Թոլեուբեկ Ալպիև
Թոլեուբեկ Ալպիև | |
---|---|
Ծնվել է | հունվարի 27, 1948 (76 տարեկան) |
Ծննդավայր | Բիշքեկ, Ղրղզական ԽՍՀ, ԽՍՀՄ |
Կրթություն | Ղազախստանի ազգային կոնսերվատորիա |
Մասնագիտություն | երաժիշտ |
Թոլեուբեկ Ալպիև (ղազ.՝ Төлеубек Нығметұлы Әлпиев, հունվարի 27, 1948, Բիշքեկ, Ղրղզական ԽՍՀ, ԽՍՀՄ), նվագախմբի խորհրդային և ղազախ արտիստ, երաժշտության ուսուցիչ։ Ղազախստանի վաստակավոր գործիչ (1998 թվական)։ Գրականության և արվեստի բնագավառում Ղազախստանի Հանրապետության պետական մրցանակի դափնեկիր (2018 թվական)։
Կենսագրություն[խմբագրել | խմբագրել կոդը]
Թոլեուբեկ Ալպիևը ծնվել է 1948 թվականի հունվարի 27-ին, Ֆրունզեում (այժմ` Բիշքեկ)։
1968 թվականին ավարտել է Մոսկվայի Չայկովսկու անվան կոնսերվատորիային կից երաժշտական ակադեմիական ուսումնարանը։
1977 թվականին գերազանցությամբ ավարտել է Ղազախստանի Կուրմանգազի անվան ազգային կոնսերվատորիայի ջութակի դասարանը։
Աշխատանքային գործունեություն[խմբագրել | խմբագրել կոդը]
1970-1972 թվականներին եղել է Ղազախստանի ԽՍՀ հեռուստատեսության և ռադիոյի նվագախմբի երաժիշտ։
1972-1977 թվականներին աշխատել է Ղազախստանի ԽՍՀ հեռուստատեսության և ռադիոյի կամերային նվագախմբում։
1985-1987 թվականներին եղել է «Ղազախկոնցերտ» համերգա-հյուրախաղային միավորման տնօրենի տեղակալ։
1987-1988 թվականներին եղել է «Ղազախկոնցերտ» համերգա-հյուրախաղային միավորման տնօրեն։
1988-1989 թվականներին եղել է Ժամբիլի անվան պետական ֆիլհարմոնիայի գեղարվեստական ղեկավար և ռեժիսոր։
1989-1992 թվականներին եղել է Ղազախստանի ԽՍՀ նախարարների խորհրդին կից մշակույթի պետական կոմիտեի նախագահի տեղակալ։
1992-1995 թվականներին եղել է Ղազախական ԽՍՀ մշակույթի նախարարի տեղակալ։
1995-2000 թվականներին եղել է Ալմաթիի Մշակույթի կոմիտեի միջազգային մշակութային ծրագրերի տնօրինության գլխավոր տնօրեն։
2000 թվականից մինչև 2013 թվականը եղել է Աստանայում առաջին անգամ հիմնված Կ. Բայսեիտովայի անվան Օպերայի և բալետի ազգային թատրոնի տնօրեն։
2013-ից 2014 թվականներին աշխատել է որպես «Աստանայի օպերա» օպերայի և բալետի պետական թատրոնի փոխտնօրեն։
2014-2016 թվականներին աշխատել է որպես «Աստանայի օպերա» օպերայի և բալետի պետական թատրոնի տնօրեն։
2016 թվականի սեպտեմբերի 28-ից առ այսօր աշխատում է որպես «Աստանայի օպերա» օպերայի և բալետի պետական թատրոնի տնօրենի առաջին տեղակալ։
Մրցանակներ և կոչումներ[խմբագրել | խմբագրել կոդը]
- 1998 թվականին արժանացել է Ղազախստանի վաստակավոր գործիչ կոչմանը` ղազախական մշակույթի և արվեստի ոլորտում վաստակի համար։
- 2005 թվականին արժանացել է Կուրմետ շքանշանին` ղազախական թատերական և երաժշտական արվեստի բնագավառում ունեցած վաստակի համար։
- 2011 թվականին արժանացել է Պարասատ շքանշանի` հայրենական արվեստի և մշակույթի ոլորտում ունեցած նշանակալի ներդրման, երկարամյա ստեղծագործական գործունեության համար
- 2011 թվական` «Ալթին Ադամ» ազգային մրցանակի դափնեկիր «Մշակութային գործիչ» անվանակարգում «Տարվա մարդ» կոչման համար։
- 2017 թվականին արժանացել է ԱՊՀ միջպետական «Համագործակցության աստղեր» մրցանակի (2017 թվականի Հոկտեմբերի 24)։
- 2018 թվականին արժանացել է Ղազախստանի Հանրապետության պետական մրցանակի` «Աբայ» օպերայի և գրականության և արվեստի բնագավառում ունեցած վաստակի համար (Լ. Խամիդի, Ա. Uդուբանով)[1]։
- Մեդալներ
- 2008 թվականին արժանացել է «Աստանան 10 տարեկան է» մեդալին։
- 2011 թվականին արժանացել է «Ղազախստանի Հանրապետության անկախության 20-ամյակ» մեդալին։
- 2015 թվականին արժանացել է «Ղազախական խանության 550-ամյակ» մեդալին։
- 2016 թվականին արժշանացել է «Ղազախստանի Հանրապետության անկախության 25-ամյակ» մեդալին։
- 2017 թվականին արժանացել է «Ղազախստանի Հանրապետության ոստիկանության 25-ամյակ» կրծքանշանին[2]։
- 2018 թվականին արժանացել է «Աստանայի 20-ամյակ» մեդալին[3]։
Ծանոթագրություններ[խմբագրել | խմբագրել կոդը]
- ↑ О присуждении Государственной премии Республики Казахстан 2018 года в области литературы и искусства коллективу авторов: Альпиеву Толеубеку Нигметовичу, Бурибаеву Алану Аскаровичу, Байгожину Сундету Абдрахмановичу, участникам творческого коллектива некоммерческого акционерного общества «Государственный театр оперы и балета «Астана Опера» – за оперу «Абай» (Л. Хамиди, А. Жубанов);
- ↑ «Межгосударственной премии "Звезда Содружества" удостоены восемь лауреатов Призерами в области культуры, искусства и гуманитарной деятельности объявлены: а также замдиректора театра "Астана Опера", заслуженный деятель Казахстана Толеубек Альпиев». Արխիվացված է օրիգինալից 2020 թ․ հոկտեմբերի 31-ին. Վերցված է 2020 թ․ ապրիլի 5-ին.
- ↑ Юбилейной медалью «Астана 20 лет» наградили работников культуры и спорта