Թոմի Ռամոն

Վիքիպեդիայից՝ ազատ հանրագիտարանից
Թոմի Ռամոն
Բնօրինակ անունանգլ.՝ Tommy Ramone
հունգ.՝ Erdélyi Tamás
Նաև հայտնի է որպեսTommy Ramone
Ծնվել էհունվարի 29, 1949(1949-01-29)[1] կամ հունվարի 29, 1952(1952-01-29)[2]
Բուդապեշտ
Երկիր Հունգարիա և  ԱՄՆ
Մահացել էհուլիսի 11, 2014(2014-07-11)[3][1]
Ridgewood, Քուինս, Նյու Յորք, Նյու Յորք, ԱՄՆ[3]
Ժանրերփանկ-ռոք
Մասնագիտությունթմբկահար և երաժշտական պրոդյուսեր
Գործիքներհարվածային համակարգ
ԼեյբլSire Records
ԱնդամակցությունThe Ramones և Uncle Monk?
Կայքramones.com
 Tommy Ramone Վիքիպահեստում

Թոմի Ռամոն (անգլ.՝ Tommy Ramone, հունվարի 29, 1949(1949-01-29)[1] կամ հունվարի 29, 1952(1952-01-29)[2], Բուդապեշտ - հուլիսի 11, 2014(2014-07-11)[3][1], Ridgewood, Քուինս, Նյու Յորք, Նյու Յորք, ԱՄՆ[3]), իսկական անունը՝ Թամաշ Էրդեյի (հունգ.՝ Erdélyi Tamás), հունգարական ծագմամբ ամերիկացի պրոդյուսեր և երաժիշտ[4][5]։ Չորս տարի Թոմի Ռամոնը եղել է «Ramones» պանկ ռոք խմբի թմբկահարը։

Կենսագրություն[խմբագրել | խմբագրել կոդը]

Թամաշ Էրդեյին ծնվել է 1949 թվականի հունվարի 29-ին Հունգարիայի մայրաքաղաք Բուդապեշտում[6][7] հրեաների ընտանիքում[8]։ Նրա ընտանիքը հոլոքոստի ժամանակ փրկվել է հարևանների շնորհիվ, ովքեր թաքցրել են նրանց։ Էրդեյիների հարազատների մեծ մասը դարձել է նացիստական գործողությունների զոհ[9]։ Չորս տարեկան հասակում Թամաշ Էրդեյին ընտանիքի հետ տեղափոխվել է ԱՄՆ և բնակություն հաստատել Նյու Յորքում՝ Ֆորեսթ Հիլզում[10]։ Միջնակարգ դպրոցում սովորելու տարիներին Փամաշը Ջոնի Քամինգսոմի (հետագայում՝ Ջոնի Ռամոն) հետ նվագել է «Tangerine Puppets» խմբում[11]։ 1970 թվականին Թամաշը համագործակցել է Ջիմի Հենդրիքսի հետ «Band of Gypsys» ալբոմի ձայնագրման աշխատանքների ժամանակ։

Ramones խմբի պրոդյուսեր և թմբկահար[խմբագրել | խմբագրել կոդը]

Երբ ստեղծվում է «Ramones» խումբը, Ջոնի Ռամոնը նվագում էր կիթառ, Դի Դի Ռամոնը՝ բաս կիթառ, Ջոուի Ռամոնը՝ թմբուկ, իսկ Թոմի Ռամոնը պիտի դառնար խմբի մենեջեր, սակայն դառնում է թմբկահար, երբ պարզվում է, որ Ջոուին չի հասցնում խմբի հետ և զբաղեցնում է վոկալիստի տեղը։ «Թոմի Ռամոնը, որ ղեկավարում էր մեզ, վերջապես, պիտի նստեր թմբուկների մոտ, որովհետև ոչ ոք չէր ուզում անել դա»,– հետագայում հիշում է Դի Դի Ռամոնը[12]։

Նա եղել է խմբի թմբկահարը 1974 թվականից մինչև 1978 թվականը։ Դրանից բացի նա եղել է խմբի առաջին երեք ստուդիական ալբոմների (Ramones, Leave Home և Rocket to Russia), ինչպես նաև It’s Alive համերգային ալբոմի համապրոդյուսերը[13]։

2007 թվականին Բի-բի-սիին տված հարցազրույցի ժամանակ Թոմի Ռամոսն ասել է, որ խումբը գտնվել է 1970-ական թվականներին ճանաչում վայելած New York Dolls խմբի, երգիչ Լու Ռիդի և նկարիչ Էնդու Ուորհոլի ազդեցության տակ։ Նա ասել է. «Բեմը, որ մշակվել էր CBGB-ի կողմից, պատանեկան կամ գարաժային խմբերի համար չէր, այնտեղ առկա էր ինտելեկտուալ տարր, և այդպես այն Ramones-ի համար էր»[14]։

Ramones խումբ[խմբագրել | խմբագրել կոդը]

1978 թվականին Թոնի Ռամոսին փոխարեն խմբի թմբկահար է դառնում Մարկի Ռամոնը[15], սակայն Թոմին շարունակում է մնալ խմբի պրոդյուսերը և մասնակցում է խմբի չորրորդ՝ «Road to Ruin» ալբոմի ստեղծման աշխատանքներին։ Հետագայում՝ 1984 թվականին, նա եղել է խմբի ութերորդ՝ «Too Tough to Die» ալբոմի պրոդյուսերը[16]։

Թոմի Ռամոնը գրել է I Wanna Be Your Boyfriend երգն ու Blitzkrieg Bop երգի մեծ մասը, իսկ բաս կիթառահար Դի Դի առաջարկել է վերնագիրը[11]։ Նա ու Էդ Ստազիումը (անգլ.՝ Ed Stasium) կատարել են ալբոմի բոլոր կիթառային սոլոները, իսկ Ջոնի Ռամոսը հիմնականում նվագակցել է կիթառով[17]։

1980 թվականին Թոնի Ռամոսը հանդես է եկել որպես The Replacements խմբի «Tim» ալբոմի, ինչպես նաև Redd Kross խմբի «Neurotica» ալբոմների համապրոդյուսեր[18][19]։

2004 թվականի հոկտեմբերի 8-ին Թոմի Ռամոնը կրկին նվագել է «Ramones» խմբի կազմում, երբ միացել է Սի Ջեյ Ռամոնին, Դանիել Ռեյին ու Էլվիս Ռամոնին «Ramones Beat Down On Cancer» համերգի ժամանակ։ 2007 թվականի հոկտեմբերին խմբի համերգային լավագույն ելույթների ձայնագրություններն ընդգրկող «It’s Alive 1974—1996» DVD սկավառակին նվիրված հարցազրույցի[20] ժամանակ Թոմի Ռամոնը հիշել է խմբի մահացած անդամներին՝ նշելով, որ նրանք «տալիս էին այն ամենը, ինչ կարող էին ամեն շոուի ժամանակ»։

Թոմի Ռամոնն ու Կլաուդիա Տենանը (նախկինում եղել է Simplistics խմբի անդամ) միասին ստեղծել են Uncle Monk բլյուգրաս ֆոլկ բենդը։ Ռամոնը հայտարարել է. «Ընդհանուր շատ բան կա պանկ ու ֆոլկ երաժշտությունների մեջ։ Երաժշտության առաջատար այդ երկու ժանրերն էլ հողի էներգիա։ Եվ յուրաքանչյուրը կարող է ընտրել գործիք և սկսել նվագել»[21]: Որպես երգերի հեղինակ՝ Թոմի Ռամոնը համագործակցել է Քրիս Քասլի (անգլ.՝ Chris Castle), Գարթ Հադսոնի (անգլ.՝ Garth Hudson), Լարի Քեմփբլի (անգլ.՝ Larry Campbell) և The Womack Family Band խմբի հետ 2011 թվականի հունիսին, երբ Լևոն Հելմի ստուդիայում ձայնագրվում էր Քասլի «Last Bird Home» ալբոմը[22]։

Հիվանդություն և մահ[խմբագրել | խմբագրել կոդը]

Թոմի Ռամոնը մահացել է Նյու Յորքում՝ Քուինսում գտնվող իր տանը 2014 թվականի հուլիսի 11-ին 65 տարեկան հասակում[6][23]։ Նրա մոտ աշտորոշվել էր լեղուղիների քաղցկեղ և մահվանից առաջ նա տեղափոխվել էր հոսպիս[24][25][26]։

The Independent-ը գրում է. «Նախքան Թոմիի՝ խոմբը լքելը Ramones-ը արդեն դարձել էր իր ժամանակի ամենաազդեցիկ պանկ խմբերից մեկը, որ նվագում էր Նյու Յորքի ոչ հայտնի CBGB ակումբում և առանց դադարների համերգային շրջագայությունների էր ունենում ամեն մի ալբոմի հետ»։ Կենսագիր Էվերեթ Թրուն Բի-Բի-սիին տված հարցազրույցում ասել է. «Կան հարյուրավոր, հազարակով, միլիոնավոր մեղեդիներ, որ գալիս են Ramones-ի երգերից... Դու լսել եք նրանց ազդեցությունը 1975 թվականից հետո ստեղծված ողջ ռոք երաժշտության մեջ։ Դուք լսում եք այն ամենուր»[14]։

Թոմի Ռամոնն ասել է. «Ramones-ի՝ եզակի ու ինքնատիպ լինելու պատճառներից մեկն այն է, որ այն կազմված է եղել չորս ինքնատիպ ու եզակի մարդկանցից»[27][28]։

Սկավառակագրություն[խմբագրել | խմբագրել կոդը]

  • Ramones (1976)
  • Leave Home (1977)
  • Rocket to Russia (1977)
  • It’s Alive (1979)
  • Too Tough to Die (1984)
  • NYC 1978 (2003)

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Encyclopædia Britannica
  2. 2,0 2,1 Allmusic — 1991.
  3. 3,0 3,1 3,2 3,3 3,4 3,5 http://variety.com/2014/music/news/tommy-ramone-last-surviving-original-member-of-influential-punk-band-dies-at-65-1201261584/
  4. Harper, Jason. «Tommy Ramone Gives the Mountain Music Shoppe a Brush with CBGB». Pitch.com. Արխիվացված օրիգինալից 2012 թ․ սեպտեմբերի 10-ին. Վերցված է 2011 թ․ հոկտեմբերի 25-ին.
  5. «Punk rock legend enjoying venture into old-time music». News.branson.com. Արխիվացված է օրիգինալից 2009 թ․ ապրիլի 22-ին. Վերցված է 2011 թ․ հոկտեմբերի 25-ին.
  6. 6,0 6,1 Sisario, Ben (2014 թ․ հուլիսի 12). «Tommy Ramone Dies at 65; He Gave Punk Rock Its Pulse». Նյու Յորք Թայմս. Վերցված է 2014 թ․ հուլիսի 12-ին.
  7. Melnick, Monte A.; Meyer, Frank (2003). On the Road with the Ramones. MJF Books. էջ 18. ISBN 1-60671-020-6.
  8. Ralph Blumenthal. «Punk, and Jewish: Rockers Explore Identity». The New York Times. Վերցված է 2013 թ․ օգոստոսի 11-ին.
  9. Ballon, Marc. «Book reveals secrets from the Patriarchs of Punk: CBGBs was really Heebie Jeebies» Արխիվացված 2014-07-14 Wayback Machine, The Jewish Journal of Greater Los Angeles, February 1, 2007. Accessed September 7, 2011. «Erdélyi kept his Jewish identity so well concealed that not even Danny Fields, the Ramones' first manager (himself a Jew), knew of Tommy Ramone’s religious background until now. That Tommy Ramone would want to keep his Judaism hidden makes sense. He was born in Budapest, Hungary, in 1949, and his parents, both professional photographers, barely escaped from the clutches of the Nazis by hiding out with friends during the war. Most of Erdélyi’s family perished in the Holocaust.»
  10. «Return of a Ramone...Tommy Ramone & Claudia Tienan Bow Bluegrass Duo Uncle Monk with Self-Titled Album Due Out May 22». PRWeb. 2007 թ․ փետրվարի 4. Արխիվացված է օրիգինալից 2012 թ․ հոկտեմբերի 4-ին. Վերցված է 2009 թ․ հունիսի 17-ին.
  11. 11,0 11,1 «Interview with Tommy Ramone». Mark Prindle. Վերցված է 2011 թ․ հոկտեմբերի 25-ին.
  12. Legs McNeil and Gillian McCain Please Kill Me: The Uncensored Oral History of Punk. — Grove Press, 2006. — С. 182-183. — 488 с. — ISBN 9780802142641
  13. Alexis Petridis (2005 թ․ հունվարի 6). «Interview with Tommy Ramone». London: The Guardian. Վերցված է 2011 թ․ հոկտեմբերի 25-ին.
  14. 14,0 14,1 «Ramones punk band founder Tommy dies, aged 65». BBC News. London: BBC. 2014 թ․ հուլիսի 12. Վերցված է 2014 թ․ հուլիսի 12-ին.
  15. Gregory, James (2005 թ․ մայիսի 8). «Pitchfork interview with Tommy Ramone». Pitchfork.com. Վերցված է 2011 թ․ հոկտեմբերի 25-ին.
  16. «Boston Phoenix – Gabba Gabba Hayride». Thephoenix.com. 2008 թ․ հուլիսի 8. Վերցված է 2011 թ․ հոկտեմբերի 25-ին.
  17. Sharby Coms, «How The West Was Lost», in Mojo Punk Special Edition, p. 94.
  18. «Relix Magazine — Tommy Ramone is a Bluegrass Punk». Արխիվացված է օրիգինալից 2008 թ․ դեկտեմբերի 3-ին. Վերցված է 2016 թ․ հոկտեմբերի 3-ին.
  19. «Redd Kross Neurotica Re-Issue review». Knac. 2003 թ․ հունվարի 24. Վերցված է 2011 թ․ հոկտեմբերի 25-ին.
  20. The Sun. October 5, 2005.
  21. «Interview with Jari-Pekka Laitio». Kauhajokinyt.fi. Արխիվացված է օրիգինալից 2014 թ․ փետրվարի 22-ին. Վերցված է 2012 թ․ մարտի 20-ին.
  22. Martin, Jim. «Americana songwriter, Womacks play Edinboro, Erie gigs | GoErie.com/Erie Times-News». Goerie.com. Արխիվացված է օրիգինալից 2014 թ․ փետրվարի 1-ին. Վերցված է 2013 թ․ օգոստոսի 11-ին.
  23. «Tommy Ramone dies aged 62». The Guardian. 2014 թ․ հուլիսի 12. Վերցված է 2014 թ․ հուլիսի 12-ին.
  24. Morris, Christopher (2014 թ․ հուլիսի 11). «Tommy Ramone, Founding Member of Influential Punk Band, Dies». Variety. Վերցված է 2014 թ․ հուլիսի 12-ին.
  25. Metzger, Richard (2014 թ․ հուլիսի 11). «Tommy Ramone, RIP: last original member of Ramones passes». Dangerous Minds. Վերցված է 2014 թ․ հուլիսի 12-ին.
  26. Marotta, Michael (2014 թ․ հուլիսի 11). «Report: R.I.P. Tommy Ramone (1952–2014), the last living original member of the Ramones». Vanyaland. Վերցված է 2014 թ․ հուլիսի 12-ին.
  27. Eleftheriou-Smith, Loulla-Mae (2014 թ․ հուլիսի 12). «Tommy Ramone dies: Last surviving founder and drummer seminal punk band The Ramones dies aged 62». The Independent. Վերցված է 2014 թ․ հուլիսի 12-ին.
  28. @RamonesOfficial (2014 թ․ հուլիսի 9). «"One of the reasons that the #Ramones were so unique and original was that they were four original, unique people." – Tommy Ramone #punk». Twitter. Վերցված է 2014 թ․ հուլիսի 13-ին.

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]