svg Նորվեգիա
Ժանրերջազ
Մասնագիտություներգչուհի, կոմպոզիտոր և ջազ երաժիշտ
Գործիքներերգիչ[3] և վոկալ
ԼեյբլJazzland Recordings?
Կայքtoruneriksen.no

Թորուն Էրիքսեն (նորվ.՝ Torun Eriksenհունվարի 8, 1977(1977-01-08)[1][2], Lunde, Nome, Telemark, Էստլանն, Նորվեգիա), նորվեգացի ջազ երգիչ. կոմպոզիտոր և երաժիշտ[4][5] :

Կենսագրություն և կարիերա[խմբագրել | խմբագրել կոդը]

Թորուն Էրիքսենը ծնվել է 1977 թվականի հունվարի 8-ին նորվեգական Տելեմարք ֆյուլքեի Լունդե բնակավայրում: Նրա մոտ երաժշտական տաղանդը ի հայտ է եկել դեռևս մանուկ հասակում ու սկսել է վեց տարեկան հասակում երգել: Ելույթներ է ունեցել զանազան երաժշտական խմբերում: Երբ Թորուն Էրիքսենը տասնինը տարեկան էր, արդեն հայտնի էր հայրենիքում որպես սոլո երգչուհի:

Թորուն Էրիքսենը հիմնականում երգում է սոուլ, ջազ, խմբերգային երգեր, ինչպես նաև փոփ ժանրի երգեր: Այդ հարուստ փորձն ունենալով երգչուհին սկսում է անձամբ ստեղծագործել ու նոր երգեր գրել:

1997 թվականին Թորուն Էրիքսենը տեղափոխվում է մայրաքաղաք Օսլո: Այստեղ ընդունվում է Նորվեգիայի սցենարային ինստիտուտ (նորվ.՝ Nordisk Institutt for Scene og Studio) և հաջողությամբ ավարտում այն[6]:

Երգչուհին դրանից հետո սկսում է ակտիվորեն հյուրախաղերի մեկնել ու բազմաթիվ հայտնի երաժիշտների ու երաժշտական խմբերի հետ համագործակցել: Մասնակցում է բազմաթիվ ջազային փառատոների ինչպես հայրենի Նորվեգիայում, այնպես էլ արտասահմանում:

Թորուն Էրիքսենը ոչ միայն վոկալիստ է, այլև բազմաթիվ երգերի հեղինակ:

Նրա առաջին դեբյուտային ալբոմը լույս է ընծայվում 2004 թվականին, որը կոչվում է «Glittercard»

«Prayers & Observations» ալբոմի համար, որը ներկայացվել է նորվեգական Jazzland Recordings լեյբլում 2006 թվականին, բոլոր երգերը գրում է անձամբ Թորուն Էրիքսենը: Նրա շատ երգեր (իսկ դրանք բոլորը մայրենի բուքմոլով չեն, այլ անգլերենով) ծնվել են անհատական հույզերի և տպավորությունների ներքո: Ալբոմում տեղ գտած «Song Of Sadness» երգը նվիրված է ընկերոջ՝ սաքսաֆոնահար Սիգրուդ Կոնի վառ հիշատակի, ով մահկանացուն կնքում է 2004 թվականին Թայլանդում տեղի ունացած ավերիչ ցունամիի ժամանակ: Սա միակ ստեղծագործությունն է, որտեղ Թորուն Էրիքսենը դուետով է հանդես գալիս. նրա հետ երգում է Պաալ Ֆլլաթոյը[7]:

Թորուն Էրիքսենը միշտ հանդես է գալիս ջազային խմբով:

Երաժիշտներ[խմբագրել | խմբագրել կոդը]

Սկավառակագրություն[խմբագրել | խմբագրել կոդը]

  • Glittercard (Emarcy Records) 2004
  • Prayers & Observations (Emarcy Records) 2006
  • Passage (Jazzland) 2010
  • Visits (Jazzland) 2014
  • Grand White Silk (Jazzland) 2016

Ծանոթագրություններ[խմբագրել | խմբագրել կոդը]

  1. 1,0 1,1 German National Library, Berlin State Library, Bavarian State Library et al. Record #135360935 // Gemeinsame Normdatei — 2012—2016.
  2. 2,0 2,1 Discogs — 2000.
  3. https://www.jolsterjazz.com/Jazz-p--J-lst-2018.html
  4. «Torun Eriksen Discography»։ Վերցված է 2012-12-08 
  5. Asker Cecilie (2006-02-07)։ «Grensebrytende»։ Culture (Norwegian)։ Aftenposten 
  6. «Torun Eriksen Biography»։ Վերցված է 2012-12-08 
  7. http://www.nestor.minsk.by/jz/cd/2006/12/1501.html Eriksen, Torun. Prayers & Observations

Արտաքին հղումներ[խմբագրել | խմբագրել կոդը]