Թեքում (աստղագիտություն)

Ուղիղ ծագումը (կապույտ) և թեքումը (կանաչ) դիտելով երկնոլորտից դուրս գտնվող կետից։

Թեքում (δ) աստղագիտության մեջ հասարակածային կոորդինատային համակարգի կոորդինատներից մեկը։ Հավասարվում է երկնոլորտի վրա երկնային հասարակածից լուսատուի անկյունային հեռավորությանը և սովորաբար արտահայտվում է աղեղի աստիճաններով, րոպեներով և վայրկյաններով։ Թեքումը դրական է երկնային հասարակածից հյուսիս և բացասական դեպի հարավ։

• Մարմինը, որը գտնվում է երկնային հասարակածի վրա ունի 0° թեքում
• Երկնոլորտի հյուսիսային բևեռի թեքումը կազմում է +90°
• Հարավային բեևեռինը՝ −90°

Թեքումը նշանակելիս միշտ նշում են նրա նշանը, նույնիսկ եթե այն դրական է։

Զենիթով անցնող երկնային մարմնի թեքումը հավասար է դիտարկման կետի լայնությանը։ Երկրի հյուսիսային կիսագնդում տրված φ լայնության համար մարմինները որոնք ունեն δ > 90° − φ թեքում չեն անցնում հորիզոնից ներքև, և կոչվում են «մայր չմտնող»։ Իսկ եթե թեքումը կազմում է δ < −90° + φ, ապա մարմինը կոչվում է «չծագող», և հետևաբար այն հնարավոր չէ դիտարկել φ լայնության վրա։

Տես նաև

• Երկնային կոորդինատային համակարգեր
• Ուղիղ ծագում
• Հասարակածային տեղադրում